الفريق سر الختم رئيساً للاتحاد السوداني لكرة القدم

* ما تفرق يفوز “الفريق” بالتزكيه أو الإجماع السكوتى أو بمساعدة الحكم المتحيز(بفتح الحاء و الكاف، عشان ما تفهمونا غلط و تجيبوا لينا هوا ساكت!)!..بس حكاية “إستاد الخرطوم” دى الحقيقه غريبه، و ضحكتنى لمن دفقت القهوه!.. هم كلهم 95 نفر، “الإحتياطى المركزى” و ألأ “نادى الأقباط” مالو!!.. لكين الظاهر إصرار شديد على ربط “الحكايه” بالرياضه!
* المهم مبروك “الرياضه الجماهيريه” !..إن شا الله تتربى فى عز “الفريق و الدعم السريع”!
* ما أصله نحنا “العزله” بنعشقها و نفتش ليها ليل نهار..شرق غرب!..و “الخلآ عادتو قلت سعادتو”! .. و الحال أصله من بعضو!
* و “الكشه” جاتكم بقيادة “الفريق” ، يا غارزيتو و كوكى و سالمى و فوزى المرضى و بقية “المحليين”!..و يا كونلى و شيبولا و أوكرا و بقية المغتربين!….
* ده كله هين.. “الفريق” و جماعته تانى يسافروا وين؟!! و يا ربى “الجوهره الزرقاء” بكملوها و لا نقيف لحدى هنا!!..طيب “الأميره السمراء!”: نستقبلها ويييين؟؟ يا محمد عبدالماجد و يا دسوقى أخوانى،،

وداعاً ياظلام الهم……!!
مبروك لمجلس الإتحاد الجديد ونرجوا أن تكون أول مهامه هي مراجعة بطاقات المحترفين الأجانب بكل الأندية (خصوصاً ناس الطائر الأحمر) والعمل علي برمجة المؤجلات المؤجلة والتصدي لفوضي المرخرخين التي نشروها في إتحاد الكرة العام ولجانة المختلفة…….
أهم حاجة متابعة قضايا الفساد المالي لأعضاء الإتحاد الهالك والعمل علي إسترداد كل الأموال اللهطوها من قروش الفيفا ورعاية المباريات ودخل المباريات !!
لكمة أخيرة: نجاح الإتحاد الجديد يعتمد علي لجم كل الحشريين من الفريق داك وإعلامه التحريضي السالب، وأي زول يصرح تصريح ماياهو طوالي يوقفوهوا وأي صحفي (بتاع شتل) يكتب كلام ماياهو شكوي قضائية وحبس طوالي ومافي طريقة جودية، وأي لاعب بيقشط الحكم بونية ولا أي إداري بيمعط سلك عربية تلفزة أو أي محترف مجنس لاعب بجواز سفر ضارب طوالي تقوموا عليهم وتنفذوا فيهم القوانين بدون مجاملة، وبي كدة نضمن ليكم إنو الكورة السودانية ممكن تمشي لقدام وموقف فرقنا ومنتخباتنا حايتحسن كتير بس…………..مابضمن ليكم المرخرخين مايجعروا ههههههههههه