ودفعنا ثمن الغرور

9
1409

فى السلك
بابكر سلك

مبروك شيخ فوزى
مبروك لجنة التحكيم المركزية التى اختارت حكام ساهموا فى اغتيال المواهب بالقوة
مبروك الاتحاد
وكل لجان الاتحاد
بالذات لجنة الاستئنافات التى خرجت من حرج كبير
مبروك للطابور الخامس
مبروك للاختلاف الداخلى الذى اصبح سمة مميزة لنا فى الفترات الاخيرة
حتى اضعفنا
ما اتشفتنا عشان كده اتبشتنا
هزيمة نستحقها بحدارة
لاننا لم نعمل لنصر
لامجلس وفر شيئ
ولامعارضة تركت الحال فى حالو
ولا لاعبين ادوا بمسؤولية
ولاجهاز فنى عرف كيف يقرا المباراة
بشتنة لم نعرف معها نمر لاعب شنو فى الشوط التانى
ولانمر ذاتو عارف روحو لاعب شنو
الضعف فى المريخ نصنعه بايدينا
ينتصر علينا الهلال فى اسوا حالاته
نخسر من الهلال فى احسن جالاتنا تلك كارثة
عرفوا كيف يوظفوا انفسهم وامكانياتهم الضعيفة
وفشلنا فى تنظيم امكاتياتنا الكبيرة و العالية
نعم ادى لاعبو الهلال بجدية لانهم كانوا داخلين على شطب
لكن ان نؤدى بهذا الضعف المعنوى والفنى
فهذا غير مقبول
ايها الناس
تاخذنا خلافاتنا الداخلية يوما الى نهايات حزينة
لاننا تحزبنا خلف الناس وتركنا الكيان الكبير
نستاهل اكبر من كده
ولكن نسال
دايرين نغلب الهلال بتين
وفى الاول والاخر
انه الغرور
دفعنا تمنو غالى شديد
ايها الناس
لو دايرين نمشى لقدام
يجب علينا ان نقضى على الحروبات الداخلية وان نبعد الذين يشجعون الافراد قبل المريخ
وان نتقرغ لابراز شخصية المريخ القديمة على الاتحادات ولجانها
وان نعلم اولادنا الشفتنة
غير كده حقو نشوف لينا شغلة تانية
ايها الناس
من الكورة الضيعها التش فى بداية المباراة باركت لشيخ فوزى
ايها الناس
ضاع منا الممتاز للمرة الثانية على التوالى كما ضاع ضاع خمس مرات على التوالى من قبل
والسبب يرجع لينا نحنا جوه مجتمع المريخ
اللهم
خيرها فى غيرها
والفيهو بخور ياصديقى محمد موسى فى كاس السودان يتشم
التكت وامير سوا
ايها الناس
سيطر الهلال على الوسط لان التكت السلبى وامير التقيل هم محاورنا
ولان السمانى تائه
وجهازنا الفنى يدخل مهاجم تالت
فى وكت المهاجمين الاتنين القاعدين كورة مريحة ماجاتهم
فاضعفنا وسطنا اكتر
واصبح جمال سالم هو الوحيد الذى يلعب كورة طويلة للمهاجمين
وتطلع اوت
ويعيد الكرة
الى ان لقينا نفسنا بره
عفوا ياجمهور المريخ
كان خذلان ولم تكن مباراة
ونعيش ونشوف كاس السودان
ايها الناس
ان تنصروا الله ينصركم
اها
نجى لشمارات والى الخرتوم
تصدق ياوالينا خسرنا من الهلال

سلك كهربا
ننساك كيف والكلب قال من ريحة البخور كنت قايل الاستاد بيت زار
والى لقاء
سلك

 

 

حمل تطبيق كورة سودانية لتصفح أسرع وأسهل

لزوارنا من السودان متجر موبايل1

http://www.1mobile.com/net.koorasudan.app-2451076.html
3,699 حملو التطبيق

لزوارنا من جميع انحاء العالم من متجر قوقل

https://play.google.com/store/apps/details…

13230 حملو التطبيق

على متجر mobogenie

http://www.mobogenie.com/download-net.koorasudan.app-357365…
5000+ حملوا التطبيق

 

المشاركة

9 تعليقات

  1. من زمن جكسا ولى هسه
    المريخ لايقوى على اللعب فى البرد والمولد
    اما التحكيم فقد ظلم الهلال لعدم طرده جمال سالم واحتساب جزائية!!!

