العشرة الاواخر

في السلك

بابكر سلك

* لعل جميعنا يسأل
* هل نجح الممتاز ام فشل
* ولعل بعضنا يرد بسرعة علي السؤال اعلاه انطلاقا من خصومته لشداد صاحب الفكرة ورائد التجربة
* بالطبع تكون اجابته بعيده جدا عن الموضوعيه
* فقط الشخصنه هي ما تدفعه للاجابه بفشل الدوري الممتاز
* وهناك ايضا فئة اصحاب الهوي الجامح
* اصلو البلد دي اتملت حيران لانو شيوخها كترو
* في اي مجال ظهر شيوخ وسعوا حيران سعاية الانعام
* يقودوهم احيانا بالعصا واحيانا بالفكة واحيانا بمجرد ابداء الرضي عنهم
* وزي ديل برضو بجاوبوا بي سرعة وبدون موضوعية ويعلنوا نجاح الممتاز
* الهوي الجامح مثل شخصنة الاختلاف الاتنين تقودان للطيش البين عند التقييم
* ناس الفئة الاولي يطلقون علي الدكتور كمال شداد لقب (المخرف ) دون ادني حياء او احترام
* ويتجاهلون ان البر هو احترام ذي شيبة مسلم لا التريقة علي ماقضاه من سنين مضنية في هذه الدنيا التي اضحت غريبة في كل شئ
* اما الفئة الاخري فتحب ان تنادي الدكتور كمال بلقب البروف (وهو فعلا كذلك )
* نال اللقب في زمن الدراسات العليا كانت دراسات وعليا جد جد
* واصحاب هذه الفئة يرون ان البروف دائما صاح
* متجاهلين ان البروف بشر وبالتالي تخضع آرائه وتصرفاته وافكاره للخطأ والصواب
* ولازال السؤال مطروحا ??
* هل نجح الممتاز ام فشل ????
* وهل ندية اندية الولايات لاندية القمة تدهور في المستوي الفني لاندية القمة ام تطور في المستوي الفني لاندية الولايات ???
* وهل ثورة الاستادات الولائية (قدر حالها ) كانت بسبب الممتاز ام بسبب آخر ???
* وهل بظروف البلد القاهرة الطاحنه الفظيعه وبعدم الدعم الحكومي المباشر للرياضة بل بالضرائب التي تؤخذ من دخل المباريات وبتكلفة كهرباء الملاعب (برغم السد والرد ) هل برغم كل ذلك كانت فكرة دوري يجمع انديته من ولايات البلد كلها مناسبه ????
* وماذا استفاد المنتخب من الممتاز وماذا خسره بسبب الممتاز ?
* وهل كان تأثير الممتاز علي المراحل السنية للاندية ايجابيا ام سلبيا ???
الامر يحتاج لورشة موضوعية للتقييم والدراسة بعيدا عن الشخصنة العدائية وبعيدا عن الردود الحيرانية
* ايها الناس
* دوري العشرة
* او العشرة الاواخر
* زي العشرة الاواخر في رمضان
* الزول بدخلهم والصيام دخل العضم
* لكن الثبات والجهاد يجعل لصاحبة العتق من نار الهبوط
* نار ياحبيبي نار
* لكن حتة العشرة الاواخر دي برضك محتاجه تقييم
* لانو ممكن فريق يهمل اي شئ في المرحلة الاولي
* ويجي في المرحلة التانية مرحلة العشرة ينال شكر حماد ويترك الاندية المجقلبة السنة كلها تعاني ويلات الهبوط
* الم يكن من المنطقي ان تدخل اندية العشرة الاواخر للمرحلة التانية من الدوري بنقاطها التي جمعتها من المرحلة الاولي ???
* المهم
* ماداير اتكلم عن كورتنا ضد جيش سوريا
* لانها لاتستحق الكلام مرتين
* مرة واحدة كتير عليها
* ايها الناس
* ان تنصروا الله ينصركم
* اها
* نجي لي شمارات والي الخرتوم
* كان شفت يا والينا
* الرغيفه بقت خفيفه ولفيفه وطوالي بره البيت يا والينا
* زمان بتبيت في البيت يا اخينا
* اسي بايته وين
* العارف يورينا
سلك كهربا
ننساك كيف والكلب قال الخفه واللفه ماحبابها… الله يستر عروضنا
والي لقاء
سلك