*الركود*

*نبض الصفوة*

*امير عوض*

ضجت الأسافير بالأمس بتداول صورة يُقال بأن جمهور الزنبوق قد حملها كلافته أثناء المباراة.
حسب ما موضح علي الصورة فرابطة الأمواج الزرقاء حملت لافته مكتوب عليها (كرة القدم ركد و الركد يحتاج لشباب).
ما شاء الله.. كمان جبت ليها ركد!!
الجماعة ديل ركدوا و نحن ما جايبين خبر!
من الزنبقة تحولوا للركد.
و الركدكم شنو؟ و منو؟
و راكدين فوق شنو؟
الله يجازي محنكم الكل يوم مقطعين مصارينا بالضحك.
صفركم ده من الله خلقو راكد.
ماف يوم إتلحلح و إتحرك.
راكد ما شافش حاجة.
قلتو لي كرة القدم ركد.
خلاص نكلم النيفا (أو الفيفا) تضيف التعريف الجديد ده للكورة.
ما تخافوا.. حنكلم الإتحاد الدولي للفساد برضو.
أكيد بكونوا فاهمين (الركد) لأنهم (ركدوا) بميدالية كردنة و ما سلموها ليهو.
كردنة طبعاً ركد بي وردي و سماهو الديناصور.
أموت و أعرف القاموس اللغوي البستخدمو كردنة ده (ركدو) من وين.
العراب ده أكتر واحد راكد في العربي.
قلتو لي الركد بحتاج للشباب.
عايز دفرة يعني؟
نظام عايزين تتفننوا و توصلوا رسالة للشباب.
طيب أكتبوها صاح و ما تدمروا اللغة العربية أكتر مما هي مدمرة.
قولو الخطاط ساقط عربي.
طيب الرابطة دي كلها زول بعرف فيها يكتب (ركض) صاح مافي؟
كلهم راكدين يعني؟
لافته قدر الليلة و باكر شايلنها سبعتاشر نفر و ما عارفين الفرق بين ركد و ركض؟!
ده كلو من الزنبقة.
إتزنبقتو لامن عيونكم زنبقت و بقت تشوف الضاد دال.
ليهو حق كردنة يقول بنزينا و جزلينا.
ليهو حق يسمي الفيفا نيفا.
ياخ ده قال رئيسة وزراء أوكرانيا و هو قاصد كرواتيا.
قرب يعمل لينا أزمة دبلوماسية.
أوكرانيا رئيسهم راجل و كردنة ركد بيهو.
الناس ديل (اللخبته) جاريه في دمهم.
دمهم ركد و اللخبته جاريه.
عندهم محترف عايز يقول الهلال قال (الهليل).
صدقت يا ولدي.. فعلاً هليل.
سيحة زمنو الكان في عالم الرياضة عايز يقول تيتيه قال سيسه.
رضا صلحو.. تاني قال تيسيه.
لكن أقول ليكم حاجة.
الحاجة الوحيدة الفعلاً راكده عندكم هي الصفر الدولي.
تسعين سنة راكد في وسطكم.
أجيال تفوت و أجيال تموت و هو راكد.
اللذيذه شيبوب قال ليهم ما تفقدوا الأمل.
أمل منو يا زنبوق؟
عايزهم يركدوا لامن تستلموا الطيشية يعني؟
يركدوا كيف أكتر من كده؟
فريق للان ما كسب مباراة في معبرتو.. و لسه عايزهم يركدوا؟
زنبوق ده بهزر واللا شنو؟
هو فريق انت بقيت نجمو الأول ما يركد كيف؟
بطلوا اللغلغه الكتيرة و ورنا جكتكم في موزمبيق.
خلونا نشوف الركود الأصلي و الطياشة الحقيقية.
الفرق كلها تلقط في النقاط بحثاً عن التأهل و زمبوقنا راكد.
النتيجة الوحيدة للمباراة القادمة هي إنفراد الزمبوق بالمركز الأخير.
الزنبوق الأصلي حيفض الإشتباك مع الزنبوق المحلي الراكد.
و خليكم راكدين علي كده.
نحن ماشين البطولة العربية و نرفع إسم البلد و أنتو خليكم في ركادكم ده.
البطولة العربية دي ذكرياتها معاكم بتجيب الضغط.
تتذكروا لما ركدتو من وفاق سطيف.
قلتو أخير الركود من (الشطيف).
السنة دي برضو ركدتو و عملتو القرعة سبب.
عايزين تتساوو مع الأهلي المصري؟
بطل القرن البجيبو شنو لملك التركيد؟
والله عليكم جنس محن!!
راكدين و لسانكم طويل.
*نبضات متفرقة*
النجم تيري إستلم كامل مستحقاته و في إنتظار إكتمال جاهزيته للمشاركة.
مباراة الجمعة فرصة و سانحة ممتازة لإدخال بعض النجوم لفورمة المباريات التنافسية.
مجلس المريخ إلتئم شمله بالأمس في وجود مساعد الرئيس أوكتاي.
أوكتاي تكفل بسداد مستحقات مارسيال و باسكال و البالغة 140 ألف دولار.
سداد الدولارات الآن ضرورة بسبب نهاية أمد العقوبة و لا يعني بأي حالٍ من الأحوال بأن المريخ سيغلق ملف القضية.
مارسيال وقع علي مخالصة مالية و بصم بأصبعه عليها و تقديم تلك المخالصة يعني ببساطة إدانة اللاعب.
المريخ سيستأنف في محكمة التحكيم الرياضي (كاس) و الفيفا تعترف بالعقود الخارجية و لا تشترط إعتمادها في الإتحادات الوطنية.
بعض من في نفوسهم غرض ربطوا سداد العقوبة بعدم وجود مخالصة متناسين بأن المجلس الحالي يراعي لنهاية الأمد الزمني للسداد.
كان بإمكان مجلس الفشل السابق أن ينافح عن حقوق المريخ في فسحة زمنية أضاعها في الحديث عن النظام الأساسي و الحوكمة الرشيدة و غيرها من سفاسف الأماني.
إنهاء هواجس الفيفا يعني عودة الهدوء بالكامل للديار الحمراء.
بالتوفيق لمجلس الإنجازات.
*نبضة أخيرة*
الراكدين في الأرض.

التطبيق               

لزوارنا من جميع انحاء العالم من متجر قوقل

https://play.google.com/store/apps/details?id=net.koorasudan.app 

17756 حملو التطبيق

على متجر apkpure

https://apkpure.com/ar/%D8%B5%D8%AD%D9%8A%D9%81%D8%A9-%D9%83%D9%88%D8%B1%D8%A9-%D8%B3%D9%88%D8%AF%D8%A7%D9%86%D9%8A%D8%A9/net.koorasudan.app

على متجر facequizz

http://www.facequizz.com/android/apk/1995361/

على متجر mobogenie

https://www.mobogenie.com/download-net.koorasudan.app-3573651.html

على متجر apk-dl            

حمل تطبيق كورة سودانية لتصفح أسرع وأسهل 

لزوارنا من السودان متجر موبايل1

http://www.1mobile.com/net.koorasudan.app-2451076.html

2,456حملوh

http://apk-dl.com/%D8%B5%D8%AD%D9%8A%D9%81%D8%A9-%D9%83%D9%88%D8%B1%D8%A9-%D8%B3%D9%88%D8%AF%D8%A7%D9%86%D9%8A%D8%A9

على متجر apkname

https://apkname.com/ar/net.koorasudan.app