صحيفة كورة سودانية الإلكترونية

ناس لالا

1٬704

في السلك

بالكر سلك

ناس لالا

*كسري الفرس
*وقيصر الروم
*حضارات سادت ثم بادت
*أهو نحن جبنا كسرى فضل لينا قيصر الروم
*التصنيع الصيني يضوقك مغصتو
*بالذات إذا كان مسنودا من الإدارة باعتقاد أن في الأمر شطارة
*لا مدرب أحمال
*لا مدرب عام
*لا طبيب يداوي
*لاءات المريخ التلات
*بقينا ناس لالا
*خلوا الما خطر زول على بالها
*بكره الدنيا جايالا
*ونسوقه نفسحها
*نلبسها الردا
*نوديها حديقة الموردة
*وتقول حلاتة جميلة وكدا
*ولما تطلع شينه وما كده
*نقول أكيد في لوبي خمج المكياج وكده
*هل العيب في إبراهومة؟؟؟
*أم في المجلس؟؟؟
*أم في القطاع؟؟؟
*أم في لجنة الإحلال والإبدال
*أم غيابات المجلس
*أم في فراغات الجهاز الفني
*أم في السيستم المعلق ناس أكتر من حبل المكوجي
*أم في سوداكال؟؟؟؟
*أنا يخيل لي السبب كلو سوداكال ده
*ما كان في داعي يطفش مننا وليد الشعلة ويبيع تيري (حسب ماورد على صفحات الصحف سابقا)
*سوداكال ما كان في داعي يضرب باللوائح عرض الحائط ويعيد منجد ويعلقو ويعيد الصيني برغم كل ماحدث
*لذا حدث (ما حدس)
*حقو نكلم كاس تفعل جميع تسليمات سوداكال
*على الأقل نقلل الفارق بيننا والهلال
*سيما وإنو مدربنا الجديد تحت التجربة تلاتة شهور
*للوكت داك نكون طرنا وسودانير طارت
*لكن السبب بدون شك سوداكال
*سوداكال خاتي المجلس كلو قطاع رياضي
*بعثتنا لمصر في زمن سوداكال الغريب ده
*مكونة من سبعين شخص
*أربعين إداري
*عشرة مشجعين
*خمسطاشر لاعب باقيهم في جبل أولياء
*وخمسة ما معروف سبب مشيتهم
*بعثة زي بعثة السودان الأولمبية زمان
*قوامها عشرين
*تسعطاشر إداري ولاعب واحد
*ياخ آدم ده بالغ
*بعيد من التيم
*ورئيس قطاعو بعيد من التيم
*والبعيد من التيم تيمو بعيد من البطولة لا محالة
*آدم ده لازم يستقيل ما يبقى ثقيل
*ويلملم عليهو قريشاتو يدخلها في كريشاتو ويختانا
*قريشاتو القاشر بيها علينا دي وبهدد بيها الاجماع السكوتي القاعد معاهو صورة في المجلس ده
*آدم (بكسر الدال) ده ما عارف المريخ ماسك قوي في بيت الشعر البقول
*لا تسقني كأس الحياة بذلة
*بل اسقني بالعز كأس الحنظل
*كأس الحياة بذلة كجهنم
*وجهنم بالعز أفضل منزل
*جهنم أكتر من نتعادل أربع مباريات على التوالي تاني شنو عاد؟
*أيها ال (آدم)
*استقيل وما تخليك ثقيل
*من أتوا بك اعترفوا بأنهم استجاروا من الرمضاء بالنار
*ونار ياحبيبي نار
*أيها الناس
*الشايقي يحتاج للدعاء
*لا تبخلوا على زول نذر حياتو لأجل كيان عشقه
*أيها الناس
*إن تنصروا الله ينصركم
*أها
*نجي لي شمارات والي الخرتوم
*كان شفت يا والينا
*امتحانات الأساس لو جابوا فيها سؤال عن المويه يا أخينا
*ناس أم بده حتة يشفوا منها ما بلقوها يا والينا

سلك كهربا

ننساك كيف والكلب قال المويه شدة ما طولت ما جات نسينا معادلتها ذاتها
هل هي H2O ولا HO2
حيرتونا
وإلى لقاء

قد يعجبك أيضا
4 تعليقات
  1. اسامه دنقلاوي يقول

    ياحبيبنا سلك خليك في السلك أنا هلالابي لكن بقرا ليك كتاباتك في الصميم( عليك الله بتبدأ تكتب العمود بعد ( النفس الكم ) ههههههههههه

  2. سيف الدين عبد الله النور يقول

    اسكت ياطبال سوداكال المحتال..يا محامي الدكاكين حول استاد المريخ

  3. صلاح يقول

    والله يا عمك تنقو حالتك بقت صعبة شديد، والمسكنة ما جاية معاك !!
    ركز مع شغل المحاماه وسيبك من حلمبوش ده عشان تحافظ على باقي الصويفات الفي الصلعة ديل 😆😆😆
    ناس لالا وناس باااااااع
    ننساك كيف والكلب قال مع حزومي ده عجور ما حا تقدر تاكله ……!!

    1. ابو محمد يقول

      صه

اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبولقراءة المزيد