أربعة طويلة _ 2 !!!!
على صفيح ساخر
نادر التوم
أربعة طويلة _ 2 !!!!
- تسخينة : الأربع الأعوام مرَّت أو تذكرين؟
- تسخينة تانية: أربعة سنيييين
- تسخينة تالتة 4 وعِقاب صِفِر
- تسخينة رابعة : راديو الرابعة
(1)
- – إنت كورة الهلال مع صن داونز انتهت كم؟
- – يعني ما عارف؟
- – كان عارف كان سألتك؟
- – الهلال مغلوب!
- – لا ياخ!
- يعني ما حضرتها؟
- – و الله ما حضرتها.. مغلوب كم؟؟؟؟
- – 4
- – كممم؟؟؟
- – أربعة م بتسمع؟
- – هي موش كانت في المقبرة؟
- – في إستاد الهلال ياخ يا حليل (المقبرة)!
- – أربعة صفر؟
- – أربعة صفر، أربعة 2 كلو واحد
- – يعني أربعة إنتين؟
- – معناتها بكون الهلال طردوا منو لاعب!!!!
- – ما تتبايخ
- – كيف؟
- – صن داونز الطردوا منو لاعب
- لا يااااخ! يعني بي عشرة أدوهم أربعة..
- – أيوه
- – معناتها صن داونز بكون أدوهو ضربة جزا!
- – الهلال الأدوهو ضربة جزا!!
- – أدوهو ضربة جزا و طاردين ليو لاعب شوط كامل و برضو اتغلب .. (أربعة)؟
- – إنت حيوان ما قلت ما حضرتها!؟
- – و الله ما حضرتها!
- – طيب عرفتو كيف لاعب شوط كامل بي عشرة؟؟؟
- – ما ظاهر من كلامك.. أنا عامل دورات في لغة الجسد و نبرات الصوات و الهزيمة النفسية
- – صدقت إنك ما حضرت .. لكين و الله عارف و فايت إضنيك الكبار ديل!
- – المستغرب ليو ليه لما لعبوا ليكم المريخ بي عشرة غلبتو؟؟؟؟
- – عشان كنا دايرين نبقى 4
- – ككييف؟
- – كان عندنا نقطة و دايرين نبقيها 4 لازم نغلب المريخ باي طريقة؟
- – و بأي تمن؟
- – طبعاً
- – و بالدولار؟
- – الكلام دا بدينك!
- – كلام شنو أنا قاصد تحفِّزوا لعيبتكم بالدولار؟
- – حفَّزناهم و لا ما حفَّزناهم أهم طاروا
- – لكين و الله صن داونز دا أخصائي عرديب
- – شنو؟
- – أخصائي عجيب أقصد
- – طقطقكم إنتو و الأهلي (رايح جاي)
- – قول و الله!
- – و الله!
- – أصلو الفرق الكبيرة بقت تتغلب في إستادها بعدين انت من زمن حكاية الأرض
و الجمهور دي؟ الكورونا دي خلت فيها أرض ولاَّ جمهور؟
- – دا كلامك و لا كلام إعلامك؟
- – دا كلام المنطق
- لكين أربعة طويلة أقصد كتيرة
- – كتيرة و الله لكين نعمل شنو؟
- – ما تعملوا شئ ما تفقدوا الأمل بس
- – الأمل الدرَّن معاكم؟
- – لا الأمل ال ح يغلب ليكم الأهلي.. و الله كمان ناس السيلية ديل يجوكم من داكار تعبانين كلو كلو.. و تغلبوهم بالمِنجم.
- – تطقوا الاهلي و تتأهَّلوا طوالي
- – يا سلام؟
- – جادي معاك
- – هو هنا ما طقيناو
- – أصلك ما سمعت المُحلِّلين و المعلقين و الجمهور اتكلموا عن حاجة اسمها (عنصر المفاجأة)؟؟
- – عليك الله بلا عنصر المفأجاة بلا عنصر البوتاسيوم خليك عقلاني
- – عقلاني أنا .. يعني الهلالاب لما كان عندهم نقطة ما فقدوا الأمل
- و هسه مغلوبين أربعة أقصد عندهم أربعة يفقدوا الأمل؟
- – بتحلم
- – أحلى حاجة الأحلام
- – أطرد الأحلام يا جميل و أصحى
- – ياخ لو غلبت الأهلي بتفرملو في سبعتو و تنط سبعة و تتأهل مع صن داونز
- و بعد داك تشيل تارك منو قدام.. مافي حاجة صعبة ياخ
- – إنت بتقول كدا!
- ما أنا .. الحسابات
- – هو عليك الله البلد دي فيها حسابات الدولار الليلة بي 500 بكره بي 700
- – لا دي ما عندها علاقة بالدولارات دا لعب عديل و اجتهاد!
(2)
- – لكين داير أسعلك
- – أبو عشرين ما لعب؟
- – أبو عشرين و لا غيرو ما في النهاية طقونا
- – لا أبو عشرين حرَّاس ياخ أربعة في إستادو دي ما أظن
- – أبو عشرين ياخ إعلامنا و جمهورنا أساءوا ليو
- – ما ليهم حق و الله .. كيف؟
- إكفي وشَّك.. عرفناك كورة صن داونز ما حضرتها أها كورة المريخ و الهلال م حضرتها؟
- – ياتا فيهم بتاعة جوز السماني و لا الكلها كروت زي عزومة العرس ديك
- – ال 2
- – ال2 و لا ال 4؟؟
- – طير يا …….
- – كلنا طايرين يا اخوي ما تتضايق!
- – كلنا طايرين تررم تم تم..
(3)
- حوار تحفة مع صديقي الهلالابي طبعاً فاجأني بي حكاية الأربعة دي
- أنا فعلاً ما حضرتها و الله لكين (حضروها ناساً لي)
- و أعادت فيَّ شُجوناً كنت أكتمها
- و ذكريات
- ح أحجيكم بيها المرة الجاية إن شاء الله!
(4)
- و ما يضير البحر أمسى زاخرا إن رمى فيه غلام بحجر؟
- و يظل المريخ
- الفساد أس خراب البلاد و العباد
- الربا و الرشاوي أساس البلاوي
- البسمة في وضع زي دا زي الضحك وسط الظلام (و الكهربا قاطعة)
- المخدرات خطر داهم مكافحته مسؤولية الجميع
- خلوا بالكم من عيالكم
- تخريمة: إنبشقت!
- آخر قطرة : الودعوا ارتحلوا!
- اللهم صل و سلم و بارك على سيدنا محمد قد ضاقت حياتنا أدركنا يا رسول الله!
- و هذه بصمتي
… ومحاولة المحاكاة …….
لا يصح أن تقول (أدركني يارسول الله) ده إشراك بالله
الواخد لما يكون فاقد تربوي ويضيف لجهله محاولات في خفة الدم ببقي زي الشايفنه ده ولا ما كده يا سبعه طويله
صدقت ياابو عمار. فعلا كلام زول فاقد تربوي.