الزواج وسط الكتاحة .. يا عريس ما جاتك راحة ..!!
في الصمت كلام
محمد عثمان بلل
الزواج وسط الكتاحة .. يا عريس ما جاتك راحة ..!!
• (الغبار دا عمل في البشر ديل عمايل).
• (جهجهه شديدة).
• (العمل عرسو أمس الخميس دا الضحك شرط أهلو).
• العريس يكون عايز يطرشق من الزعل.
• معقولة تعمل عرسك في يوم زي دا.
• يااااخ إنت ما خليت ليك (حله) ما أكلت فيها.
• (كدا ورينا الصحن الصيني دا ما عاجبك).
• ( إن شاء الله صحن بلاستيك).
• لكن بالجد الناس ما ح تسيبو في حالو.
• ما بتقصد حاجة غير الضحك والهظار.
• بس العريس بتضايق شويه.
• عايز يحتفل بمناسبة زواجو بدون مشاكل.
• لكن تعمل شنو يا عريس.
• الغبار (عملها فيك).
• بس نفسي اشوف العروس شكلها كيف في الغبار كيف.
• (جهجهه شديدة).
• طبعا في ناس كتار اعتذروا عن العرس دا.
• خايفين من (بشتنة الغبار).
• خاصة الجنس اللطيف.
• حساس ما بتحمل.
• أنا في النهار ما لاقيت لي (شابه) في الشارع.
• كمان بالنهار مافي مكياجات ولا حاجة.
• كمان معقولة يمشوا العرس في الغبار دا.
• طبعا ما بتخلي ليك كريم حايم قبل ما تطلع العرس.
• دا في الايام العادية.
• مافي الغبار دا.
• معقولة تطلعوا في جو زي دا.
• أنا اول مرة اشعر أنو الخرطوم دي فاضية كدا.
• الزحمة ديك اختفت.
• لالالالا انا ما قصدي عشان البنات.
• قصدي عموماً كدا.
• لكن بالجد قلبي مع العريس داك.
• ما شماتة يا ناس.
• لكن الزول دا تعب قدر شنو.
• أخد ليهو زمن طويل عشان يجهز لليوم دا.
• يا عريس ولا يهمك.
• أكيد العَشاء كان راقد.
• مافي خسائر في الدجاج.
• خسائر بسيطة.
• بس برضو عمنا دا خسر مالياً.
• الدفع مقدماً.
• يا ربي الفنان عمل كيف.
• وبتاع الأورغ.
• طبعا بتاع الأورغ عادي ممكن يلبس طاقية.
• لكن الفنان دا شوية صعبه عليهو.
• الفنان طبعا أهم حاجة عمده التسريحة.
• لكن الغبار دا برضو عملها فيك.
• لكن في النهاية الغبار كلو لي خير.
(صمت اخير) ..
• جمعة سعيدة يا أحباب.
• اكثروا من الصلاة على أفضل خلق الله.