الما بعرفك يجهلك !!
لهيب النار
هاشم الطيب
الما بعرفك يجهلك !!
مثل سوداني أصيل يشير الي الزول مهما علت قيمته وانت لم يحدث أن أتاحت لك الظروف للإلتقاءه به أو التعامل معه قطع شك سيكون تعاملك معه أي كلام !!
# سبب الكلام ده شنو ؟ # أقول ليكم ..
# ما تستعجلوا التزموا الصبر ..
# اليومين ده في حركه بين التنظيمات السياسة بغرض تقسيم الكيكة !! # بسم الله كيكة شنو أقصد الوزارات ..
# كل حزب عاوز يأخد الوزارات التناسب حجمه ووضعه ..
# واحدين عاوزين وزارات المال والإقتصاد الزراعه والماليه والبتروليه و.. و.. و !!
# لكن هنالك واحدين راقدين فوق فهم وهؤلاء الذين يهمونا في الأمر ومن أجلهم مسكت ( الكي بورد) وقعدت أكتب !!
# وزارة الشباب والرياضه وزاره في نظر الكثير من الأحزاب والتنظيمات وزارة هامشيه ووزارة تأخذ ولا تعطي زي حوض الرمله يمص المويه مص ولا عائد منه !!
# و.. هناك وزارات تشابه هل فيكم من سمع تقاتل الاحزاب على وزارة الصحة أو التعليم أو الثقافة والإعلام ؟
# وزارة الشباب والرياضة ناس ( قحت) قالوا هذه لنا لذلك رشحوا وزيرهم أو وزيرتهم !!
# من هما المرشحون.؟ # المرشح الأول هو الأستاذ محمد ضياء الدين وللتوضيح هو السكرتير الدائم للإتحاد كرة السلة وفي عهده الطويل هو الناهي والآمر جني تلاشت السله َأصبحت من الذكريات القديمة !!
# ويغني عشاقها أغنية ميرغني المأمون وأحمد حسن جمعه جدودنا كانوا زَمان الأيسر ورشاد جلدقون !
# ألا زلتم أن يأتي وزيرا للرياضه ؟ # أتطلبون الزياده للتأكيد ؟
# أليس هو نفس محمد ضياء الذي أوليتموه أمر شركة مواصلات العاصمة ؟؟
# بلي هو بعينه !
# أين هذه الشركة بعد مضى أقل َو عام ومديرها العام الاستاذ محمد ضياء الدين ؟؟!!
# لا تتعجبون تم الإعلان عنها بخروجه من الخدمه أي ماتت ولا باكيا عليها !! # هل لازلتم تصرون أن تلحقوا وزارة الشباب والرياضة بأمان طه . أقصد أمات منشط السله وشركة مواصلات العام !؟
# تعالوا نرجع للمرشحة الثانيه لهذه الوزارة الهاشمية التي تعتبر في عرف السياسيين خلقت فقط للترضيات والموازنات والمرشحة هذه المرة هي الاستاذه هنادي الصديق الاعلامية الرياضية المشهورة جدا رئيسة إتحاد كرة الريشه .. وعضو المكتب التنفيذي للجنة الأولمبية السودانية التي تم إيقافه بأمر الجمعية العمومية لمدة خمس سنوات من مزاولة العمل الأولمبي !! # في شنو؟ وعملت شنو ؟
# أقول ليكم والكلام كلام جمعيه عموميه ما كلامي أنا وفي حد بيعرف أكتر من الجمعيه العمومي !!
# هنادي وقفوها خمس سنوات لأنها خرقت أي والله قالوا خرقت الميثاق الأولمبي بس.!! # أها تاني تقولوا لي الما بعرفك يجهلك .. أللهم إني قد بلغت وتاني الكلام عندكم ..
# الأمل كما توقعت وكتبت بأن القصة إنتهت مَن إستاد الهلال وفي ناس غالطوا وكمان شتموا وواقع الحال والمشاهده يؤكد نهاية القصة لكن المكابر يعملوا معاها شنو؟ وخرج ولحق أخوه هلال البلدي.!.!
# و… الهلال الكورونا سترت الحال ريحتنا وتنهد الهلالاب وملأ الهواء العليل الصدور في هذا الزمان الذي فرضت فيه الكوفيد ١٩ سيطرتها لا بيعرف صليح ولا حتى الضيوف !! # طيب سواق الطياره والبنات المضيفات وناس مطار الخرطوم وحتى الفندق وسواق البص والغربه الإداري عملوا ليهم شنوا ؟ يعني كورونا تمشي على قدميها في شوارع الخرطوم !! # المريخ حسم الحكايه من أم درمان وسافر أبوجا وفي بطنه بطيخ شتوي وحقق المأمول ولا خوف عليه ولا يحزنون درب المجموعات عديل يا الأحمر الوهاج انشاء الله تتوهج قدام ..
بعيد من حلتنا ::
===========
وقعت حادثة في دوري الأبطال الأفريقي بالإعتداء على حكم مباراة ملودية الجزائري والصفاقسي التونسي الجامبي بكاري جاسما من قبل لاعبي ملوديه لإحتسابه ركلة جزاء لمصلحة التوانسه في الشوط الأول.. نقول الحمد لله يا خبير عامر بعيد من حلتنا أقصد من حكامنا !!