الله أراد
في السلك
بابكر سلك
الله أراد
*كتير من المريخاب أمس زعلوا
*لأنهم نظروا للنصف الفارغ من الكوب
*وكتيرون من الأهلة فرحوا لأنو الطشاش في بلد العمى شوف
*مجمل الأداء المريخي كان جيدا بدون ما ندخل في نقاشات جانبية تفصيلية على شاكلة الكورنر الأخيرة لو فلان نط كان علان دخلها
*لعبنا بشخصية تنم عن ثقة كنا نفتقدها بالذات أمام أهلي مصر
*إنها خطوة أولى نحو بناء الشخصية التي تفتقدها الأندية السودانية
*وبالتالي يفتقدها اللاعب
*فيشعر بدونية أمام الأندية الكبيرة واللاعبين المشهورين
*فيموت الطموح فيه
*شخصيا أرفع القبعات للجهاز الفني والإداري واللاعبين على ذلك الأداء الذي كان يشع ثقة بالنفس
*أيها الناس
*هدفان ملعوبان في شباك أحد أمهر حراس القارة والعالم شي ما شويه
*أخطاء صاحبت الأداء
*شي طبيعي الحدوث في فريق يعيد بناء نفسه وترميم طموحه
*ولسه نحن فيها
*إذا استطعنا نقل مباراة الأهلي القادمة خارج مصر
*إن شاء الله نجيبها أسوان
*ذلك النقل يساعدنا كثيرا في انتزاع تلات نقاط من الأهلي تقدمنا خطوة وتؤخرهم خطوة
*وإن كانوا لا ينافسون الهلال على المركز الأخير
*ولكن تلك النقاط تبعدهم عن مضمار منافستنا للترقي رفقة داونز
*وإذا نظرنا للقاء من زاوية التاريخ
*ومن زاوية الثقة بالنفس
*ومن زاوية الطموح
*ومن زاوية المظهر الفني
*نجدها تكاد تكون أجمل مباراة يؤديها المريخ ضد الأهلي بمصر
*هاردلك مجلس الإدارة الذي بذل
*هاردلك الجهاز الفني الذي اجتهد
*هاردلك اللاعبين الذين أخرجوا الكثير من الإيجابيات
*والقبعات نرفعها للشفوت الذين قدروا ما بُذل بالأمس.
*أيها الناس
*الله أراد
*ونسأله التوفيق
*فالجايات أكتر من الرايحات
*ونحن لسه فيها
*المهم
*الفرحانين لخسارتنا أمام أهلي القاهرة
*موقفهم شنو من تعادلهم أمام أهلي الخرطوم؟؟؟؟
*وقالوا اشتكوا كمان
*لا وإيه
*جمعية النظام الأساسي قالوا كانت بالكراسي
*اللهم حولينا وما علينا
*أما السماني
*فكان الشباك تقول له
*والفنا ماتخالفنا
*أيها الناس
*إن تنصروا الله ينصركم
*أها
*نجي لي شمارات والي الخرتوم
*والينا المكلف بينا
*صحي أسعار الحياة دايرين تزيدوها لينا؟؟؟؟
سلك كهربا
ننساك كيف والكلب قال ارفعوا سعر أي شي ومصيركم ترفعوا القبعات للشعب الفضل
وإلى لقاء
يا عمك تنقو ما شامي ريحة مطار قريب ده، غايتو نحنا شامين ريحة ما كويسة جاية علينا عما قريب وربنا يكضب الشينة !!
قلت لي الأهلي منافسكم على الصعود مع صنداونز 😆😆😆
عشان ما تزعل نسجل ليكم القونين في أفضل حارس في أفريقيا كبطولة ذيها وذي الجعرانية…
عمك تنقو بقي مسيكين، والصبي العجوز مستعارخي إختفي مرة واحدة 😝😝😝
المرخرخين عندهم خشم اتكلموا يلا سلك نشوفكم تاني لو جبتوا نقطة وتبقوا الطيش بطير وين
قال عمك تنقو حولينا وما علينا يا عمنا انتو العليكم ما ناقص احسن تمسح صلعتك بزيت سمسم و تنوم و خلي الكلب يحرسك من الهلاويس انتو العليكم ما مر يوم بخيال بشر
لا تلوم الهلالاب اللي فرحوا على خسارة المريخ لان اعلام المريخ السالب سعى لاستغلال اى كبوة يتعرض لها للهلال للنيل والسخرية منه. شخصيا لم الفرح لهزيمة المريخ ولو صبر المريخاب – ولا اعتقد بأنهم سيصبروا – وعملوا على ترميم الفريق ومعالجة جوانب النقص الواضحة سيكون للمريخ شأن السنة المقبلة لكن هذا لن يحدث. بمجرد انتهاء مباريات هذه المجموعة سوف تتم اقالة الجهاز الفني وطرد كلارك وتبدأ حملة التريقة اياها الهلال الطيش ولا المريخ الطيش.
هذه بضاعتكم ردت اليكم يا عمك تنقو والجقلبة مافي ليها داعي. الهلال لعب مباراة هائلة امام صندواونز وظلم في جنوب افريقيا. هل قلت الحقيقة؟ هل قلت ان التحكيم ظلم الهلال؟ وفي مباراة الاهلي المصري ظلم الكاف كالعادة الهلال ظلم الحسن والحسين وسيظلمه ايضا في مباراته القادمة امام المريخ في السودان فهل تحدثت عن ظلم الكاف واستهدافه للهلال – كفريق سوداني قبل كل شىء – لا لم تفعل. لذلك تبكي بس. قطرة عين وقطرة مس.
الموضوع كل يا استاذ سلك الهليل والمريخ سوف يتنافسون فى مين يكون الطبش