لقد هرمنا في انتظار هذه اللحظة التاريخية!!

صابنها
محمد عبد الماجد
لقد هرمنا في انتظار هذه اللحظة التاريخية!!

• تاني الهلال يعمل ليكم اكتر من كدا شنو؟
• لعبوها في المساء انتصر.
• لعبوها في العصر انتصر.
• جابوها (النهار) برضو انتصر.
• انتصرنا في المساء خمسة.
• وانتصرنا في العصر سبعة.
• وامس في النهار انتصرنا 12 / صفر.
• مبروك.
• تجيبوها مساء.
• تجيبوها عصر.
• تجيبوها نهار.
• ما ليها غير الهلال.
• ليس هناك احلى من انتصارات (الديمقراطية) فقد انتظرنا هذه اللحظات كثيرا.
• (لقد هرمنا في انتظار هذه اللحظة التاريخية).
• نعم لقد هرمنا.
• امس كنا من على البعد بنتابع الجمعية العمومية للهلال زي كأننا بنحضر في النهائي الافريقي والهلال طرف في المباراة.
• اعصابنا باظت.
• نادي الحركة الوطنية لا بد ان يكون مستقل بنظامه الاساسي.
• نادي الخريجين الاوائل لا بد ان يقوده مجلس منتخب.
• الحمد لله .. والشكر له اولا وأخيرا على هذه الانتصارات المتتالية التى ظل يحققها الهلال.
• انتصارات على كافة المستويات.
• إعادة قيد عبدالرؤوف.
• وإعادة قيد ياسر مزمل.
• وإعادة قيد ارنق.
• وإعادة قيد عثمان ميسي.
• وإعادة قيد ابوعشرين.
• وإعادة شعار الهلال.
• وإجازة النظام.
• وانتخاب اللجان العدلية.
• الشكر والفضل لله اولا وأخيرا.
• نحمده ونشكر فضله على نعمة الهلال.
• شغل تمام .. ونجاح في كل الملفات.
• باقى فقط ملف الاضاءة.
• الملف الوحيد الذي اخفق فيه الهلال هو الملف الذي يشرف عليه المستشار تركي آل الشيخ.
• الرئيس الفخري للهلال.
• نطلع فاصل وإلّا نواصل؟
• المعني نسكت عن هذا الكلام!!
• فاز الهلال في استاد الهلال بالخمسة على الشرطة القضارف في المساء ..قالوا الهلال فاز بالخمسة عشان بيلعب في استاده .. وبيلعب في المساء كمان.
• واشمعنا.
• وليه؟
• ولماذا؟
• ونحن بنلعب بالعصر. وفي النجيل الصناعي… عشان كدا المريخ اتعادل.
• الجماعة لعبوا في العصر نقطت.
• لعبوا في المساء نقطت.
• الهلال يعمل ليكم شنو؟ يبقى ليكم مساء ؟ يبقى ليكم عشب طبيعي.
• يبقى ليكم (غيمة).
• يبقى ليكم مطر.
• نبقى ليكم عبدالرؤوف.
• انتوا عمار طيفور مالو بنضرب في (الركبة) وبمسك (جيبو)؟
• قالوا الجمعية العمومية للهلال مع النظام الاساسي اجازت التعاقد مع عمار طيفور.
• طيفور مع النظام الاساسي.
• مرقوا الهلال من ملعبه وجعلوه يلعب عصرا في ملعب كوبر .. الهلال انتصر بالسبعة.
• تاني يعمل ليكم شنو؟
• سبعة دي انتوا في جداول الضرب ما بتعرفوها.
• ولا بتصلوها.
• إلّا مع الوحدات الاردني.
• سبعة وحدات.
• جوة ملعبه انتصر الهلال.
• برة ملعبه انتصر الهلال.
• في قاعة الصداقة انتصر الهلال.
• في المساء انتصر الهلال.
• في العصر انتصر الهلال.
• في النهار انتصر الهلال.
• ما شاءالله.
• مشينا قاعة الصداقة .. في اكتر من كدا.
• انتصرنا في السراميك.
• في البلاط.
• قاعة الصداقة دي انتوا ما بتخشوها إلّا مع محمد الامين.
• من الساعة عشرة صباحا مرورا بمنتصف النهار والعصر وحتى المساء اقام الهلال جمعيته العمومية وأجاز نظامه الاساسي وانتخب اللجان العدلية.
• انجاز كبير.
• وانتصار عظيم للهلال.
• الكلام دا حصل نص النهار.
• لا عصر.
• لا مساء.
• النهار عديل كدا.
• يكرروا ليكم الكلام الف مرة.
• ان شاءالله يكون وقع ليكم.
• تاني في كلام.
• انتصر الهلال في استاد الهلال 5 / صفر.
• وانتصر الهلال في ملعب كوبر 7 / صفر.
• وانتصر الهلال 12 / صفر في قاعة الصداقة.
• نعمل ليكم شنو اكتر من كدا؟
• بعد كدا إلّا نلعب ليكم في كوبري توتي.
• نحن ما عندنا مانع .. الهلال على استعداد ان يلعب في شارع الستين وفي موقف جاكسون ذاتو.
