الدوري يادوب دور !!

لهيب النار

هاشم الطيب

الدوري يادوب دور !!

&كنا فاكرين بعد تمانيه كأس الممتاز ذهب طائعاً مختاراً الي الأزرق لكن كنا ما عارفين الحكايه فيها حكاوي ؟
& حدودت يوم الجمعه ورمضان اول مرة يزورنا بعد شهرين ويدخل أبوجا في حيص بيص!! & ما كنا قايلين الخيل الحره بتجي في الاخر ويوم الجمعه الثمانية أصبحت خمسه !!

& الله يجازي محنك يا سوركتا رجعت الرقم خمسه لسته وكمبلت .!!

& والحكايه لم تنتهي وهجم النمر هجم النمر وأي هلال لازم نرشه وفي وقت ماشي ووقت جاي النمر أعاد الحكاية للأول وأصبحت المسافة فقط تلاته !!
& ولازالت القصه مستمره ويوم الجمعه بعد باكر فيها روايات وخكاوي بس الروقه ما تستعجلوا يا مجدبه !!

@ رأي حر ==
خبر حكام هلال / عرب ومريخ / فرسان شنو يا صلاح خالد لو ما الخوف من كلمة ما بصدقك لقلت عشره من عشرة ويا ود الطيب انت والمساعد انتو صاح لاعب المريخ في موقف تسلل واضح وكما يقال انه استفاد اللاعب من موقفه قبل أن يصدها حارس الفرسان… العزيز محمد عطا فخري ابن عاصمة الحديد والنار مدرب الخياله زعلان وعامل مشاكل في شنو وفريقك متخندق تسعين دقيقه !!!

زمن اضافي

• هلال الساحل يعود للمركز الثالث بعد تفوقه علي حى الوادي نيالا..
• اقالة مدرب الهلال البرتغالي فى توقيت غير مناسب بسبب الضغط الجماهيري..نتمنى التوفيق للمدرب الوطني خالد بخيت.
• الاهلي شندي يواجة الامل الجريح يوم الجمعة فى ديربي نهر النيل كل التوفيق للفريقين خاصة الامل للخروج من الذيلية.
• الهلال تخلى عن مدرب غير مقنع وسياتي بمدرب غير مقنع ايضا!!
• عودة عبد المهيمن لادارة الكرة بالهلال تصحيح لخطأ سابق.
• مدرب المريخ الغرايري يمضي فى الطريق الصحيح ودعمه واجب علي كل مريخي..
• المريخ يواجه هلال الابيض والهلال يواجه اهلي الخرطوم المنتشي.
• نتمنى الاستفادة القصوى من فترة التسجيلات القادمة خاصة لاندية القمة ولامكان لانصاف المواهب والعاطلين.