صحيفة كورة سودانية الإلكترونية

مريخ استثمارى

8

عن كثب

إدراك عبد الرحمن

الهلال يفرع التسجيلات بثلاثى خطير محمد موسى جينارو افول و البقية تأتى ان شاء الله والمريخ لايزال كقوم طرواده يتحدثون الهزيمة من التحكيم ام التحكيم من الهزيمة والتسجيلات تجرى على قدم وساق والحقيقة طالما خزينة المريخ فى جيوب الاقطاب من المفترض ذوقيا فى فترة الانتقالات ضخ المبالغ للجنة الفنية تحت رعاية السيد قريش هذه الاموال فقط تنفق فى تسجيل اللعيبة وتكون هناك شفافية فى الاستلام والتسلم ..وضوح تام لان بناء النادى ونجاحه يتوقف على اللعيبة هم الدخل هم كل شئ ومن العار ان تشتت اذهان المجلس وتذل الكيان وتتركه ينظر الى جيوب الاقطاب…كل قطب عليه دفع ودعم المريخ وعلى الادارة المالية للنادى تسجيل الاموال ووضع نسبة لكل مشترك وفى حالة انتعاش الخزينة فى المباريات يتم تسديد الاموال لكل داعم بالنسبة يعنى بصريح العبارة وبالدارجى شغل تجارى تكوين فريق استثمارى قوى يؤهل المريخ الدخول للمجموعات حتى وان لم ينال البطولة سيكون المريخ قادر على الصرف من ذاته من عرقه لان الفيفا ستدعم الفريق فى كل مرحلة وكلما زاد العطاء كلما زاد الدخل من دعايات وخلافه..

المريخ كنز مدفون لانه نادى رياضى معروف ومن العار والجبن ان يتوارى الاقطاب وتركه يتسول سوداكل ان طال امده وتعقدت اموره على المريخ يسد هذا الباب ويبحث عن الاستثمار كما ذكرتءانفا سوداكا من حقه الايصرف سنتيم طالما ملفه به طعون واكرر سيكون المريخ من جمال الى سوداكال نفس المنهجية السابقة متى ما ذهب سوداكال سيذهبون الى حائط بيته يبكون لعودته..لم يستفد المريخ من فترة جمال وخلق نظام مؤسس على الارباح ..لااحد يستطيع الدفع بلا مقابل..وان وجد لماذا لا ندعه يربح؟هو يربح وكذا النادى…اذا المريخ انشاء قناة سيربح اذا عمل صالات سباحة وتنس سيربح…الناس بتاعين تكيل ساى واتكال لمن جاهم..سوداكال..

تقرير محمد موسى

مع احترامى لمحمد موسى الا ان الضربات التى تلاقها الاحمر لعب فيها التدريب والاعداد النفسى والادارى دورا فعالا من المستحيل ان ينال فريقا بطولة وهو معطون وغارق بالديون قارن بين الهلال عندما عاد الكاردينال وحفز اللعيبة وفتح خزينته واشتم لعيبته رائحة الكاش …الاوكسجين ..المنشطات ياحبايب…الانيرجى درينك …الردبل بعمل ليك جوانح…بينما حوافز المريخ مامعروفه ..غالبا ماتكون جاكات ساى …مورفين تخدير.

قصاصات

المريخاب البجعروا جراء الهزيمة مخيفين اكتر من مقالات بنى الاحمر لانها توارى وتغطى الحقائق انهم يخدمونا بشدة.

تبرير الهزيمة من الهلال بتذكرنى لمن زول يجروه خمسين ويحرق ويقعد يحكى ليك انا كنت قافل دامات وماتو وبعدين كسرت الدامات بعد جانى شايب الشريا اها سبعة الدينارى طافى مامكن ارميها وتريس الهارت مخمس اللعب ..اكتر حاجة بتقوليهو اى ..صاح ..بالله والله ما ليك حق..اى صااح…

بدور ببكى

شمهروووش اجمع

شبيك لبيك مولاى انت بقيت مريخابى ولاشنو؟

ههههه عيب ياشمها لانو يمكن ينزلوا الليق بعدين نجلد منو؟نغلب منو؟نقزقز بى منو؟!!نضقل بى منو!؟

مولاى

السمبرية والدة تيمان خلتهم كيمان كيمان…مولاى

اخويص كيموص كرعويص اب كسكته.ايموا ايموا.

موووووووهاهاهاهاهاها موهاهاهاهاهاهاه

مووووووووووهاهاهاهاهاهاهاها

الترجمة

انا بفرتقهم شئت ام ابيت انا مع اب كسكته حته حته.الهلال متعة.

تحياتى

(أَيُشْرِكُونَ مَا لاَ يَخْلُقُ شَيْئًا وَهُمْ يُخْلَقُونَ)

 

 

حمل تطبيق كورة سودانية لتصفح أسرع وأسهل

 لزوارنا من السودان متجر موبايل1

http://www.1mobile.com/net.koorasudan.app-2451076.html

3,699 حملو التطبيق

لزوارنا من جميع انحاء العالم من متجر قوقل

https://play.google.com/store/apps/details?id=net.koorasudan.app

13230 حملو التطبيق

على متجر   mobogenie

 http://www.mobogenie.com/download-net.koorasudan.app-3573651.html

5000+ حملوا التطبيق

قد يعجبك أيضا
تعليق 1
  1. الابريق يقول

    الهرّوه مضحكة (وتسالي)عند الهلالاب قبل الآخرين

اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبولقراءة المزيد