لهيب النار
=======
السلطان برقو مالو فرحان.!!
_________________
قلم : هاشم الطيب
————————-
مدخل :
& التغيير ﺍﻟﻨﻮﺭ ﺷﺎﻳﻼﻫﻮ ﻋﺰﻳﻤﺔ… ﺍﻟﻨﺎﺭ ﺑﺘﻤﻮﺕ ﻟﻮ ﻧﺤﻦ ﻧﺴﻴﻨﺎ… ﺍﻟﺨﻴﺮ ﺑﻴﻔﻮﺕ ﻟﻮ ﺍﺗﺮﺍﺧﻴﻨﺎ…
& سيناريو لجنة الإستئنافات فلم قديم من أيام الأبيض والأسود وهو ذات المخرج الذي تعمد موت البطل في بداية الفلم مما جعل جمهور التيرسو المطالبة بإرجاع قيمة التذكرة ومغادرة السينما.!!
& نفس الملامح والشبه بين قرار لجنة الأخلاقيات والاستئنافات فلم مدبلج وانتهى بالسعي لقتل البطل!!
& بطل فلمنا روحه طويله ولا يعرف التراخي والسكة التي طرقها وكتبت عليه لازم يمشيها بالرغم من طول المشوار والنفس الطويل يحقق المطلوب !!
& عزيزي الأستاذ اسامه عطا المنان قولي فيك وعنك مجروح والشهادة كنت لأنديتنا الرياضية جمل شيل لا تكل ولا تمل لكن الدنيا نسايا وأخلاقك وامانتك يشهد عليها الجميع!!
& الذين في نفوسهم المرض والغرض وعيونهم يغطيها الذي لا يبصرون وقلوبهم عماها الحقد والعياذ بالله !!!
& في العديد مما كتبناه قلنا حاجه ساميه قالت لأحدهم عامل فيها مثقف ويتحدث بلغة معاليه : ياولدي ما كل من مسك القلم متعلم وبيعرف يكتب ..
& تذكرت قول حاجه ساميه عندما طالعت مقالات البعض يهللون ويغنون لقرار لجنة الاستئنافات الأخير ناسين أنا قرارهم ليس بالنهائي ومن لوزان يأتي الخبر الأكيد !!
& بطلنا لن ولم يمت عروقه تنبض بالحياة مادام مراحل القاضي فاتحة أبوابها وكأس في الانتظار لتقول كلمتها الأخيرة لماذا الإستعجال بإقامة الأفراح؟
& السيد الدكتور السلطان مالو فرحان !!
& ياسلطان وين دعم إتحادات غرب كردفان؟ قالوا الجماعه عرفوا اللعبه وفرتكوها لمه. !!
سطرين سياسه. :
_____________
غايتو أظن بلدنا السودان راكبه شيطان يحتاج لجلسة قراءة المصحف الشريف من البقرة للإخلاص وفاتحة القراءن عشان الشيطان يطير من السياسه والكوره والسوق الجنن محمد أحمد…..
قد يعجبك أيضا
6 تعليقات
اترك رد
إلغاء الرد
هو في شيطان غيركم انتو يا اعلام المريخ… الإعلام السالب… معاداة… وكراهية… وتعصب أعمى… ومصالح خاصة… وفساد الله يحل البلد دي من امثالكم
برقو فرحان وشداد فرحان والوسط الرياضي كله فرحان، وأنا برضو فرحان بعد أن قتلت لجنة الإستئنافات آخر أمل لعشاق صاج اللقيمات، ورفضت إستئناف من حولوا أموال الفيفا لتطوير الرياضة في السودان لمصلحتهم الشخصية، ولا يغضب لرد لجنة الإستئنافات إلا من كان مستفيدا من صاج اللقيمات……
إنت يعني مستني جماعتك ديل يمشوا كاس ويقولوا أبعدونا عشان إتهمونا بلهط قروش الفيفا؟ ولو الفيفا قالت يعيدوا فتح التحقيق جماعتك ديل يقبلوا وين؟ ما ظنيت الجماعة عشان يلبوا رغبة الكاهن الأعظم أليخماو ( الخاسر الأكبر في اللعبة) في التشفي من بروف شداد ودكتور برقو، يورطوا نفسهم ويدخلوا نفسهم في فتيل…..
موووووت بي غيظك…. شداد رئيسا لإتحاد الكرة لأربع سنوات قادمة !!
والله إنت بي الجلابية و العمة بتاعتك دي … لو مشيت شوفتا ليك عقد و ألا بيت بكاء يكون أحسن .
عمودك ذاتو ..زي ونسة بيوت البكيات .
ما طلعنا منك بي حاجة ..غير التطبيل لاتحاد اللقيمات .
صدقني يا أستاذ خربانة في كل المرافق ، من يملك المال يستطيع أن يملك عقول كل الضعفاء ، رحم الله السودان وشرفاؤه الذين رحلوا عنا وتركزت لأمثال شداد والفرحان برقو
من حقه يفرح لأن البل امتد لللفلول والمطبلاتية وسنة أخرى بدون لقيمات وفساد
من حقه يفرح لأن البل امتد لللفلول والمطبلاتية وسنة أخرى بدون لقيمات وفساد