الأمل يؤكد سلامة موقفه من مشاركة صلاح عصمت أمام المريخ
استغرب مجلس إدارة نادي الأمل عطبرة من الشكوى التي تقدم بها المريخ ضد مشاركة لاعب الفهود صلاح عصمت في مباراة الفريقين مساء أمس بإستاد عطبرة ضمن الجولة 26 لمسابقة الدوري الممتاز وأكد مجلس الامل سلامة موقفه من مشاركة اللاعب في المباراة بعد أن استوفى عقوبة الإيقاف في المباراة السابقة أمام أهلي عطبرة في الجولة 25 من الممتاز وكشف مجلس الأمل أن المريخ سيخسر الكثير اذا أراد تقديم تلك الشكوى الخاسرة لأن الأمل متأكد تماماً من صحة مشاركة لاعبه صلاح عصمت في مباراة الفريقين أمس الأول والتي انتهت بالتعادل الايجابي بهدف لكل.
حمل تطبيق كورة سودانية لتصفح اسهل
لزوارنا من السودان على متجر 1موبايل
http://www.1mobile.com/net.koorasudan.app-2451076.html
لزوارنا من جميع انحاء العالم من متجر قوقل
https://play.google.com/store/apps/details?id=net.koorasudan.app
لزوارنا من الصين الشعبية
http://www.androidappstore.mobi/EN/displayproduct/112531/playstore
خلاص بدينا وصاج اللقيمات سخن
اصلو غير كده مابشيلو ليهم دوري
ناس سمير وعطاالمنان اليومين ديل في رقبتهم
ههههههههه هااااااا. ديل اتعودوا علي النقاط الميتة واكل الفطايس. ايضا يعتبرون الأمل الحيطة القصيرة. العام الماضي اتحاد اللقيمات ولجنة سمير تعدوا علي حقوقكم وانتزعوا نقاطكم من غير وجه حق. واخشي ان يكرروا نفس الفلم هذا العام مادام الاتحاد هو داعمهم الرسمي.
اها يا دروايش يلا انسحبوا و معاكم الهليل انتو وقت ما عارفين مالكم بعدين شنو سيخسر الكثير دى انتو مالكم قروشنا و على كيفنا فيها
ماذا لو تاكدت صحة شكوي المريخ ياوصيفاب، حق الشكوي مكفول بموجب لوائح السوداني لكرة القدم لكل فريق متي ماتحققت موجباته، الامل متعود علي الجلطات الادارية والوصبغاب متعودين علي السكلبة مع كل شكوي بقدمها المريخ حتي لو كانت خاطئة، سوا صبر وانتظروا نتيجة البت في الشكوي، ونتمني ان تكون الشكوي صحيحة وان يكسبها المريخ لنري ماذا انتم وكاردنالكم فاعلون (:
ديل ما بخجلوا ولا بستحوا ..فصاحة وتامين الهيلمانة ابواق اعلام ببغاوي كورالي متفق عليه في الهجوم ..لو هجوم فريقهم بيلعب بنفس تنظيم هجوم اعلامهم ما كان احتاجوا للشكاوي ..
اقتراح – الاستغناء عن مهاجمي الفريق واستبدالهم بمزمز وسلك وكابو وابوشيبة ..لانهم الانجع والافضل في الضجيج
أبو المستعار مؤمل ومتعشم في الشكوي وواثق منها أكتر من ثقته في مواسيرهم، الراجل ضاق لقيمات السنة الفاتت معقولة تاني يخليها ؟
أمل عطبرة بالذات مباراة المرخرخ ماممكن يجلط فيها ويديهو أي ثغرة، وأمبارح خطاب الإتحاد العام إتسرب في المواقع الإلكترونية ووضح موقف اللاعب، واللاعب غاب عن مباراة أهلي عطبرة ولعب مباراة المرخرخ، أها تاني تشتكوا في شنو إلا كان تشتكوا الزول السرب التقرير ده…….ههههههههه
وبعدين تعال هنا وورينا، قروش شنو الحقتكم دي ومن متين كان عندكم قروش؟ ياها قروشنا الناهبنها ليكم 13 سنة دي ولاغيرها؟ هههههههههههه….
علي فكرة، عمود الدراب الجديد بتاع أمبارح فيهو لغة إنكسار عجيبة خلاص، والفصاحة بتاعة مرخرخ الشباب وحانضرب الأمل في عطبرة والتحية للثنائي برهان وحسن ووووو….. كلها طلعت هبوب ساي، وشايفك قمت علي جوز اللوز ونتفت ريشه….!!
لكمة أخيرة: أبو المستعار فقد البوصلة خلاص