صحيفة كورة سودانية الإلكترونية

نيالا هلالابية أكتر من أم درمان يا مريخاب !!

1٬347

قزاز ورذاذ
محمد الطيب الأمين
نيالا هلالابية أكتر من أم درمان يا مريخاب !!

* طبعاً ناس المريخ عشان هم ذاتهم مشردين وما عارفين يلعبوا وين قاموا استلموا موضوع الوادي نيالا.
* استلموا الموضوع من الألف للياء.
* وشغالين شتيمة في الهلال.
* الهلال مالو؟
* يقول ليك الهلال رفض يستضيف الوادي في ملعبه.
* هو أنا استضفتك انت معقولة أبخل للوادي؟
* أنت ذاتك جيتني جاري تبكي وتشكي من سوداكال ومن النجيلة.
* شلت فيك حسنة وخليتك تلعب وتتجاوز التمهيدي من استادي.
* قوم على حيلك.
* العلاقة بين الهلال والوادي نيالا أكبر من (خزعبلات) أهل المريخ.
* العلاقة بين الهلال ودارفور وليس الوادي وحده.
* يكن الهلال إحترام كبير لدارفور وأهل دارفور.
* ويكفي القول إن الهلال دخل معسكر (كلمة) بنيالا ومعسكر أبو شوك بالفاشر في زمن كان فيه المريخ يرقد على أحضان (الكوز) جمال الوالي الشهير ب(عزو).
* الهلال لما مشي معسكرات النازحين بدارفور كان المريخ (يتقلب) في نعيم المؤتمر الوطني الذي أشعل حرب دارفور.
* وجايين هسه يتكلموا عن الهلال والوطنية !
* دارفور تبادل الهلال ذات الحب والتقدير.
* ما حدث في موضوع مباراة الوادي نيالا بحسب ما علمت هو أن الوادي لم يتقدم بطلب يطلب فيه اللعب بإستاد الهلال.
* هذا لم يحدث.
* وعندما (حدث) كان الآوان قد فات.
* أفراد طلبوا من الهلال استضافة مباراة الوادي وقد وافق الهلال ثم لم تمضي ساعات فصدر قرار الكاف.
* لو تقدم الوادي بطلب رسمي قبل وقت كاف لوافق الهلال.
* ولكن الوادي لم يفعل ذلك واختار ملعب إستاد الخرطوم ثم ملعب شيكان.
* لا يعقل أن ينظر الهلال للوداي نيالا من منطلق أن رئيسه الفخري أسامة عطا المنان.
* الوادي في هذا المقام يمثل بلد ولا يمثل عطا المنان.
* يمثل وطن بحاله.
* ومثلما وضع الهلال استاده تحت تصرف المنتخب الوطني كان يمكن أن يضعه تحت تصرف الوادي.
* ربما يكون راعي الوادي (متحسس) من الهلال.
* الهلال قائد ورائد الحركة الوطنية في البلد دي.
* وهو معين ومساعد لكل الأندية التي تلعب بإسم الوطن بما فيهم المريخ نفسه.
* لو في عداوة يفترض تكون مع المريخ وليس الوادي.
* ورغم هذا وضعنا استادنا تحت تصرف المريخ.
* خليناهم يلعبوا في استادنا برغم انهم يقولون (زريبة العيش) ويقولون أن نجيلة الهلال تسببت في إصابة التش.
* اتحملنا كل هذا السخف وخليناهم يلعبوا لحدي ما طاروا من البطولة.
* استحملنا وقلنا الوطن فوق الجميع.
* تعاملنا مع المريخ وهم بهذا الفهم فهل نبخل لإبن الغالية دارفور الوادي؟
* لا يستطيع أحد أن يضرب عمق ومتانة العلاقة بين الهلال والحبيبة دارفور.
* لا مجال لهذه الخزعبلات.
* إستاد الهلال هو إستاد الوادي نيالا.
* يشرفوا في اي وقت.
* نحن نتعامل معهم باعتبارهم منتخب وطني.
* إن شاء الله الوادي يتأهل للمرحلة القادمة ويجي ويلعب في إستاد الهلال.
* أي فريق لاعب باسم السودان حبابو ما عدا المريخ.
* عشان ما أكون منافق ساي .. والله اصلو ما بحب المريخ يلعب في استادنا.
* بضايق من الحكاية دي جدا.
* عموماً .. أمنياتنا للوادي نيالا بتجاوز عقبة الليبي والتأهل للمرحلة القادمة وتشريف أهل دارفور بصفة خاصة وتشريف كل أهل السودان.
* ونركب صافنات ونجيبة (دارفورية) واصلو الزول بيموت والذكرى تفضل حية.
* و…و..
* نيالا هلالابية أكتر من أم درمان.

