وداعا سودانى …شرائحكم جزء من ماضينا

8
1879

وداعاً سودانى شرائحكم جزء من ماضينا…هكذا اختتم  قائد التراس جوارح المريخ رسالته لصحيفة كورة سودانية..

شن امين عام التراس جوارح المريخ هجوما عنيفا على شركة سودانى موضحا ان شركة سودانى اصبحت من ماضى شعب المريخ الذى يميز بين الخبيث والطيب ويعرف جيدا من يستهدفون المريخ ومن يحيكون المؤامرات على المريخ فشركة سودانى ماضيها اسود مع المريخ ولن ننسى تماطلها فى تتويج المريخ العام الماضى… لن تربحو من المريخاب ياشركة سودانى ولن ندفع لمن يدبر المؤامرات على المريخ وندعو كل مريخى الى تغيير شريحته والانتقال للشركات الاخرى بخلاف شركة سودانى ويترك هذه الشركة لطارق حمزة واتحاد معتصم فانتم لستم الوحيدون ولستم الافضل ياشركة سودانى.

المين كابو التراس جوارح المريخ

 

%d9%85%d9%82%d8%a7%d8%b7%d8%b9%d8%a9

المشاركة

8 تعليقات

  1. ههههههههههههه البشوفكم عاملين الزيطة والزمبريطة دي كلها يقول الواحد فيكم قاعد يصرف مليون ونص في الشهر، مش ياها مسكولاتكم ورسائلكم وتحويل الرصيد أبوجنيهين ده؟ سوداني ممكن بي دعاية واحدة في مباراة للهلال سيد البلد ممكن تعوض منصرفات القلة البتشجع المرخرخ في السودان، إنتوا كلكم كم نفر عشان تعملوا لينا صداع في الفارغة والمقدودة……!!
    الشئ الواضح إنو إنتوا ناس ماعندكم شغلانة تقضوها، وقال شنو أصبحت جزء من ماضينا….!! حتي العبارة سارقنها تقولوا لينا عاوزين نقاطع؟ وبعدين إنتوا لوبتعرفوا تقاطعوا ما كان ده هو حالكم لمدة 14 سنة من التلطيش والفضائح والقرف، روحوا شوفوا ليكم شغلة تنفعكم وتنفع البلد بدب الكلام الفارغ البتعملوا فيهو ده، إذا كان راجلكم الطوالي إعتذر لسوداني، فما أظن إنو واحد منكم يقدر يكسر كلمة الراجل الأوحد ده…..هههههههههههه والله ضحكتونا !!
    لكمة أخيرة: الزول البقول ليك نقاطع ده تلقاهو الخبر ده مرسله عبر شبكة سوداني، والمسكين قلبه حايكون واقف ويا الله يا الله يحول ليهو رصيد بي جنيهين في شبكة سوداني، وعلي فكرة ما أظنكم تقدروا علي تحمل الصرف في زين وأريبا، عشان كدة سيبوا شغل العطلة ده وأكسبوا زمنكم !!

  2. بطلوا الشعارات الحنجورية دي اسي خلي يعملا عرض وتخفيض
    حتمشوا كلكم تشتروا شريحة حتى لو باالدس ده اساسا كان ما بقيتوا محتفظين بشرايحكم في البيت
    انا عندي اصحابي مريخاب ولاسي شغالين بسوداني
    امبط

  3. بطلوا الشعارات الحنجورية دي اسي خلي يعملا عرض وتخفيض
    حتمشوا كلكم تشتروا شريحة حتى لو باالدس ده اساسا كان ما بقيتوا محتفظين بشرايحكم في البيت لغاية اليوم
    امبط

  4. السنة الماضية اخذتم الكاسين من المكاتب وسودانى احتفلت بيكم والهلالاب ما قاطعوا شركة سودانى و السنه ده الهلال جاب كاس الممتاز لعب فى الميدان تقوموا تقاطعوا شركة سودانى
    علشان تعرفوا منو الصفوة …وبعدين لو مشيتو فى سكة المقاطعات ده حتخسروا كتير
    واولكم شىء ناس الجرايد الصفراء……ادعوا جميع الهلالاب الكان بيشترى اسكراتش يضاف القروش علشان المغصة تشق المريخاب…………

  5. ادب المقاطعه ده مابشبهكم
    لانه شخص يقاطع معناها شخص بيحترم القوانيين
    ادب المقاطعه لديكم مجرد تهريج فقط
    اسالو انفسكم كم عدد المشتركين في سوداني
    نريد احصايه دقيقه لعدد المشتركين في سوداني
    بطلو جرسه وارجو الراجيكم اليوم
    غايتو قطعتو قلب ضفر قالو خاتنو لي شيخ موكورو
    شيخ موكورو عملها في ابراهوما من الزمن داك بفتشو فيه مالاقينو
    هسع ضفر جاهز لي فضايح اليوم
    يشغلو فينا قالو مقاطعين سوداني
    دي فرد عضلاااات بس

  6. ياخي روحوا انتوا كلكم عشرين نفر مقاطعة شنو وتأثير شنو .. بلا مقاطعه بلا طعميه

أكتب رد

أدخل تعليقك من فضلك!
أدخل إسمك هنا من فضلك