الدعم السريع والجيش السوري
في السلك
بابكر سلك
الدعم السريع والجيش السوري
* ملحمة الامس ومعركته كانت رائعة روعة بطل المحمولة جوا
* الجيش السوري عاد ببراميله المتفجرة الي دمشق لعطل فني
* فقد اصابتهم صواريخ الدعم السريع
* استغل المريخ في معركته قوات الدعم السريع التي تمثلت في العقرب وميدو وتيري
* فلخبط حسابات ادلب
* وعكر صفو حلب
* واستغاثت درعا بدكا
* اما القوطة الشرقية فلم تجد بدا من ايقاف مدفعية التش غير عرقلته
* قوات الدعم السريع المريخي قادرة علي قهر الجيش الامريكي زاتو ان ارادت
* فقط علينا تهيئة الجو المناسب لها ونبذ الخلاف والاختلاف وصناعة قبة للحرب من حبة النظام الاساسي
* ابردوا
* وخلوا مريخنا يبدع
* فالقصة ليست عنتريات ولا اظهار عضلات ولا مصالح شخصية
* القصة قصة مصلحة مريخية وبس
مبروك مريخ السودان النصر لسودان المريخ
* مبروك زنبقة جيش سوريا علي ارضه (فرضا )
* فالزمبوق السوري لم يك متوقعا للزمبقة من واقع المعلومات التي تحصل عليها من زنابيق السودان في اكبر عمليات خيانة الوطن
* ماكلموهم
* ما قالوا ليهم تيري كان جري مابلحقو ود مره
* ماحكوا ليهم
* ما قالوا ليهم ميدو بحب الهاتريكات
* غايتو يافطومة يا اختي
* الدكتور القال ليكم ميدو معطوب وزجاجي
* بكون درس الطب في نيو سايت
* المدينة الماقامت لي اسي
* المهم ناس الجيش السوري ماقصوا ليهم
* ما قالوا ليهم العقرب السودانية مابتقرص بس
* بتوزعها كمان زي المراره
* وماكلموهم بي سومانا
* سومانا الهاوي
* سومانا البمشي في الشارع يا راااجل
* سومانا اهيييييي
* سومانا البقطع الشارده والوارده
* سومانا يا رااااجل
* سومانا اللما يعطش بشرب يا راجل
* سومانا اللما يشوت بجيب قون يا راااجل
اكبر عمليات الفساد في الوطن المتمثله في الخيانة الوطنية
* لم تحدث جنرالات الجيش السوري عن قوات الدعم السريع المريخيه
* فكانوا سببا في زمبقة الجيش السوري الشقيق
* ضيعناهم في الضيعة تبعهم
* واتزمبقي
* لكن بصراحة
* ناس المجلس المنتدب يكفيهم تسجيل تيري وحمزة
* نصفق لهم ولو فشلوا في سداد ديون اتوا لاجل حلها
* فتيري وحمزة اضافة حقيقية
* والزولفاني وسومانا اضافة يستحق عليها الشكر من اضافها بدل الاستهزاء والتريقة
* حقوا نقدر بعضنا ونحترم بعضنا لاجل مريخنا
* المهم
* شكرا اولادنا جميعا علي تلك الروعة
* مع خالص تمنياتنا للاشقاء السوريين بالسلام والرفاهية وان تعود سوريا مطمئنه ترفل في سلام وامان
* كرمان الشعب السوري الشقيق
ايها الناس
* ان تنصروا الله ينصركم
* اها
* نجي لي شمارات والي الخرتوم
* تعرف يا والينا
* كلو يوم بتطلع قرارات تزيد الحيرة فينا
* اسي كروت الجاز دي يا والينا
* لضبط الجاز ومنع تهريبه خارج البلد يا والينا
* ولا لضبط صرفنا واجبارنا علي الترشيد يا والينا ?
* في الحالتين القصة مامحتاجة رسوم كروت يا والينا
* يبقي الرسوم لزومها شنو قول لينا ??
* وده نعتبرو تعسف ولا اثراء بلا سبب يا والينا ?
* وكلو شهر نمشي للكرت
* يا الصف طويل
* يا الشبكة طاشة
* يا الحالة واقفه وما ماشة
* يا امشي صور شهادة البحث وتعال يا اخينا
* يا الموظفه ماجات عندهم بكا
* مات جار راجل حمات نسابة اختهم في القطينة
* نحنا ناقصين عذاب يا والينا ????
سلك كهربا
ننساك كيف والكلب قال نصيبكم في العذاب كملتوهوا في دنياكم دي
والي لقاء
سلك
تطبيق كورة سودانية لتصفح أسرع وأسهل
لزوارنا حمل من السودان متجر موبايل1
http://www.1mobile.com/net.koorasudan.app-2451076.html
2,456حملو التطبيق
لزوارنا من جميع انحاء العالم من متجر قوقل
https://play.google.com/store/apps/details?id=net.koorasudan.app
17756 حملو التطبيق
على متجر apkpure
https://apkpure.com/ar/%D8%B5%D8%AD%D9%8A%D9%81%D8%A9-%D9%83%D9%88%D8%B1%D8%A9-%D8%B3%D9%88%D8%AF%D8%A7%D9%86%D9%8A%D8%A9/net.koorasudan.app
على متجر facequizz
http://www.facequizz.com/android/apk/1995361/
على متجر mobogenie
https://www.mobogenie.com/download-net.koorasudan.app-3573651.html
على متجر apk-dl
http://apk-dl.com/%D8%B5%D8%AD%D9%8A%D9%81%D8%A9-%D9%83%D9%88%D8%B1%D8%A9-%D8%B3%D9%88%D8%AF%D8%A7%D9%86%D9%8A%D8%A9
على متجر apkname
https://apkname.com/ar/net.koorasudan.app
