صحيفة كورة سودانية الإلكترونية

القمة في الجوهرة إفراط في الطيبة !!

29

 بالعربي الكسيح
محمد الطيب الأمين

* الطيبة الزايدة عندنا في السودان تسمى (عوارة) ..
* أو بالأصح كل شئ يفوت حده نطلق عليه إسم (العوارة) ..
* يقول ليك نزار حامد ده لعاااااب لمن عوير ..
* أو يقول ليك (البت دي حلوة لمن عويرة) ..
* ربط الناس العوارة بكل شئ يفوت حده ..
* ولعل الطيبة التي يتعامل بها مجلس الهلال قد فاتت حدها ويجوز لنا أن نقول: ( مجلس الهلال طيب لمن عوير) ..
* وطيبة المجلس ستفوت حدها إذا وافق المجلس على قيام مباراة القمة بالجوهرة ..
* إذا أقيمت القمة بالجوهرة سيكون المجلس قد وقع في تصنيف الطيبة الزايدة وهي طيبة غير محببة ..
* المريخ وبواسطة جمهوره ابتدر سوء السلوك وهو يقوم بتكسير كراسي المقبرة قبل أكثر من عشر سنوات ..
* وجماهير الهلال من جانبها ردت ما فعله جمهور المريخ ليتواصل بعد ذلك الرد من هنا وهناك حتى قرر المريخ لاحقاً عدم إستضافة أي مباراة قمة ..
* كل مباريات القمة المحدد لها إستاد المريخ نجح مجلسه في نقلها إلى ملعب إستاد الخرطوم حتى إننا لا نذكر آخر مرة لعب فيها الهلال داخل إستاد المدفور ..
* لا نذكر آخر مرة كانت متين ؟
* المريخ يهرب من إستاده بدواعي الصيانة بينما الحقيقة تقول أن المدفور يهرب من استاده بدواعي الخوف ..
* ناس المريخ من يوم الهلال غلبهم ومهند الطاهر طلع في العارضة ورفع العلم هم بقوا بهربوا من مقابلة الهلال باستادهم ..
* بقت عندهم عقدة من استادهم ..
* وهذا يدخل ضمن تفسير الخوف التاريخي الذي يشعر به المدفور كلما اقتربت مواعيد مباراته أمام الهلال ..
* خوف تاريخي تطور مع الأيام وأصبح مرض ..
* هسه مش مستوى الهلال كعب والجو مكهرب ؟ مع ذلك المريخ خايف من مباراة القمة ..
* ولو كانت هذه المباراة المنتظرة محدد لها استاد المريخ لنقلها مجلسهم إلى ملعب الخرطوم رغم تراجع مستوى الهلال ..
* ولذلك الحقيقة المثبتة أن الهلال يمكن أن يخاف من تريعة البجا ولكنه لا يخاف من المريخ ..
* مهما كان مستوانا ما بنخاف من مباراة القمة ودائماً بنستغل خوف المريخ مننا وبنلعب وبنغلب ..
* ولكن بما إنو هروب المدفور من استاده أصبح أقرب للحقارة فنحن نطالب بأن يتعامل الهلال بالمثل في مباراته القادمة ..
* الطيبة الزايدة ما حبابا ..
* يجب أن يقوم مجلس الهلال بنزع الكشافات اعتبارا من يوم الخميس لاغراض الصيانة على ان تنقل مباراة القمة الى استاد الخرطوم ..
* بتذكر السنة الفاتت المريخ لعب مع أهلي شندي يوم الأحد ومباراة القمة كانت بعد أربعة أيام من مباراة الأهلي شندي وكان محدد لها يوم الخميس بملعب المريخ ..
* المدفور بدون خجل لعب مع أهلي شندي وقفلوا الاستاد وقالوا عندنا صيانة ..
* الآن الهلال عندو صيانة ..
* كان للصيانة كلنا بنعرف نصين ..
* مطلوب من الكاردينال أن يصدر قراراً بإغلاق الجوهرة حفاظاً على ممتلكات الهلال ..
* أو يمكن للكاردينال أن يستعين بالرسائل الاسفيرية التي هدد فيها البعض من جمهور المريخ بتكسير كراسي الجوهرة ..
* الموضوع عايز شجاعة من الكاردينال ..
* عشان أهل المريخ يعرفوا إنو ما حلال عليهم وحرام علينا ..
* البخاف من استادو ما بيستاهل ندخلو استادنا ..
* نحن بنقول الكلام ده وثقتنا كبيرة في أن الهلال سيفوز علي المريخ أو ستنتهي المباراة بالتعادل ..
* مباريات القمة ما بتعترف بما قبلها ..
* والمدفور بخاف حتي من فنايل الهلال ..
* المهم ..
* تنتظر الهلال غداً مباراة مهمة وخطيرة أمام الخرطوم الوطني ..
* والهلال مطالب بأن ينتصر وبس ..
* انتصار بدون عرض ..
* لا نريد عرضاً راقياً لأن واقع الهلال يقول حتى لو كنا نريد عرضاً راقياً فذلك لن يتحقق قياسا بالحال الذي يعيشه فريق الكورة ..
* ننتظر النقاط حتى نمضي بقوة في إتجاه تحقيق اللقب ..
* الخرطوم الوطني في الغالب هو يلعب مباريات مفتوحة ..
* كما أن فريق الخرطوم لا يميل للعب العنيف ولذلك من أوجب الواجبات ان يلعب الهلال بصانع لاعب متخصص ..
* يكون أجمل إذا شارك الثعلب أساسياً حتى يتمكن من دعم المقدمة بالباصات المحسنة لحسم اللقاء مبكراً ..
* الثعلب في كل المباريات التي شارك فيها مؤخراً استطاع ان يترك بصمة ويساهم بشكل واضح في تسجيل الأهداف ..
* لن يكون هجوم الهلال قوياً إلا في وجود صانع ألعاب يحرر الفرص الخطيرة للهجوم ..
* محمد موسى لو ما لقى ليهو صانع لعب ح يقعد ينطط كده لما الكورة تنتهي والصادق شلش كذلك ..
* مشاركة صانع لعب متخصص ومنذ البداية مهمة جداً خاصة في ظل المردود الضعيف لطرفي الهلال كابو والسموأل ..
* لما تكون أطرافك ضعيفة لابد من تقوية الفريق بخط وسط حيوي ..
* وبصراحة الهلال فقد نزار حامد ..
* بمناسبة نزار ..
* نتمني ان يكون مجلس الهلال قد (انستر) مع نزار إبان فترة العملية ..
* مجلس الهلال دائماً يتعامل بسبهللية وتفوت عليه كثير من التفاصيل الصغيرة والمهمة ..
* لابد من الإهتمام بنزار حامد في هذه الفترة الصعبة التي يمر بها ولابد ان يتفقده مجلس الهلال بالسؤال والدعم المعنوي والمادي ..
* الحاجات الصغيرة دي تمثل أدباً من آداب الهلال ونتمنى أن لا يكون هذا الأدب قد اندثر مع مجموعة الاشياء السمحة التي اندثرت في عهد الكاردينال ..
* الهلال يحتاج لجمهوره أمام الخرطوم الوطني وأمام المدفور ..
* والجمهور لن يتأخر على الهلال مهما كانت الأسباب ..
* الجمهور عليه دعم الفريق والمجلس عليه نقل القمة لشيخ الاستادات ..
* و..و…
* وابقوا الصمود ..