• تتخيلوا دي.
• الاتحاد الافريقي اجاز ملعب الهلال والاتحاد السوداني عاوز يلعب الهلال في جبل اولياء.
• الهلال على استعداد يلعب في علبة ساردين.
• اصلو ما عندنا مشكلة.
• ابقوا انتوا بس يا محمد حلفا قدر الكلام دا.
• وانتظروا الراجيكم.
• نرجع للنظام الاساسي.
• ونحن أي حاجة عندنا بي نظام.
• الحمدلله تأكد ذلك عبر الجمعية العمومية لنادي الهلال امس في قاعة الصداقة.
• يوم تاريخي في مسيرة نادي الهلال.
• اخيرا الهلال يجيز نظامه الاساسي.
• أي زول عندو رأي في النظام الاساسي وعنده تأثير يبقى يكون عنده القدرة على الدعوة لجمعية عمومية للتعديل في النظام الاساسي.
• المهم نمرق من المفوضية الكلها كيزان.
• ونمرق من الاتحاد الكله مريخاب.
• انتوا عاوزين الهلال يحكمه لينا مريخاب الاتحاد العام وكيزان المفوضية.
• انتوا بتتكلموا كيف؟
• باجازة النظام الاساسي تحرر الهلال من سلطة الدولة عبر المفوضية ومن سلطة الاتحاد.
• مصير الهلال بقى في ايدو.
• استقلالية الحركة الرياضية تتمثل في تلك الاجازة.
• لجنة تطبيع الهلال نجحت في ان تعيد استاد الهلال وتأهله ليصبح جاهز للمباريات التنافسية.
• ونجحت اللجنة في اعادة شعار الهلال.
• ونجحت امس في اجازة النظام الاساسي في ظل تعقيدات كبيرة امام هذه الخطوة المهمة.
• وننتظر من اللجنة النجاح في اقامة الجمعية العمومية لاختيار مجلس ادارة منتخب للهلال.
• هلال الحركة الوطنية يجب ان يكون كذلك.
• يجب ان يكون نموذجا للديمقراطية والحراك الانتخابي.
• طبعا الحراك الديمقراطي في أي حتة امامه عقبات واعتراضات كثيرة.
• الانظمة الشمولية والدكتاتورية بالقمع ووضع اليد قادرة على ان تسير اموها.
• الانظمة الديمقراطية دائما يلاحقها الفشل وتضع امامها العقبات بسبب اللين والضعف.
• وربما بسبب الشفافية والحريات التى تلتزم بها تلك الانظمة ويستغلها المغرضون لأهدافهم الخاصة.
• ما هو الافضل للهلال؟
• هل الافضل للهلال ان يجيز نظامه ويديره ابناؤه ام يفشل في ذلك وتديره السلطات؟
• العندو كلام يعمله في صناديق الاقتراع.
• مرحب بكل من يأتي عبر تلك الصناديق.
• نتمنى ان تمضي مسيرة الهلال بدون عراقيل وطعون.
• طبعا في ناس متخصصة في الاشياء دي.
• بس شغالين (عراقيل).
• العندو كلام بعد كدا يعملوا في الجمعية العمومية القادمة.
• في صناديق الاقتراع.
• النظام الاساسي تمت اجازته.
• واللجان العدلية تم انتخابها.
• وتبقى فقط انتخاب مجلس منتخب للهلال.
• وان شاءالله الهلال ينتخب مجلسه بعد شهر من الآن.
• خلاص عاوزين نتحرر من التعيين.
• عاوزين انتخابات.
• ومجلس منتخب.
• …………..
متاريس
• ناس الاتحاد وقت لقوا الهلال لم يتعثر في كوبر قالوا يودوه جبل اولياء.
• الهلال انتصر في عطبرة وفي بورتسودان وفي جبل اولياء وتصدر في الابيض.
• صدارة حتى لو لعبنا في الصين.
• اعداد الهلال يجب ان لا يتأخر.
• ويا ريت يلعب الهلال مباريات قوية في الفترة القادمة.
• في عناصر في الهلال في حاجة لمثل هذه المباريات.
• الهلال عنده عناصر كتيرة في المنتخبات ، لكن هناك عناصر يجب ان تجد الاعداد والتجهيز الجيد في الفترة القادمة.
• الشرطة بدأت الاعداد.
• والاهلي شندي.
• وهلال الابيض.
• وتوتي.
• والاهلي الخرطوم.
• حتى المريخ بدأ الاعداد.
• لماذا يتأخر الهلال.
• الفهم شنو يعني؟
• العناصر الموجودة مع الهلال الآن عناصر ليس محتاجة للراحة .. لأنها اصلا هي لا تشارك كثيرا.
• العناصر التى كانت محتاجة للراحة هي العناصر التى هي مع المنتخب الوطني الآن.
• وين احمد بيتر.
• امسكوا في محمد مصطفى جيد.
• يا شوفوا جرس.
• ما عندكم اكتر من كدا.
• نقوم على مباراة الريال وليفربول بعد قمة قاعة الصداقة.
• ….
• ترس اخير : ان شاءلله الهلال دائما بخير.