الغاني برايت ادجي يصل الخرطوم من أجل التعاقد مع الهلال

ياخوانا ياناس لجنة التسجيلات إتقوا الله فينا، الهلال محتاج لمدافع قبل المهاجم، حلوا لينا مشكلة المدافع بعد داك جيبوا نيمار والأخطر من نيمار زاتو ……!!
ياكردنة ياخي السماسرة والتماسيح اللافين حولك ديل أختاهم وشيل قريشاتك وشوف ليك وكيل لاعبين محترم بنفسك وخليهو يجيب ليك مدافع صخرة، السماسرة ديل الله لاعادهم عاوزين ياكلوا وماهماهم بحال الهلال سيد البلد، كان إتغلب ولا طار مافارقة معاهم ، فدحين كش الكرور وأرميهم الخور وماتبق زي الجماعة جيرانا ديك، كل يوم الأستاذ المرشدي والسماسرة وأسي كمان دخل معاهم غرزتة جايبين ليهم عنبولك جارنه للبتاع الطوالي عشان يشتريهو من قروش السودانيين المساكين وبعد داك حريقة تحرق السودانيين وسنينهم !!
الحمي ووجع المفاصل والمخروقة والضغط والسكري قامن علي أبو المستعار !!
لكمة أخيرة: إلا إنتوا بالمناسبة يامرخرخين، المهاجم الكنغولي أبو كرش بتاع الإتحاد السكندري أبو مليون يورو لسه باقين عليهو ولا غرزتة جايب مواسير من حتة تانية عشان يتسمسر فيهم؟ ههههههههههه