حروف ذهبية
د.بابكر مهدي الشريف
إتكـــاءة الجمعــــة
× تعتبر العلاقات الاجتماعية صلات وروابط بين أفراد الأسرة والمجتمع، وبين الشخص وشخص، وبها يستطيع الفرد أن يقوي هذه العلاقات وأيضا بقدرته تدميرها، وكل هذا يتوقف على مدى فهم وإدراك الناس لتلك العلاقات.
× وصدق من قال ودوبا:
أخوك ﺍلأﺻﻠﻲ ﻟﻲ ﺭﺩ ﺍﻟﺠﻤﻴﻞ ﻣﺎ بعاين
ﻭﻳﻮﻡ الحارة ﻗﺒﻞ ﺗﻨﺎﺩﻱ ﻇﺎﻫﺮ ﻭﺑﺎﻳﻦ
ﻗﻠﺒﻲ ﻣﻜﺠﻦ ﺍﻟﺰﻭﻝ ﺍﻟﺨﺴﻴﺲ ﻭﺍﻟﺨﺎﻳﻦ
ﻭﺍﻟﺮﺍﺟﻞ ﺍﻟﺒﻤﺸﻨﻮ ﺍﻟﺤﺮﻳﻢ ﺑﻲ ﺭﺍﻳﻦ
× صحيح هناك أناس في هذه الدنيا يسيئون لبعضهم دون ان يفكروا ا وان يعملوا حساب أو تقدير لما يبدر منهم، فمثلا تقوم بزيارة احد الناس وقد لا يكون بينك وبينه أي سوء فهم ولكن بلا مبرر تجده لا يحسن استقبالك ولا يهتم بك، وهناك من ينقل عن قولا كذبا وهناك من يشعرك بأنه أعلى منك منزلة وجاها،فمثل هذه التصرفات التي يراها البعض بسيطة هي بالعكس لها وقع سيء ومؤلم في النفوس ما في ذلك شك.
ﻣﺎ ﺑﺮﻳﺤﻨﻲ ﺯﻭﻝ ﻟﻲ ﺿﻴﻮﻓﻮ ﻛﺸﺸﺮ ﻭﺻﺮ
ﻭما ﺑﺒﺮﺍﻧﻲ ﻧﻘﺎﻝ ﺍﻟﻜﻼﻡ ﺑﺎﻟﻤﺮﻩ
ﺍﻟﻨﻲ ﻭﺍﻟﺒﺨﻮﻥ ﺍﺻﺤﺎﺑﻮ ﻭﺍﻟﺒﻐﺘﺮﻩ
ﺩﻳﻞ ﺍﻧﺎ ﺑﻜﺮﻫﻦ ﻣﻦ ﻋﺮﻓﺘﻦ ﺑﺘﺒﺮﻩ
ﻛﺘﻴﺮ ﺍﻟﺸﻜﻠﻮ ﻃﻴﺐ ﻭﻭﺩﻗﺒﻴﻠﻪ ﻭﺣﺮ
ﻋﻴﻞ ﻣﻦ جوه ﺣﺎﺳﺪ ﻭﻗﻠﺒﻮ ﻣﻠﻴﺎﻥ ﺿﺮ
ﺍﻟﺮﻳﺤﺎﻥ ﺗﺠﻴﻚ ﺭﺍﻳﺤﺘﻮ ﺣﻠﻮﺓ ﺗﺴﺮ
ﻭﻛﺎﻥ ﺟﺮﺑﺘﻮ ﺑﻲ ﻟﺴﺎﻧﻚ ﺑﺘﻠﻘﺎﻭ ﻣﺮ
× هذه التصرفات الفردية في المجتمع لا علاقة لها البتة بمستوى التعليم أو الجهل والعلم، حاشا فهناك أشخاص لم تتح لهم الفرصة لنيل قسط من التعليم،ولكنهم يفهمون هذه المعاملات فهما عميقة، ويفوق على أرض الواقع من يزين اسمه بالأستاذية بكل تأكيد ويقين.
