الجرى مننا أمام تحدي الضربناهو !!

بالعربي الكسيح
محمد الطيب الأمين

* عندما تم القبض على الجماعة الكشفوا إمتحان الكيمياء طالب عدد من أهل التعليم باعدامهم ..
* أهل التعليم أجمعوا علي أن كشف إمتحان من امتحانات الشهادة السودانية يعتبر من الكبائر في الدنيا ..
* كشف إمتحان الكيمياء ثم إعادته هي عملية مرهقة مالياً ومعنوياً ..
* هذا بخلاف إنها تحدث شرخاً في الثقة ..
* وقد ترتب عليها كثير من الشد والجذب ..
* وعندما يتم كشف أي إمتحان فهذا يعني أن (ابلد) طالب سينجح بل سيقفل هذه المادة المكشوفة ..
* ولذلك الوزارة أعادت مادة الكيمياء من باب العدل ..
* وأنا أعتقد أن مريخ الفاشر (كشف) الهلال فعرف مريخ العرضة أي مصير ينتظره ..
* واحدة من أهم واقوى الاسباب التي جعلت حكومة ولاية الخرطوم تلغي مباراة القمة هي مباراتنا أمام مريخ الفاشر ..
* في موضوع الكيمياء (المكشوفة) في طلاب لما شافوا (النسخة المكشوفة) حمدو الله إنها اتكشفت ..
* قالوا : (لا حول ولا قوة إلا بالله معقول دي كلها اسئلة) ؟
* حمدو الله إنو الإمتحان اتكشف ..
* قالوا لو ما كان اتكشف كان حقنا راح ..
* نفس الفكرة ..
* ناس المريخ شافوا الهلال أمام ود هاشم سنار ..
* وطبعا الهلال في سنار كان كعب عديل ..
* لحدي بعد مباراة سنار ناس المريخ ما كان عندهم نية إنو يهربوا من الهلال ..
* مباراة القمة كانت في موعدها ..
* فجأة كده ناس المريخ (اكتشفوا) الهلال امام مريخ الفاشر ..
* لما شافوا الهلال أمام مريخ الفاشر قالوا : (لا حول ولا قوة إلا بالله معقولة ده كان جايينا) ؟
* حمدو الله إنو مريخ الفاشر كشف (كيمياء الهلال) ..
* وطوالي طبخوا (البامية) مع حكومة الولاية فتم إلغاء المباراة لدواعي غير أمنية..
* وأنا أجزم ليكم لو لم يلعب الهلال مباراة بعد مباراة سنار لما قامت الحكومة بإلغاء مباراة القمة ..
* يعني القصة كلها سببها ما قدمه الهلال امام مريخ الفاشر ..
* اليوم مريخ الفاشر (الكشفنا) في مواجهة مريخ العرضة (الجرى مننا) ..
* يعني (الجرى مننا يواجه تحدي الكشفنا اليوم بملعب استاد الحكومة) ..
* مباراة بين (الضربناهو والجرى مننا)..
* وطبعا وجود مريخين على أرض الملعب بيعمل عمى ألوان ..
* لو شاهدت مباراة بين مريخين بتحس بربكة في النظر ورجفة في السمع ..
* مريخ بالاصفر ومريخ بالاحمر ..
* بتحس الموضوع بيشبه (كبسولات النزلة) ..
* والله صحي ..
* أنا كل ما أشوف مريخين داخل أرض الملعب بتذكر كبسولات النزلة ..
* بقرب أعطس ..
* ما اكضب عليكم مرات بعطس عديل ..
* المهم اليوم المباراة تلعب ولا أحد يتحدث عن الدواعي الأمنية ..
* فجأة الخرطوم بقت (آمنة الفي الضمير كاوياني) ..
* أول ما اتلغت مباراة القمة طوالي الأمن عاد للخرطوم ..
* ودي سلامة كبيرة يا جماعة ..
* أصلا نحن بيهمنا أمن الولاية والسودان ..
* وطالما القمة بتهدد الأمن يبقى بلاش منها ..
* نوديها الولايات ..
* ندعم قرار لجنة المسابقات بنقل مباريات القمة للولايات ..
* ونتمنى إنو مباراة القمة الاتلغت دي يتم نقلها عطبرة ..
* طبعا ناس المريخ لما يجيبوا ليهم سيرة عطبرة بتحسسوا ..
* إختيار ملعب عطبرة لاستضافة مباراة القمة القادمة سيكون قرارا رائعاً ..
* يا عطبرة ويا الأبيض ..
* وأنا حقيقة لاحظت لحاجة ..
* اي مباراة تكون معلنة في استاد المريخ بيقوم المريخ بينقلها استاد الخرطوم وبيقولوا ملعبهم في الصيانة ..
* ودي أول مباراة قمة من زمن طويل تكون بملعب المريخ والمريخ لا يطالب بنقلها ..
* الموضوع ده أنا استغربت فيهو ..
* كيف المريخ وافق على إنو المباراة تكون في استاده ..
* اتاريهم كانوا عارفين الموضوع فيهو دواعي أمنية عشان كده ما جابوا سيرة لنقلها ..
* عموماً.. مريخ الفاشر يجب أن يعلم أن أي هدفه يسجله في شبكة المريخ اليوم ممكن المباراة تتلغي ..
* ما في ضمانات ..
* في اي لحظة ممكن الخرطوم تبقى ما آمنة ..
* ممكن مهاجم مريخ الفاشر يكون ماشي على المرمى تقوم تجي تعليمات تلغي المباراة لدواعي أمنية ..
* عشان كده بنتمنى إنو مريخ الفاشر ما يستعجل في التسجيل ..
* لو سجلتوا بدري حقكم بيضيع ..
* حافظوا على التعادل ..
* المشكلة إنو المباراة تنتهي بالتعادل يقوموا ناس الحكومة يقولوا المباراة غير معتمدة لدواعي أمنية ..
* وغايتو جنس غايتو ..
* ونركب صافنات ونجيبة (دارفورية) واصلو الزول بيموت والذكرى تفضل حية ..
* و..و..
* وجيت اهنيك واصافحك وجيت أقول …… بكرة يوم الرجال ..

التطبيق               

لزوارنا من جميع انحاء العالم من متجر قوقل

https://play.google.com/store/apps/details?id=net.koorasudan.app 

17756 حملو التطبيق

على متجر apkpure

https://apkpure.com/ar/%D8%B5%D8%AD%D9%8A%D9%81%D8%A9-%D9%83%D9%88%D8%B1%D8%A9-%D8%B3%D9%88%D8%AF%D8%A7%D9%86%D9%8A%D8%A9/net.koorasudan.app

على متجر facequizz

http://www.facequizz.com/android/apk/1995361/

على متجر mobogenie

https://www.mobogenie.com/download-net.koorasudan.app-3573651.html

على متجر apk-dl

حمل تطبيق كورة سودانية لتصفح أسرع وأسهل 

لزوارنا من السودان متجر موبايل1

http://www.1mobile.com/net.koorasudan.app-2451076.html

2,456حملوh

http://apk-dl.com/%D8%B5%D8%AD%D9%8A%D9%81%D8%A9-%D9%83%D9%88%D8%B1%D8%A9-%D8%B3%D9%88%D8%AF%D8%A7%D9%86%D9%8A%D8%A9

على متجر apkname

https://apkname.com/ar/net.koorasudan.app