ما تستاهل (العورة) وخسارة العين !!

1
440

بالعربي الكسيح
محمد الطيب الأمين
ما تستاهل (العورة) وخسارة العين !!

 

* حتى وقت قريب كان تقييم الإنسان يتم عن طريق (الإملاء) ..
* (الإملاء) كانت هي عنوان الشخصية ..
* إحنا وأولاد حلتنا كنا (بنعاف) من (البت) الما عندها إملاء ..
* والله صحي ..
* الواحد فينا ممكن (يجكس) ليهو (بت شينة) لكن مستحيل (يجكس) ليهو (بت ما عندها إملاء) ..
* وحقيقة قبل ثورة الإتصالات وإنتشار وسائط التواصل الإجتماعي كانوا الناس منسترين ..
* لكن ظهور هذه الوسائط كشف كثير من الناس كما أنه كشف وأكد أن اللغة العربية في خطر حقيقي ..
* قالوا الأستاذ سأل الطالب : ماهي أكثر مدينة بتحبها ؟؟
* الطالب أجاب : سان فرانسيسكو يا أستاذ ..
* الأستاذ قال ليهو بتحب سان فرانسيسكو ؟؟ الطالب قال ليهو : أيوة بحبها ..
* الموضوع ده إستفز الإستاذ فما كان منه إلا وأن قال للطالب : طيب وقت بتحبها قوم أكتبها لينا في السبورة .. الطالب إتلفت يمين وإتلفت شمال وقال ليهو : والله يا أستاذ أنا بهظر ساي بحب بربر ..
* نكرها عديل ..
* قال بحب بربر عشان كتابتها ساهلة ..
* الحاجة دي ذكرتني بالمريخ ..
* ناس المريخ بعد ما ضربناهم عن طريق (شيبولا وسموأل) قالوا الهلال فاز علينا عن طريق (الكجور والدجل) ..
* وكمان قالوا بتمنوا إنو مباراة القمة الجاية تكون أول مباراة في موسم (2018) ..
* وهسه ربك رب الخير جاب لينا (كأس قمة الإستقلال) من العدم ..
* منظر المريخاب بعد إعلان موعد مباراة (كأس الإستقلال) بقى زي منظر الطالب القال بيحب سان فرانسيسكو ولما الأستاذ قال ليهو قوم أكتبها في السبورة قال ليهو لا كنت بهظر أنا بحب بربر ..
* وناس بربر فعلا بتحبو ..
* وغايتو جنس غايتو ..
* أخشي أن يكون مجلس الهلال قد تأثر بمجلس المريخ (الما عندو رئيس) فيما يتعلق بشأن المعسكر الخارجي ..
* المجلس الهلالي كان قد قرر قبل فترة أن المعسكر سيكون داخل السودان ..
* وبعد (شويتين) قالوا المعسكر ح يكون (داخلي وخارجي) ..
* وبعد يومين قالوا الهلال سيغادر يوم الثلاثاء (أمس) إلي كينيا ..
* وأمس قالوا الهلال سيغادر يوم الجمعة ..
* الخوف أن تشرق شمس اليوم والمجلس يعلن إلغاء المعسكر الخارجي والمعسكر الداخلي ذاتو ..
* هذه الربكة التى يعاني منها مجلس الهلال لن تنفع في موسم (2018) الذي ننشد فيه النجاح الكبير ..
* الأندية الكبيرة بتكون أمورها مرتبة حتى في الأشياء الصغيرة ناهيك عن أشياء كبيرة مثل (المعسكر) ..
* الهلال نادي كبير يجب أن يكون (قدر كلمتو) ويجب أن يرتب أمورو بعيدا عن الإعلام حتى لا تدخل الوعود التى يطلقها المجلس في خانة (الكضب) ..
* نتمنى ذلك ..
* المهم ..
* تمر علينا هذه الأيام ذكرى الشهر الخامس والمريخ بدون رئيس ..
* والله حقو نعمل لينا يوم نسميهو (اليوم العالمي للمريخ بدون رئيس) وذلك على طريقة اليوم العالمي لمرضى السكري واليوم العالمي للسعادة واليوم العالمي لشجرة المورينقا ..
* بالمناسبة دي ..
* وين شجرة المورينقا إختفت ؟؟
* زمان قالوا شجرة المورينقا بتعالج كل شئ ..
* وإحنا لما سمعنا الكلام ده بقينا نفتري على الدكاترة ..
* أى زول زرع ليهو شجرة مورينقا في بيتو ..
* لكن للأسف شجرة المورينقا غير إنها جابت لينا البعوض ما عملت حاجة ..
* حاجة تكسف ..
* خمسة شهور والمريخ بدون رئيس ..
* وبما أننا في الوسط الرياضي لا بنكره ولا بنعادي فسنقوم اليوم أيضا بنشر بعض الأسماء التى نأمل أن يفاوضها المريخ لترأس النادي ..
* الأسماء هي : (تابيتا بضرس ، إنصاف مدني ، صلاح أدريس ، طه سليمان) ..
* هذه قائمة وخلال الأيام القادمة سنقدم قائمة آخرى ..
* وأنا حقيقة من خلال قائمة اليوم شايف إنو الأنسب ليكم طه سليمان ..
* طه سليمان أو صلاح أدريس ..
* أنا شايف كده ..
* وأى زول طبعا حر في (شوفو) ..
* الظريف في الموضوع .. إبراهيم جعفر المشطوب قال إنو المريخ شطبو وهو في بيت الله يؤدي العمرة ..
* وأنا حقيقة متعاطف مع أبراهيم جعفر لكن كمان الحق حق ..
* أنت في بيت الله ربنا يتقبل لكن كمان ده ما بيمنع الشطب ..
* لو بكلامك ده يا أبراهيم معناها أى لاعب مرشح للشطب يقوم ينتظر فترة التسجيلات ويمشي بيت الله عمرة ..
* عشان ما يتشطب ..
* أنت داير السنة كلها تكون كعب وتجي تفلت من الشطب بسبب (عمرة) ؟؟
* لا طبعا ..
* لو حدثتنا عن الشطب الإداري أو عن الأشياء الكعبة داخل نادي المريخ ما عندنا مشكلة بنشيلك في رأسنا ..
* لكن حكاية العمرة دي ما تقولها لينا ..
* ده ما عذر ..
* لو التسجيلات بقت تصادف موسم الحج ، عادي ممكن تتشطب وإنت في صعيد عرفات الطاهر ..
* أو ممكن تتشطب وأنت بترمي في الجمرات ..
* عادي جدا ..
* الموضوع ده عادي ..
* نتمنى من الأخ إبراهيم جعفر أن يشد حيلو مع الوادي نيالا ..
* أبراهيم جعفر وعلى جعفر وفييرا وراجي مطالبين بأن يقدموا كل خبراتهم للوادي نيالا وأن ينتقموا من المريخ عندما يقابله في الدوري ..
* عشان الموضوع ما يبقي فصاحة ساكت ..
* لما تقابلوا المريخ لازم تنتقموا منو ..
* عايزين الرد يكون جوة الملعب ..
* ورونا شطارتكم ..
* ما ترحموهم ديل رئيس ما عندهم ..
* وتبكو بس .. عين قطرة وعين مس ..
* ونركب صافنات ونجيبة (جموعية) وأصلو الزول بيموت والذكرى تفضل حية ..
* و..و..
* شفتك وإبتهجت …(أحدهم يخاطب كيس الرغيف) ..

