يفرزونا بالفار

0
99

في السلك

بابكر سلك
يفرزونا بالفار

*معركتنا مع النجم الساحلي معركة خطيرة
*اليوم داك الا يفرزونا بالفار
*تقنية الحكم المساعد
*حكم كده
*خرخره معاهو مافي
*وكان لنا شرف اول فريق سوداني يلعب بالفار
*ولينا شرف اول فريق تتلعب الكورة بالفار في استادو في البلد دي
*وعرف السودان الفار قبل ذلك في مناسبات
*زي الفار الاكل الكبري
*والفار السكن استاد الهلال قادما من الزريبة
*ناس فطومة اختي طبعا الفار ماسمعن بيهو الا مع اللبن
*اللبن الفار
*لكن نحنا فارنا غير
*لاننا ناس غير
*لنا شرف اول فريق سوداني يلعب بتقنية الفار
*وشرف اول استاد سوداني تدخلو تقنية الفار
*وفرق كبير ياروشا
*ايش جاب الفار للفار
*غايتو صديقي الحبيب محمد عبدالماجد لو داير الفار يدخل استاد الهلال
*الا يقعد في دائرة السنتر ويغني
*يافار يافار ياصغير ياحفار
*يمكن تجيكم ام سيسي تفش غلكم

*ايها الناس
*علي عاتق المجلس يقع عبء اعادة سومانا علي وجه السرعه
*اربعين الف دولار مع الدولار النزل ده ماحاجة
*وحقو المجلس يساهم حبه مع الناس في النفرات
*وينفروا لاعادة سومانا
*الحتة دي ماحتت قروبات يا اسد
*شاركونا نفراتنا لانها نفرات مريخاب
*لانشكك في مريخيتكم
*ولكن مقياس المريخية في هذه الايام هو المشاركة في النفرات
*يبقي ياتنفروا خفافا
*ياتقوموا خفافا مفسحين المجال لمن ينفر
*اربعين الف دولار اقل من سعر عربية اي واحد في المجلس
*غايتو الباقيات مابعرفن
*لكن عربية علي اسد مرغوبة وبتجيبها
*يا سومانا ياقولوا لينا الله معانا
*ايها الناس
*كي نتخطي النجم يجب ان نقوم بواجبنا كلنا
*اولا نعد اللاعبين تمام
*ونجيب البعاد ناس سومانا والصاوي
*وتعمل الجماهير للمعركة من اليوم
*وياحبذا لو عسكرنا من اسي ولي وكت الكورة
*ناس التكت ديل زي بطارية العربية البايظة
*بفقدوا كهربة سريع
*ونواصل مبادرات التصافي والسلام
*لاننا علي اعتاب الق جديد
*لو وصلنا النهائي
*لو الدولار بقي بجنيه
*يانا الغنينا لي جني جنانا
*عشان كده يوم النجم ده
*الا يفرزونا بالفار

*ايها الناس
*ان تنصروا الله ينصركم
*اها
*نجي لي شمارات والي الخرتوم
*والينا
*ولا اقول ليك
*خليتك
سلك كهربا
ننساك كيف والكلب قال ناس حقار بقوا يلعبوا بالفار
القطط السمان برضك محتاجات فار يضبط لعبن الشين ده
والي لقاء
سلك

ترك الرد

من فضلك ادخل تعليقك
من فضلك ادخل اسمك هنا