مدليييييناو

0
96

في السلك

بابكر سلك
*الرائع النور الجيلاني وضع بصمة خاصة علي خارطة الغناء السوداني
*طريقة اداء حقتو براهو
*قاطعها من راسو
*احساس بالاغنيات يجعله يتفاعل بصدق مع مايؤديه ويستمتع قبل ان يمتع
*خلق من الكورس التقليدي كورال اساسي في كل اغنية
*واختار المظهر المميز له والخاص به
*واحسن اختيار الاغنيات
*غني للوطن الواحد
*وكانت جوبا علي كل الشفاه
*غني كدراوية فكانت الكدرو محط الانظار
*وغني
*عدي بينا وعدي بينا ياريس
*فكانت ولازالت صدي يداعب الآذان مع كل تغريدة
*وهيلا هيلا هيلا هيلا وهيلاهوب
*غني مدلينا
*وبلغة اليوم تصبح
*مدلييييناو
*وعدي بينا وهيلا هوب
*نسأل الله له كامل الشفاء ليعود مغردا في ساحات وطن مدلييييناو
*فساحات الاغنية السودانية في هذا العهد لاتقبل الا مدليييناو
*والاناشيد الوطنية
*والسلام الجمهوري
*وفي السلام الجمهوري يكون التركيز علي
*هذه الارض لنا فاليعش سوداننا عالما بين الامممممم
*اممييييناو
*ايها الناس
*مجلسنا الفنجري يدين اعتداء الحوثي علي مطار ابها ويصفه بالبلطجة والجريمة النكراء
*وزي ماقال معاوية الجاك
*خلت راجلها ممدود ومشت تعزي في محمود
*مجلسنا بالغ
*انتوا يا اسد مابتخجلوا؟؟؟؟
*المهم
*اصرار بروف شداد علي اكمال الموسم كان كبيرا قبل ضرب مطار ابها
*اقصد قبل فض الاعتصام
*بعد ده لو مصر ياشداد الا تلعبهم ليدو في موبايل
*غايتو الله يخارجنا
*او تشركهم في لعبة من سرق الروب المدورة اليومين دي
*روب الاعتصام
*الناس ناكرة سرقتو حطب
*المجلس قال انا ماسرقو
*هذا سرقو
*وهذا نكرو
*قال مستنكرا انا سرقو؟
*انا ماسرقو
*هذا سرقو
*هذا الظل قال انا ماسرقو
*هاداك سرقو
*وهاداك قال الله يهداك
*انا ماسرقو
*ويظل سؤال الشارع مشروعا وقائما
*مين سرق الروب؟؟؟؟؟؟
*في واحدين قالوا الروب ذاتو ما انسرق
*الروب انكشح براهو علي ارض الاعتصام
*الروب سال براهو في النيل
*الروب سال وكتل ملف بس ما انكتل
*ونظل نسأل
*مين كشح الروب؟
*مين صب الروب في النيل
*حتي الروب يسأل علي طريقة خواطر فيل للنور الجيلاني
*كشحوني لييييه ليه كبوني ليه في النيل هنا
*انا ليه هنا
*انا ايه عملت غير الهتاف والدندنه
*انا ليه هنا
*لو قلت قاصد كولمبيا والسنسنة
*كولمبيا ماكلنا
*كولمبيا هناااااك ماهنا
*انا ليه هنا
*وفي الحتة دي يدخل المندلين في عزف منفرد
*مدلييييناو
*مدليييناو
*الام الثكلي خبرها
*والوالد يبكي وانينا
*والاخ يصدح مافضل واحد فينا
*وترنح السما قرب يقع فينا
*والنيل حنين يأوينا
*والارض شهدت بالحاصل فينا
*ويبقي هتافنا اللامييينا
*مدليييناو
*ايها الناس
*من نكات الواتس التي اعجبتني
*قالوا الاسد كان نايم تحت شجرة
*جا القرد براااحه ربطو وجري
*الاسد صحي لقي روحو مربوط
*جا الحمار ماشي
*الاسد قال ليهو فكني بديك نص الغابة
*الحمار فكاهو
*الاسد قال ليهو مابديك نص الغابة ولاشئ
*الحمار افتكر الاسد لحس كلامو وغنج بالسلطة
*الاسد قال ليهو
*مابديك نص الغابة
*بديك ليها كلها
*غابه بربط فيها القرد وبحل فيها الحمار مابتلزمني
*وشال بقجتو وساق اللبوة وفاااات
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت ياوالينا
*جابوا الكراكات ولملموا حاجات الترس لينا
*موش كان يركبوها في محلاتها يا والينا
*ولا اللملمه دي تمهيد لاصدار قرار جديد لينا؟؟؟
*ولا خوفا من مدلييييينا؟؟؟
سلك كهربا
ننساك كيف والكلب قال انا عرفت من سرق الروب…انتوا كان مابتشموا ومابتشوفوا ما بتفهموا!!!!
والي لقاء
سلك

المشاركة

أكتب رد

أدخل تعليقك من فضلك!
أدخل إسمك هنا من فضلك