استفزاز ام عدم احساس مقالات كورة في سبتمبر 12, 2019 19 مشاركة المقال في السلكبابكر سلكاستفزاز ام عدم احساسبسم الله الرحمن الرحيم*نقلت الانباء تصدي جمال الوالي لحل مشكلة غرزة وابنه*واذا تم قفل هذا الملف نكون قد وصلنا للحلقة الاخيرة من حجوة ام غريزينة*ولانخاف بث للحلقة البعد الاخيرة من مسلسل الحجوة*لان الحل مافيهو جدولة ولا جرجرة بحسب ما حملت الانباء*ولعلنا نستفيد من المسلسل ده في وضع سقف للمديونيات يتناسب مع القدرة الماليه للكيان واهله*ولعل ماوضع المريخ في هذا المحك هو الدولة العميقة الله لاعادها*لانو الدولة العميقة تختار لجان التسيير وتفرضها علي الاندية وتعدها بالدعم*وبعد داك تعمل ياااع*تدخل لجان التسيير في اضافرينها*وتدخل الاندية في حرج مع الفيفا والمحاكم*بركة الدولة العميقة عملت شتات*ويجب ان لانقصي الدولة العميقة عن ذاكرة النادي*كي نستفيد من الدروس والمواقف التي جعلتنا عبر*المواقف التي جعلتنا مسخرة*كل من هب ودب شايل ليهو عريضة وماشي الفيفا*اي قضية يندهوها في محكمة الفيفا*تلقي المريخ مدعي عليه*مدعي عليه بدون ارشاد*لانو اصغر معلن في الفيفا حفظ عنوان المريخ حفظ*لعلنا نستفيد من الدروس والعبر التي جعلتنا عبر*الشكر موصول للاخ جمال الذي تصدي لحل الاشكالية مسددا تقصير الدولة العميقة لوحده*ولكن*تعامل مجلس المريخ مع الموضوع بهذا السكون والهدوء والركوض والركون لهو امر محير*الموضوع ده وقف شعر اي مريخابي سلك سلك*ووقف صلعة سلك شعر شعر*والمجلس ولا كأنو هنا*ياربي كانوا مقتنعين بان المريخ برجالو*ومابخلوا المريخ يلعب بدوري الشمس الحارقة*ولا كانوا متأكدين انو جيمي حايدفع؟؟؟؟*طيب*قلتوا ديون المجالس القبالكم لاقبل لكم بها*يبقي لما تشتتوا ماتخلوا للمجالس البعدكم فرطاقة مديونية*لانهم ببساطة برضك لاقبل لهم بديونكم*لكن بعد حل مشكلة غرزة دي*والطيران الافريقي*ووضع الطيران العربي*تاني مافي صرف*قشة ماحاتعتر ليكم*اربعة سنينكم دي حاتتموها هنقطة سااااااكت*غايتو يا اسد هنقطك في المقصورة بتطول وتاخد مدة*نحمد الله ونشكر السيد جمال واللهم لاترنا مكروها في عزيز علينا يا ارحم الراحمين*المهم*تجي ماشي في شارع القصر او شارع البلدية او تقاطعهما*بعتر ليك تاجر عملة*يهز في الربطة*او يعمل تلك الحركة المقززة*بيع وشراء العملات الاجنبية علي مدار اليوم*اربعة وعشرين ساعة*حتي في الاعياد والاجازات الرسمية والدينية*بيع وشراء العمله علي قارعة الطريق وقبالة ارتكاز تاتشرات الدعم السريع*لافي احترام لي وطن*ولافي احترام لي ثورة*ولا في احترام لارواح شباب استشهد لاجل بناء وطن*ولابعرفوا الله ولابعرفوا حمدوك*لابخافوا الله ولابخافوا علي الوطن*ولابخافوا تاتشرات الدعم السريع التي يبيعون ويشترون العملة امامها علنا*ده شنو ده؟*ده استفزاز ولا عدم احساس ياناس!!!!!*ايها الناس*تجار العملة اكبر جرما من مختلسي المال العام*فتجارة العملة تقتل الجنية والمواطن وابن المواطن والطموح*كيف بعد ثورتنا العظيمة دي تكون في حاجات زي دي في بلدنا*جريمة الاتجار بالعملة لاتقل بشاعة عن جريمة الحرابة*لانها تسلب المجتمع الطمأنينة وتسلب الاسعار الثبات*وبسبب تجارة العملة تقول لبتاع البقالة علبة الصلصة بي كم؟*يقول ليك خمسة وستين*تقول ليهو قلت لي كم؟*يقول ليك خمسة وسبعين*الفرق بين السؤالين زاد سعر علبة الصلصة عشرة الف جنيه*والسبب تجار العملة*تجار الارواح*زي ديل ياحمدوك اذا قاعدين علي الطلاق قطية ماتبنيها خليهو وطن*قرف يقرفكم*ايها الناس*ان تنصروا الله ينصركم*اها*نجي لي شمارات والي الخرتوم*والينا*من افرازات عهد الفساد فينا*تجار العمله والمرابينا*والسبابة اللي عزابنا مسببينا*حاتقرضوهم يا والينا*ولا حاتخلوهم يقرضونا مايفضلوا نفاخ النار فينا؟؟؟؟سلك كهرباننساك كيف والكلب قال مقتل طالب مقتل امة وبقتل امة تاجر عملةوالي لقاءسلك استفزاز ام عدم احساسبابكر سلك 19 مشاركة المقال