ﺍﻧﺎ ﺧﺎﻭﻳﺖ ﺭﺟﺎﻻ ﻛﻠﻬﻢ ﻓﺮﺍﺱ
ﻣﻨﻘﻮﺩﻳﻦ ﻧﻘﺪ ﻣﻦ ﻛﺎﻓﺔ ﺍﻻﺟﻨﺎﺱ
ﻳﻮﻡ ﺍﻟﻜﻮﻉ ﺇﺣﺮ ﺳﺎﻋﺔ ﺍﻟﺮﺟﺎﻝ ﺗﻨﻘﺎﺱ
ﻛﻼﻣﻦ ﺑﺒﻘﻰ ﺑﺎﻟﺴﻴﻒ ﻭﺍﻟﻠﻔﺦ ﻓﻲ ﺍﻟﺮﺍﺱ
ﺍﺧﻮﺍﻧﻲ ﺍﻟﺒﻌﺎﻓﻮ ﺍﻟﻤﻨﻜﺮﺍﺕ ﻭﺍﺷﺒﺎﻫﻪ
ﻓﻴﻬﻦ ﻗﻮﻩ ﻃﻴﺒﻪ ﻭﺧﻮﻩ ﺟﻮﺩ ﻭﻧﺒﺎﻫﻪ
ﺭﺟﺎﻻً ﻋﺎﻟﻴﻪ ﺑﻲ ﻓﻮﻕ ﺍﻟﺜﺮﻳﺎ ﺟﺒﺎﻫﻪ
ﺑﻔﺨﺮ ﻭﺍﻓﺘﺨﺮ ﺑﻲ ﺧﻮﺗﻦ ﻭﺍﺗﺒﺎﻫﻪ
ﻋﻨﺪﻱ ﺭﻓﻴﻖ ﻣﻌﺰﺯ ﻭﺍﻟﻜﺮﻡ ﻣﻦ ﺷﻴﻤﺘﻮ
ﻋﺸﺮﻳﻦ ﺣﻠﻪ ﺗﺸﺒﻊ ﺑﺎﻟﻜﺒﺎﺩ ﻓﻲ ﻭﻟﻴﻤﺘﻮ
ﻣﺎ ﺑﺒﺎﺭﻱ ﺍﻟﺴﻔﻴﻪ ﻭﺍﻟﻼﻓﻲ ﺑﻴﻬﺎ ﻧﻤﻴﻤﺘﻮ
ﺯﻱ ﺍﻟﻤﺎﺱ ﺍﺧﻮﻱ ﻳﻮﻣﺎﺗﻲ ﺑﺘﺰﻳﺪ ﻗﻴﻤﺘﻮ
× معظمنا يقع في الأخطاء التي تصيب الآخرين بالأذى ولكن سمح الزول البعالج تلك الأخطاء ويحرص أن لا تتكرر بل ويذهب ويطلب الصفح والمعذرة من الآخرين لأن التواضع وتقدير الناس له قيمة دينية واجتماعية عظيمة لا ينالها الشخص بالمال ولا بالجاه.
ﺍﻟﻠﻲ ﻗﺮﻭﺵ ﻧﺴﻲ العشرة ﻭﺍﺑﺎﻫﺎ ﻭﺳﺎﻣﻚ
ﺍﺑﻌﺪ ﻣﻨﻮ ﻭﺍﻟﺰﻭﻝ ﺍﻟﺒﺪﻧﻲ ﻣﻘﺎﻣﻚ
ﺧﺎﻭﻱ ﺍﻟﺒﻨﺼﺤﻚ ﺑﺎﻟﺮﺍﻱ ﻭﻳﻮﻡ ﻣﺎ ﻻﻣﻚ
ﻗﺒﻞ ﻣﺎ ﺗﻨﺎﺩﻱ ﻟﻠﺤﻮﺑﺎﺕ ﺑﻤﺶ ﻗﺪﺍﻣﻚ
ﻣﺎ ﺗﺨﺎﻭﻱ ﺍﻟﺒﻐﺶ ﻭﺗﺨﻠﻲ ﻣﻦ ﺳﻤﺎﺭﻙ
ﻭﺫﻭ ﺍﻟﻮﺟﻬﻴﻦ ﺑﻀﺎﺣﻜﻚ ﻭﺗﻠﻘﻰ ﻫﻤﻮ ﺩﻣﺎﺭﻙ
ﺧﻠﻴﻚ ﻛﺎﻟﻨﺨﻴﻞ ﺍﻟﻌﺎﻟﻲ ﺑﺎﻧﻲ ﻋﻤﺎﺭﻙ
ﻳﺮﻣﻮﻙ بالحجارة ﻭﺇﻧﺖ ﺍﺭﻣﻲ ﺛﻤﺎﺭﻙ
ﺳﻤﺢ ﺍﻟﺰﻭﻝ ﻳﻜﻮﻥ أجواد ﻭﺻﺎﻓﻲ ﺳﺮﻳﺮﻩ
ﻭﺳﻤﺢ ﺍﻟﺒﻔﻘﺪ ﺍﻻﺧﻮﺍﻥ ﻭ ﻳﻌﺎﻣﻞ ﺍﻟﺠﻴﺮة
ﻣﻬﻤﺎ ﺣﻴﺎﺗﻨﺎ ﻃﺎﻟﺖ ﻟﻴﻨﺎ قصيرة
ﺍﻻﻋﻤﺎﺭ ﺑﺘﻜﻤﻞ ﻭﺍﻟﺒﺘﺒﻘﻰ ﺍﻟﺴﻴﺮﻩ
ﺍﻟﻠﻲ ﻣﺎﺩﻩ ﻭﺍﻗﻊ ﻟﻠﺮﺟﺎﻝ ﻣﺬﻟﻮﻝ
ﺑﺒﻘﻰ ﺩﻻﻫﺔ ﺳﺎﻛﺖ ﻭﺑﻨﺴﻔﻪ ﻓﻲ ﺍﻟﻘﻮﻝ
ﻣﻜﺎﻧﺘﻚ ﺍﺣﻔﻈﺎ ﻭﺧﻠﻴﻚ ﺩﻭﺍﻡ مسئول
ﺍﻟﻐﻨﺎ ﻭﺍﻟﻔﻘﺮ ﻋﻨﺪ ﺍﻟﻠﻪ ﻣﺎ ﻋﻨﺪ ﺯﻭﻝ
ويستطيع الناس معالجة عيوب بعض ومنقصاتهم لو صفوا النية وعزموا على الإصلاح بينهم، فبتصرفات محسوبة ومدروسة يمكن ان نصلح المجتمع دون أية حساسيات أو تنازع، وما أحوج بلادنا الطيبة لطيبة أهلها.
