*امس في بلاد المليون شهيد وريناهم حاجه
*الجزائريون قربوا يقولوا لينا بلادي سهول بلادي جروف
*ماكانوا فاهمين اي شى
*وهذا هو عهدنا بهم وعهدهم بنا
*كلمتكم
*قلت ليكم اولادنا قدرها
*مهما كانت الظروف
*والزولفاني لم يفاجئني عندما امتدحه المعلق
*لاني عارفو شااااطر وبعرف شغلو كويس
*وصدق المعلق حينما قال ان الزولفاني يعلم ماذا يريد
*واضيف للمعلق ان الزولفاني يعمل لما يريد
*ويحقق مايريد
*خمسة الف دولار شهرية
*تنتج كل هذا الابداع
*شكل المريخ في الانضباط التكتيكي والخططي حير المريخاب قبل الآخرين
*الزول الشاقي شعرو ده بي حقو
*وفي بطولة العرب لو قابلنا ابولهب بعرف الله واحد
*بنسي ليك اللاتي والعزة
*هبل زاتو حايقول اني آمنت بالله رب العالمين
*ولولا الاصابة اللعينه التي حرمتنا العقرب وتيري
*لاكتملت خطة الزولفاني باداء يشبه اداء منتخب قطر
*نفس الشغل والزون دفنس والضغط بالعدد قبل الجسد ونقل الهجمة لمهاجم قوي وسريع
* وظهور لاعب قادم من الخلف من كتائب الظل
*ثم هدف
*ولكن
*الركون لهذه النتيجة يضر بنا
*يجب ان ننساها
*نخليها في بلد المليون شهيد
*ونجي نستعد في بلادي سهول بلادي حقول
*لنتأهل من القلعة الحمراء باهداف زي المطر
*شكرا
*شكرا الجهاز الفني فردا فردا
*بالذات مدرب الحراس الذي انتج لنا ابو عشرين جديد
*انتج لنا ابو مليارين عديل كده
*عشرين شنو
*هي العشرين بتسوي شنو
*شكرا الاولاد ولدا ولدا
*شكرا لثقتنا بانفسنا
*شكرا لاحساسي الذي لم يخب
*ومن قبل ومن بعد
*شكرا جزيلا ربنا
*ايها الناس
*بالامس وقبل المباراة جمعتنا جلسة رائعة في حرم وكرم الحبيب كابو
*ضمتنا جلسة ريد نستنا دنيا الناس
*كابو والاحبه ميزو وعطاف ومعاوية الجاك وشخصي الطويل
*المريخ جميل
*ايها الناس
*نعزي انفسنا قبل الحبيب عوض عيد في رحيل والدته
*الف رحمة تنزل عليها
*وعليكم بالصبر الجميل اخي عوض عيد سفير المريخ لدي الجزائر
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت ياوالينا
*كترة القيدومات بتبيخ العرس
سلك كهربا
ننساك كيف والكلب قال غيروا السؤال وكت صعبت الاجابة عليكم
والي لقاء
سلك