قد يعجبك أيضا
11 تعليقات
  1. ضنقل يقول

    صحافة في الحضيض يكتبون علي طريقة واي غلبناكم بينما الرياضة تعاني وإنجازات صفر كبير …لا بطولات ولا ملاعب مؤهلة فالمتتخب خسر بالاربعة من منتخب مغمور(غينيا بيساو) بيساو يا رجالة فعندما شارك السودان في تأسيس الاتحاد الأفريقي كان سكان بيساو يتجولون عرايا في الغابات يصطادون الحيوانات وياكلون الثمار من اعالي الأشجار…..انظروا الي رئيس اتحاد تنظيم لعبة كرة القدم وهو يتحرك علي كرسي متحرك هههههه ….كرهتونا الكورة

  2. Adli يقول

    اكيد حتدافع عن قرارات اولياء نعمتك يا متصحف كدا اول اقلع واكتب خجلان من الصلعه هههههه يا اب صلعه ..ما فعلته لجنة التطبيع …

    1. محمد عبدالعزيز يقول

      طيب لو انهم هلالاب اكتر من هلالاب امدرمان وين الوفاء ليهم ولمدينتهم ؟ ولا ده البنقو البتشربو ؟

    2. تونجيلا يقول

      هههههه خجلان من الصلعة المشكلة ما فى الصلعة المشكلة الصلعة المليانة هواء.

  3. مختار يقول

    والله إنه لأمر مؤسف أن تتبنى الصحف مثل هؤلاء الذين يفتقرون لأدنى المقومات ويصنفونهم كتاباً …في هذا الفضاء المفتوح للمنافسة سينفض الناس من حول الموقع بحثا عن كتاب متميزين … ستسقط صحيفتكم إن لم تنافس بكتاب حقيقيين … ما هذا التدني؟

  4. جلابي الدوحة - قطر يقول

    يا خوانا ده مش روميو بتاع الحله ومزيل العرق
    غايتو كتابات لا تليق بالصحيفه ابدا لكن الواحد بس بتمتع لما يشلع صحفي زي ده من الهاله الخاتيها لروحه
    هسي انت مالك ومال الوادي نيالا قفلتو استادكم منهم وجاين تلمعو العلاقه بينكم
    ياخ استحي وما تتكلم عن الوطنيه لانها عنصر مفقود في كل السودان مش الهلال بس
    وفي حاجه اسمها الموضوعيه في الطرح والمفيد وفي حاجه اسمها التاريخ الناصع للصحفي يبقي ليه بعد يغور ويموت
    وين انت من الكلام ده لا تاريخ لا اسلوب لا رؤيه موضوعيه كل من مسك ورقه وقلم عاوز يبقي صحفي
    زملائك ما بتستفيد منهم عندك ضرب مثال بي صحفي هلالي منكم محمد عبد الماجد صحفي يركز علي المفيد ثم يختتم باسلوب الهظار والمشاكسه ممكن القاريء يستفيد منه لكن انت ده بس فالح في قصص الحب والغرام ومزيل العرق واكل الطحنيه
    اللهم لا تحاسبنا بما …

  5. عبده يقول

    كلامك مثل زبد البحر لا ينفع الناس شوية كلام فاضي لذلك نحن نذهب الي قاع الدنيا في كل شئ بسبب امثالك من فاقدي المنطقة والكياسه في الكلام

  6. عبده يقول

    الفرق بين المريخ والهلال مع احترامي الكبير للهلال الكيان كالفرق بين كتابتك وكتابات الاستاذ ابو عاقلة اماسا

  7. احمد التجاني يقول

    لانك يا أستاذ محمد قلت الحقيقة وهي انو الهلال اللي استضاف المريخ على ملعبه لا يلغبه انه يستضيف حي الوادي في ملعبه. ولانك برضو اكدت الحقيقة وهي انو الصحافة المريخية البائسة وبعض من كتاب المريخ من مرضى النفوس روجوا لحكاية انو الهلال رفض لحي الوادي يلعب في الجوهرة. لذلك لا تستغرب من هجوم ناس قريعتي راحت.

    وأقول لعبده ردا على تلعيقه: الفرق بين الهلال والمريخ , مع احترامي الكبير للمريخ الكيان , زي الفرق بين جدة وامبدة.

    1. Hajjam يقول

      تمام ياود التجاني. بنو دلقون عايشين علي اكاذيب كبير الكهنة ورهطه😹😹😹😹

      1. احمد التجاني يقول

        يا أستاذ هجام يا اخوي , عبده المريخابي يقول ” الفرق بين المريخ والهلال مع احترامي الكبير للهلال الكيان كالفرق بين كتابتك وكتابات الاستاذ ابو عاقلة اماسا” وامبارح الدوتشكات اشتغلت في استاد المريخ ودي حادثة لأول مرة في التاريخ قوات تقتحم نادي بالرصاص وكان الامر تحول لحرب وليس رياضة. وبعد دة يجي عبده باشا يقول ليك الفرق بين المريخ والهلال كذا وكذا. مسخرة والله مسخرة بمعنى الكلمة.

اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبولقراءة المزيد