صحيفة كورة سودانية الإلكترونية

الحصة وطن يامريخ

62

 

في السلك

بابكر سلك
الحصة وطن يامريخ

*لان المريخ وطن
*ولان الوطن مريخ
*ولان الايام عيد حب
*ولان الحب وطن
*تبقي ممارسة العشق الكبير في هذه الايام مباحة
*بل مستحبة
*او قل هي فرض عين
*وقلبا ماخفق بحبك ياوطن
*اريتو ماقلب الوليدات
*والبنيات
*فلقد اثبتن
*انو البلد
*بلد البنت والولد
*معركة الوطن كبيرة
*فالمولودية اهل المليون شهيد
*ليس عندهم مايخسرونه
*لذا سيجلبون كل عتادهم
*وسيرمون بكل اسلحتهم
*ولكن لان الوطن كبير
*سينتصر المريخ
*ويتخطي المولودية
*لان الحصة وطن
*طيب
*دورنا شنو!!!
*دورنا اننا نصنع الانتصار
*نتسامي علي الجراحات
*نسموا فوق المرارات
*فنحن لانؤيد مجلس ولانعارض كيان
*ولكننا ننتمي لكيان
*لذا لابد ان يكون الخطاب في هذه الايام وطن
*نريد الانتصار للوطن
*نريد تدوين انجاز جديد علي صفحات التاريخ
*ولن يحدث ذلك وقلوبنا تحمل مع حب المريخ رواسب
*تلك الرواسب يمكنها ان تشتغل طابور خامس ينفذ منه المولودية ونروح فيها
*رجاءا
*فرغوا القلوب لحب الكيان وصناعة النصر الكبير
*وبعدها لو زول شال كرسي وفرتق لينا حفلة التأهل
*عافيين ليهو
*فبعد العقد
*كان فرتقت الحفلة
*العريس بسوق عروستو ويمشي
*رجاءا
*ظروف قاهرة منعتي حضور فاعلية النظام الاساسي بدار الشرطة امس
*البوليس بوليس الشعب
*بوليس الشعب سيحمي الشعب
*امال عاملنوا لي شنو!
*قبل كدة حضرت
*وبنفس دار الشرطة
*تمنياتي ان يكون غياب الماضي حضورا بالامس
*اكتر الفئات التي يفترض فيها خدمة النظام الاساسي والاصرار علي الاجازة
*هم فئة المعارضون للمجلس
*لان الاجازة تعني الخطوة القريبة من المجلس المنتخب الديمقراطي الجديد
*بالذات بعد راح زمان التعيين وتدخل الطرف التالت
*فما ممكن نغيب
*ونجي نقول ماكلمونا
*زي الزول الماجا بكا وقال ماعزمونا
*اخير منو الزول الماجا
*وقال ماسمعنا
*ايها الناس
*الحصة وطن
*والوطن مريخ
*نتأهل اول
*وبعدين ان شاء الله يفرزونا بالصلع
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت ياوالينا
*الامتحانات عملوها لينا
*وللمقرر ماتمينا
*كلفته ساي ياوالينا
سلك كهربا
ننساك كيف والكلب قال بعد التخرج محتاجين محو امية يا اخواني
والي لقاء
سلك

قد يعجبك أيضا
اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبولقراءة المزيد