حمل تطبيق كورة سودانية لتصفح أسرع وأسهل

 لزوارنا من السودان متجر موبايل1

http://www.1mobile.com/net.koorasudan.app-2451076.html

3,699 حملو التطبيق

لزوارنا من جميع انحاء العالم من متجر قوقل

https://play.google.com/store/apps/details?id=net.koorasudan.app

13230 حملو التطبيق

على متجر   mobogenie

 http://www.mobogenie.com/download-net.koorasudan.app-3573651.html

5000+ حملوا التطبيق

قد يعجبك أيضا
3 تعليقات
  1. اشرف محمد حسين احمد يقول

    انت بتكتب وبس ….وماعارف بتكتب شنو…انت مزكر اخر مره الهلال غلب فيهو المريخ متين….؟؟؟؟كده اتزكر وتعال اكتب…. ياعوير….

  2. Abojeddo يقول

    بالله عليكم الله شوفو العوير الاهبل دة؟؟ ما متذكر آخر مرة لعبتو فيها في الرد كاسل متين ؟؟؟هههههههههههههههههههههههههههههههههههههههههههههه
    السؤال الصعب : متى كان آخر فوز لجلفوط البلد على المريخ ؟؟؟ههههههههههههههههههههههههههههههههههههههههههههههه
    صعب شديد مش ؟؟ استعين بي قوقل ممكن يجاوب ليك …………وبرضو ح تتشا

  3. عمر علي يقول

    إنت قوللا ساي المريخ مولع نار ودايرين نغلب
    جوه إستادكم عشان نمسخ عليكم اي شي الدوري
    والملعب ولادايرين تمشو الخرطوم عشان ماتبقي ليكم
    حاره وميته وخراب استاد اقصد ميته وخراب إستاد
    والليله بتمشو وين ياود اللمين شخصيا متشوق اشوف
    البهدلة ونهاية الكورة جري علي قناة الكاردينال اشوف
    دموع الإستديو ياسلام متعه المتعه جهزوا الملعب
    ناس التش ديل فترو من حفر نيالا وكادقلي والفاشر وعطبره وشندي خليهم يضربو التحليه بمزاج .
    موعدنا السبت إن شاء الله والخراب الجد لو بقت القمه وديه اووووووووووووك ياوداللمين وقعت في الكمين.

اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبولقراءة المزيد