لا رئيس .. لا تسجيلات .. ولا ألقاب .. بالغتوا يا هلالاب

0
505

في الصمت كلام
محمد عثمان بلل
لا رئيس .. لا تسجيلات .. ولا ألقاب .. بالغتوا يا هلالاب

• الوصيف حالتو حالة.
• خرج من الموسم الماضي خالي الوفاض.
• دا سبب الهلال.
• ناس الهلال صعبين خالص.
• طبعا معاهم أهلي شندي.
• بس الهلال حسم الممتاز.
• وفي كل موسم ظل يسيطر على الساحة.
• ترك للوصيف مركزه المحبب.
• السنة دي شكلو ما عندو تسجيلات.
• برضو بسبب الهلال.
• خطف نجوم التسجيلات.
• وكدا التسجيلات إنتهت خلاص.
• والوصيف بدون رئيس.
• دا برضو بسبب الهلال.
• أها قول لينا كيف.
• كويس بقول ليكم كيف.
• الهلال الموجود في قيادته منو.
• الكاردينال.
• ما جبت جديد.
• دي ما عايزه تفكير.
• جيب لينا الجديد.
• كردنة دا عامل للناس ديل رعب.
• طيب من ياتو ناحية.
• أصبروا شوية.
• أنا بقول ليكم.
• ما عندنا صبر.
• لسه ما فطرنا ولا شربنا الشاي.
• كلها ثواني.
• رئيس الهلال عمل للنادي شنو.
• حاجات كتيره.
• مثلاً زي شنو.
• عمل الجوهرة وقناة فضائية.
• وبسجل أي لاعب عايز.
• طيب أنتو براكم جاوبتو.
• كيف يعني؟.
• عديل كدا.
• أشرح لينا عشان زمن الفطور قرب.
• أي رئيس يفكر يقود الوصيف.
• ح يسأل نفسو مليون سؤال.
• قول منهم خمسة.
• جماهير الوصيف ح تطالب استاد الوصيف يبقي زي الجوهرة.
• وتاني حاجة يعمل قناة فضائية.
• وما عندو مشاكل مالية.
• وممكن يتعاقد مع أي مدرب.
• عربي خواجة ووطني كمان.
• مدرب عالمي وشارك في المونديال وصائد للبطولات.
• وأصحاب أسماء كبيرة.
• وكمان يخطف نجوم التسجيلات.
• معليش عهد الخطف دا انتهي.
• اللاعب أصبح يبحث عن الأفضل.
• وبراه بمشي محل راحتو وين.
• جيمي عرف القصة دا.
• جيمي منو.
• جيمي ما عرفتوه.
• (ايوااااا جيمي الناس الكانت كل يوم بتمشي ليهو في البيت)
• وتهتف ……. ……… رئيس طوالي.
• بس ياهو زاتو.
• طيب قول لينا عرف شنو.
• عرف إنو القصة دي صعبة عليهو.
• ما كردنة دا مافي طريقة.
• عشان كدا الوصيف دا لحدي الليلة بدون رئيس.
• مش كلو من الهلالاب.
• الهلال وبس.
(صمت اخير) ..
• لا رئيس .. لا تسجيلات .. ولا ألقاب .. بالغتوا يا هلالاب.

 

 

 

 

حمل تطبيق كورة سودانية لتصفح أسرع وأسهل

 

لزوارنا من السودان متجر موبايل1

 

http://www.1mobile.com/net.koorasudan.app-2451076.html

3,699 حملو التطبيق

 

لزوارنا من جميع انحاء العالم من متجر قوقل

 

https://play.google.com/store/apps/details

 

13230 حملو التطبيق

 

على متجر mobogenie

 

http://www.mobogenie.com/download-net.koorasudan.app-357365

5000+ حملوا التطبيق

 

 

 

 

المشاركة

أكتب رد

أدخل تعليقك من فضلك!
أدخل إسمك هنا من فضلك