ناس الحركة الوطنية

0
109

في السلك

بابكر سلك
ناس الحركة الوطنية

*نادي الحركة الوطنية كما يطلقون علي انفسهم
*ناس مستر كلارك الخواجة المستعمر
*بمستواهم ده
*السنة دي حايجيبوا لينا الكلام
*وحا يخلوا الاتحاد الافريقي بدل يدينا اربعة فرق للتمثيل الافريقي
*حايحرمنا اربعة سنين من التمثيل الافريقي
*اسألني قول لي ليييه؟
*سألتني
*اوريك ليه
*مستوي يفتقد للمحتوي الفني الذي يستطيع ان يحافظ لنا علي سمعة الكرة السودانية المسجلة بلوح الشرف الافريقي
*تلك السمعة المسجلة باحرف من نور فوز السودان بكأس افريقيا
*ووهج فوز المريخ بكأس مانديلا
*ولعلها فرصة طيبة نستجر فيها تلك النكتة الميدياوية التي تقول
*عند تدشين دوري كرة القدم النسائية علق احد الشيوخ قائلا
*هم الرجال جابوا شنو لما نعمل كورة نسوان كمان
*فرد عليه احدهم قائلا
*والله ياشيخنا منتخب السودان جاب كاس افريقيا سبعين
*والمريخ جاب كأس الكؤوس تسعه وتمنين
*انت كان قصدك الهلال قولو عديل
*زمن الغتغتة والدسديس انتهي
*نرجع لموضوعنا
*ناس الحركة الوطنية ادعاءا السنة دي البجيبوها لينا الله لا ورانا ليها
*الخوف بسببهم يمرقونا من الامم المتحدة
*ونتائج الهلال المتوقعة بمجموعات هذه السنة لا تقبل احتمالين
*اما الاحتمال التالت احتمال يكون مطالبة الجنائية بتسليم ناس الحركة الوطنية كشرط لرفع العقوبات عن السودان
*واوصي الاهلة كي يتخارجوا من هذه الورطة ويخارجوا للسودان من هذا المأزق
*اوصيهم ينسحبوا من المجموعات ويعملوا حركة من حركاتهم ديك
*يقولوا مابنلعب الا الجنائية تكف عن المطالبة ببشة
*لكن البتبقي السنة دي الله يسترنا معاها
*المهم
*نعود لمستوانا وفراغ محتوانا امام حي العرب
*معقولة الاشباح ديل وصلوا لدرجة يصبوها اضرابا مطالبة بحقوق لايستحقون هلله منها؟؟؟
*معقولة اصحاب اليباس الفني ديل والعقم المهاري الشفناهم ديل
*بضربوا عن التمارين و غالبيتهم مابعرف يثبت بالشمال؟؟؟
*معقولة الناس كانت سايطة الوسط دي عندها وش تضرب بيهو كمان؟
*علي الطلاق عندنا بعض اللاعبين لو بدفعوا لينا هم نحنا الخسرانين
*ولكنه ضعف شخصية ادارية وخواء جيوب خلي زي ديل يختالون كالطواويس علي كشوفات المريخ
*المهم
*ان شاء الله التأجيل الاخير ده يكون آخر تأجيل لاجازة النظام الاساسي
*اي شنكبة عنكبة
*الميدان ياحميدان
*الجمعية العمومية هي الفيصل
*وهي صاحبة الحق الاصيل
*وهي التي ترفض الوصاية والرعاية واسلوب القطيع
*وهي التي تهزم اسلوب الغاب
*ايها الناس
*انت تنصروا الله ينصركم
*اها
*نجي لي شمارات والي الخرتوم
*كان شفت ياوالينا
*الكهربا قاطعة تمنية واربعين ساعة منينا
*مرة يقولوا امية
*ومرة يدوروا طعمية
*ومرة تحتاج همية
*ومرة اعذارهم وهمية
*واخيرا لقوا سلك مقطوع ياوالينا
*قالوا شجر المؤتمر الوطني قطع السلك علينا
*المؤتمر الوطني ده لي اسي مبارينا
*موش قلت ليك اعمق حفرة في الدولة هي حفرة الكهربا يا والينا
سلك كهربا
ننساك كيف والكلب قال اتماطلوا كده لمن يمرقوا يلحقوا قروشهم في ماليزيا
والي لقاء
سلك

المشاركة

أكتب رد

أدخل تعليقك من فضلك!
أدخل إسمك هنا من فضلك