لقيتوا خطاب (الفيفا) ولا لسه

1
604

في الصمت كلام
محمد عثمان بلل
لقيتوا خطاب (الفيفا) ولا لسه

• ناس الوصيف طلعوا علينا بقصة خطاب الفيفا .. تركوا أي حاجه ومسكوا في خطاب الفيفا .. تأليف في تأليف ولا يوجد خطاب ولا حاجة .. دا موضوع إنتهي من زمان .. امشوا شوفو موضوع تاني .. قالوا شنو .. قالوا الفيفا طالب بالتحقيق في صورة هتلر .. والإتحاد العام أصدر بيان ونفي تلك المزاعم التي تم تأليفها من جانب الوصيف .. هزيمة قمة الممتاز بتعمل أكتر من كدا .. الجماعة دخلوا الملعب وكانوا واثقين من الفوز على سيدالبلد .. معقولة الفوز على الهلال حته واحده .. ووين في إستادوا كمان .. عليكم الله ما نضحك زي ساي كمان يقولوا الزول دا خلاص فقد عقله .. ولا يمكن دا من تأثير شاكوش جامد منحته له إحدي الحسناوات عقب الفشل في علاقة عاطفية .. بس دا ما حصل نهائي .. لكن نعمل شنو ما الجماعة ديل .. يااااخ ديل بقولوا كلام عجيب .. (الفيفا زاتها معقولة لكن .. طالبت بفتح تحقيق في صورة هتلر أثناء مباراة القمة) .. الفيفا لكن ما بالغتي معانا .. ونعمل حاليا نعمل شنو يعني .. نمشي وين ونقول شنو .. أنتوا مش عارفين أي حاجه .. طيب قولوا أنتوا البحصل لينا شنو .. طيب الإتحاد العام قال مافي اي خطاب وصل من الفيفا .. ونصدق منو أسي .. إنتو ولا الإتحاد العام .. الإتحاد العام بقيادة البروفسير كمال شداد .. أقول ليكم حاجة .. لقيتوا رئيس ولا لسه .. قلت ليكم امشوا سوق الجمعة .. برضو احسن ليكم من الجري وراء سيدالبلد .. الهلال دا صعب عليكم .. غير العذاب ما بتلقوا منو حاجه .. شوفوا مشاكل ناديكم وين .. أنسوا الهلال .. التسجيلات قربت تنتهي .. إنتوا سجلتوا لاعب ولا لسه .. ما شايف لي جوطه قدام الإتحاد العام .. حليل زمن جيمي .. غايتو كان برنامج .. خبطة خطف ضربه موجعه إكتساح .. وين الأيام دي.
• حليلك يا جيمي.
• خليت البلد وراك فاضية.
• أقعوا سوق الجمعة.
• السنة الجايه الوصيف وين.
• غايتو المراكز الستة الاوائل محجوزة.
• ما شايف إسم الوصيف معاهم.
• لكن شايف ملوك الشمال أهلي مروي قاعدين قدام.
• اقول ليكم حاجة.
• الهلال وبس.
(صمت اخير) ..
• لقيتوا خطاب (الفيفا) ولا لسه.

 

 

 

 

 

 

 

حمل تطبيق كورة سودانية لتصفح أسرع وأسهل

لزوارنا من السودان متجر موبايل1

http://www.1mobile.com/net.koorasudan.app-2451076.html
3,699 حملو التطبيق

لزوارنا من جميع انحاء العالم من متجر قوقل

https://play.google.com/store/apps/details…

13230 حملو التطبيق

على متجر mobogenie

http://www.mobogenie.com/download-net.koorasudan.app-357365…
5000+ حملوا التطبيق

 

 

 

المشاركة

1 تعليق

  1. بدأت بوادر الخوف من الفيفا … الخطاب وصل الإتحاد ونفى الإتحاد وصول الخطاب وعند نشر الخطاب في الصحف لم يتحرك الإتحاد وينفى إن الخطاب مفبرك ومزورفالجقلبة بتاعتك دي ما بتعني إنو الخطاب ما وصل بل تعني إن الجرسة حاصلة .. وخليك من تسجيلات المريخ إنتو سجلتو منو غايتو سمعنا بي التجديد لجينارو وتسجيل لاعب الشرطة وإثنين من الأمل أو الأهلي يعني المواسير قاعدة في محلها وين القوة المالية الضاربة- فعلا قوة مالية (ضاربة)

أكتب رد

أدخل تعليقك من فضلك!
أدخل إسمك هنا من فضلك