الجاكومي يقود مبادرة صلح بين الوالي والصاقعة

الجاكومي راحت عليهو وطيروهوا من لجنة تسيير المرخرخ، عشان كدة عاوز يقلب هوبة ويتلح حسن عبد السلام ، خصوصاً بعد ماعرف إنو الراجل في طريقة لتولي منصب الأمين العام بالإتحاد الجديد بتعليمات من فوق، عشان كدة عاوز يقدم السبت عشان يلقي الأحد، عسي ولعل يلقي ليهو طريقة في المجلس الجديد من خلال ت السيد حسن عبد السلام، حتي ولو مساعد حلة للأمين العام، !!! المسكين ودعمه أداهو بالطرشاء وفكاهو عكس الهواء…….
الظريف في موضوع المبادرة دي، إنو البيب بيت عبد الله حسن عيسي، والمبادرة مبادرة الجاكومي…!!! يعني حتي آبري أحمر ماخسرته في الشغلانة يا الجاكومي…!!! والله بالغت وعملتها شينة عديل……..
لعنات وغضب جمهور الهلال إن شاء الله تكون وراك كدة لحدي ماترجع الحصاحيصا، وتاني نشوفك حاتستعدي الجماهير دي لصالح منو وتكسر التلج لمنو بعد ما ركبوك المراكشية…..!!!
يمهل ولايهمل
ونحنا شماتتنا فيك ما داسنها