  2. هههههههههههههههههههههههههههههههههههههههههههههههههههههههههههههههههههههههه قال داخلين علي شطب قال
    وين نموووور الورق الفلقتونا بيهم
    هاك ضربة الجزاء دي

  3. والله يا سلك اخوي ما في حاجة جابت ليكم الكفوة غير غروركم وصلفكم واستهزاؤكم بالاخرين وعليك الله الحكم البتتكلموا عنه ده جامل منو وجمال سالم يلكم كاريكا بالبوكس وامامه ودون ان يحرك ساكنا اختشوا واعترفوا بالهزيمة وخلوا عندكم روح رياضية

  4. أيها ( السلسوووك ) …
    أنت قلت : (( الضعف فى المريخ نصنعه بايدينا
    ينتصر علينا الهلال فى اسوا حالاته
    نخسر من الهلال فى احسن جالاتنا تلك كارثة
    عرفوا كيف يوظفوا انفسهم وامكانياتهم الضعيفة
    وفشلنا فى تنظيم امكاتياتنا الكبيرة و العالية
    نعم ادى لاعبو الهلال بجدية لانهم كانوا داخلين على شطب
    لكن ان نؤدى بهذا الضعف المعنوى والفنى
    فهذا غير مقبول ))

    أما زلتم في غيكم تسدرون … !!!؟!!!؟
    أما زلتم في تخديركم لمشجعي مرخرخكم وأنتم للهزائم تتجشاؤون …؟؟؟!!؟؟؟!!

    وقلت أيضاً (( ضاع منا الممتاز للمرة الثانية على التوالى كما ضاع ضاع خمس مرات على التوالى من قبل
    والسبب يرجع لينا نحنا جوه مجتمع المريخ. ))

    الممتاز لم يضع يا سلسووك …
    الممتاز حصل عليه من يستاهله عنوةً وإقتداراً …
    حصل عليه ( بدون هزيمة ) وللمرة ( الخامسة ) يحصل على الممتاز بدون هزيمة يا سلسووووك

    بعدين حكاية للمرة ( التانية على التوالي ) دي حلووووة …
    هو إنتوا الممتاز ده حصلتم عليه كم مرة في حياتكم أصلاً … ؟!؟!؟!؟

    نقول للمرخرخ :
    ظلمووووك أهلك
    ولو غلبك طال
    سلك بيهلك
    يا ضعيف الروح زعطوووك قبلك.

  5. هههههههههههههههههه جيبوا لي بخور من سوق التيمان وياناس انا عيااااااااااااااااااااااااااان
    سلكلك بقي يهضرب وقال التحكيم وشيخ فوزي، طيب نعمل ليكم شنو مدام إنتوا مواسيركم مقاس 35 بوصة وقاعدين تنفخوا فيها وهي ماشة بالدفرات التحكيمية وضربات الجزاء من بداية الدوري؟ أسي خلاص فقتوا من المخدر ولا لسه فيكم باقي عقاب ماكمله ليكم مرشد الجماعة؟
    خلاص بتعوضوا في كاس السودان وترجع الموية لمواسيرها تاني هي أقصد لمجاريها هههههههههههههههههههه
    الليلة الفصاحة راحت والمسكنة ظهرت بعد ماكنتوا شغالين 6 شهور تخدروا في جماهيركم وتسكلبوا وتجعروا، والليلة إنكشف المستور وجاب ليهو ريحة بخور ويا الله تحفظ لينا هلال السرور من الشمات والحاقدين والحاسدين والفئة الضالة العاثت في جوهرة سيد البلد خراب وتدمير، وبإذن واحد أحد لو الله مرقكم من عيال الرئيس الهارب (طبعاً حايحاولوا بإيعاز من رئيسهم المحبوس التطييب علي خاطركم ومنحكم المباراة نتيجة المباراة هدية كالعادة) ندبل ليكم الحنة ونزفكم المرة دي من إستاد الخرطوم لحدي الحفرة العتيقة ……هاك السمولة ده وهاك الشيبولا دي هههههههههههههههه
    لكمة أخيرة: ضربت علي المرخرخين الذلة والمسكنة وأقبلوا علي بعض يتلاومون…………..وإن شاء الله دايماً !!
    عمك تنقو زول معصور قال إستادكم فيهو بخور
    غلبنا التحكيم ومامعقول نصبح وصيف دوام مقهور
    ولمن نفرح بمواسيرنا ويعمنا السرور يجي شيبولا ويكرهنا الفطور
    طلع من بيتهم يتلفت وهو مزرور ومن كبكبته وقع في الخور

  6. زول موهوم عن اى حكم تتحدث الحكم وقف معاك ولو ما الحكم كان اخدتها خماسية جمال سالم يستحق الطر والعجب طرد وسلك قطع شماعتكم جاهزة دوما الحكم قال

أكتب رد

أدخل تعليقك من فضلك!
أدخل إسمك هنا من فضلك