صحيفة كورة سودانية الإلكترونية

الفريق العاطل ..!!

24

في الصمت كلام
محمد عثمان بلل
الفريق العاطل ..!!

• يا ناس الجيش ما تفهمونا غلط.
• ما قصدي رتبة الفريق.
• عندنا فريق كورة عديل أصبح عاطل.
• في اجازة طويلة.
• بيات شتوي بس.
• تتذكروا الدب القطبي.
• الدب دا أغلب السنة ما بطلع من بيتو.
• عشان الجليد في المنطقة ديك أغلب شهور السنة بنزل.
• طوالي الناس قالوا الدب اغلب السنة في بيات شتوي.
• اها الوصيف أصبح في بيات شتوي.
• وعاطل كمان.
• خرج من تمهيدي كل البطولات.
• لو كان طلع من دور الـ8 يمكن يكون مقبول.
• بس دا طلع من بدري.
• قبل البطولات ما تبدأ كويس.
• متعودة دايما.
• عشان ما تتفاصحوا ساي.
• قلب الاسد الصومال تأهل للدور الثاني.
• الشبيبة جيبوتي مازال في المنافسة.
• طيب وين ناس مانديلا ودبي وسيكافا وووو ….!
• كلام ساي.
• لسان طويل بس.
• في نكتة كانت حايمة في الوسائط المختلفة.
• قالوا الوصيف يطلب اللعب في دوري السيدات .. عقب الخروج من كل البطولات.
• ضحكت من الأعماق.
• الليلة ما عايز أتكلم عن هزيمة الهلال في عطبرة.
• مش انا حُر.
• نكتب نقول شنو ؟
• الحال يُغني عن السؤال.
• بس يظل الهلال كبيرا.
• نحن الهلال بنريدو جد.

صمت اخير ..
• منكم لله.

قد يعجبك أيضا
اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبولقراءة المزيد