 

 

 

 

حمل تطبيق كورة سودانية لتصفح أسرع وأسهل

 

لزوارنا من السودان متجر موبايل1

            

http://www.1mobile.com/net.koorasudan.app-2451076.html

 

2,456حملو التطبيق

 

لزوارنا من جميع انحاء العالم من متجر قوقل

 

https://play.google.com/store/apps/details?id=net.koorasudan.app

 

17756 حملو التطبيق

 

على متجر apkpure

 

https://apkpure.com/ar/%D8%B5%D8%AD%D9%8A%D9%81%D8%A9-%D9%83%D9%88%D8%B1%D8%A9-%D8%B3%D9%88%D8%AF%D8%A7%D9%86%D9%8A%D8%A9/net.koorasudan.app

 

على متجر facequizz

 

http://www.facequizz.com/android/apk/1995361/

 

على متجر mobogenie

 

https://www.mobogenie.com/download-net.koorasudan.app-3573651.html

 

على متجر apk-dl

 

http://apk-dl.com/%D8%B5%D8%AD%D9%8A%D9%81%D8%A9-%D9%83%D9%88%D8%B1%D8%A9-%D8%B3%D9%88%D8%AF%D8%A7%D9%86%D9%8A%D8%A9

 

على متجر apkname

 

https://apkname.com/ar/net.koorasudan.app

 

 

 

المشاركة

1 تعليق

  1. صحافة اخر زمن دى ما خفت دم كتاباتك بياخة عديل نحن اهلة اكتب لينا عن الهلال انتقد المجلس وفى ادائهم ابتعد عن الاشخاص ومالينا شغل ف المريخ يراسو طه صلاح بس كمان ما تستهر انصاف مدنى فى عينك البتكتبوا بدخل بيت الناس وبدفعوا فلوس عشان يشتروا الصحيفة الربنا ابتلاها بواحد سمج مثلك

أكتب رد

أدخل تعليقك من فضلك!
أدخل إسمك هنا من فضلك