ﺻﺎﺣﺒﻚ ﻟﻮ ﺳﻔﻴﻪ ﻭﻣﻊ ﺍﻟﻘﻴﻢ ﻣﺘﻨﺎﻓﻲ
ﻣﺎ ﺗﺒﺎﺭﻳﻬﻮ ﻗﻂ ﻟﻜﻦ ﻛﻤﺎﻥ ﻣﺎ ﺗﺠﺎﻓﻲ
ﻳﻤﻜﻦ ﺗﻬﺪﻱ ﻭﺍﻟﺨﻴﺮ ﻣﻨﻮ ﻳﻤﺮﻕ ﻛﺎﻓﻲ
ﺷﻮﻑ ﺣﺘﻰ ﺍﻟﻌﻘﺎﺭﺏ ﻓﻴﻬﺎ ﺑﻠﺴﻢ ﺷﺎﻓﻲ
ﻟﻮ ﺩﺍﻳﺮ ﺣﻴﺎﺗﻚ ﺗﺒﻘﻰ ﺑﺎﻟﺨﻴﺮ ﺭﺍﻓﻠﻪ
ﺻﻮﻡ ﻭﺇﺗﺰﻛﻲ ﻗﻴﻢ ﺍﻟﻠﻴﻞ ﻭﺯﻳﺪ ﺍﻟﻨﺎﻓﻠﻪ
ﻗﻮﻝ ﻟﻠﺒﻌﺼﻮ ﻭﺍﻟﻨﺎﺱ ﺍﻟﺒﻌﻴﺪﻩ ﻭﻏﺎﻓﻠﻪ
ﺍﺑﻮﺍﺏ ﺭﺣﻤﺔ ﺍﻟﻤﻮﻟﻰ ﺍﻟﻜﺮﻳﻢ ﻣﺎ ﻗﺎﻓﻠﻪ
أﻭﻋﻚ ﺗﺒﻘﻰ ﻟﻠﻔﺎﺭﻏﺎﺕ ﺩﻭﺍﻡ ﻣﺘﺸﺒﺢ
ﻭﻧﻔﺴﻚ ﻫﻴﻨﺔ ﻣﻦ ﺑﺎﺏ ﺍﻟﺘﻮﺍﺿﻊ ﻭﻗﺒﺢ
ﺇﻥ ﻛﺎﻳﺲ ﺗﺠﺎﺭﺓ” ﻫﺴﻲ ﻟﻴﻚ ﺑﺘﺮﺑﺢ
ﺍﺫﻛﺮ ﻟﻺﻟﻪ ﺑﻲ ﻫﻤﻪ ﺻﻠﻲ ﻭﺳﺒﺢ
ﻧﺎﺳﺎ ﻗﺎﻃﻌﻮ ﺍﻻﺭﺣﺎﻡ ﻭﺩﻳﻤﻪ ﻣﺸﺎﺗمة
ﻧﺎﺳﻴﻦ أم ﻟﻬﺎﻳﺐ ﻭﺍﻟﻘﺒﻮﺭ الكاتمة
ﻓﻲ ﺍﻟﺪﻧﻴﺎ ﺍﻟﺒﻘﺖ ﻗﺪﺍﻣﻨﺎ ﺳﻮﺩﺍ ﻭﻋﺎﺗمة
ﻳﺎ ﺭﺏ ﻧﻠﻘﻰ ﺭﺿﺎ ﺍﻟﺪﻳﻦ ﻭﺣﺴﻦ الخاتمة
