في الصمت كلام
محمد عثمان بلل
إنشغلوا بـ(الهلال) .. وما إشتغلوا بـ(الهلال) ..!!
• عارفين ناس الوصيف إتغلبوا في الأبيض أمس ليه ؟
• عشان شغالين بـ(الهلال) الكبير ومبارياته الافريقية.
• كانوا منتظرين خسارته امام النجم الساحلي في تونس.
• قبل المباراة اي وصيفابي يقول الليلة ح تنهزموا خمسة .. ومبسوطين كمان ويلوح ليك بأصابع يده الخمسة.
• شخصيا قابلت أكتر من واحد وصيفابي قال لي الكلام دا.
• وخبر فوز الهلال على النجم الساحلي بأرضه .. وقع عليهم زي (الصاعقة) .. خبر (موت) بس.
• لحدي يوم الليلة ما مصدقين الحصل دا.
• شايفنو حلم حلم.
• زعلانين زعل .. عايزين يطرشقوا بس.
• تقول التوانسة ديل أخوانهم في الرضاعة.
• ما أظن جماهير النجم الساحلي زعلت قدر دا.
• حتي الجماهير التونسية (المرضانة) بالتشجيع ديك ما زعلت كدا.
• نعمل ليكم شنو .. دا الهلال عامل كدا.
• ما نغلب يعني.
• نقول لأطهر ما كان تتقدم أكتر من الوسط.
• خلاص هسي نقول ليهو يا أطهر تاني ما تتقدم للهجوم.
• ما تهدف في المرمى تاني.
• ألعب (باص) بس.
• دا برضو ما بنفع.
• ح تظل النتيجة في مكانها.
• اتسجلت في (الكاف).
• (الكاف) المعذبننا بيهو دا.
• نحن اسمنا مسجل ضمن الأبطال عشان شلنا كأس مانديلا وووووووو.
• إنشغلتوا بمباريات الهلال الافريقية.
• ونسيتو عندكم مباراة مع هلال التبلدي.
• في قلعة شيكان.
• شكلكم قلتو الدورة الاولى انتهت.
• ولا فوز الهلال نسيتو معاه الحساب كمان.
• هسي عدد أندية الممتاز كم ؟.
• لسه كان عندكم مباراة واحدة في ختام الدورة الاولى.
• شفتو الزعل عمل فيكم شنو.
• هزيمة مؤلمة في الابيض.
• بمسمار (مفضل).
• مفضل دا لاعب هلال الابيض
• اسمه مفضل محمد الحسن.
• كردفان مشهورة بالخير الكتير.
• شعارهم (كردفان الغرة .. ام خيراً جوه وبرا).
• بس داخل الملعب ما عندهم اي خير.
• هزيمة بس.
((صمت اخير))
• تشربوا تبلدي ولا تشاهدوا مباراة الهلال والنجم الساحلي.