المريخ..المتشرد الاحمر
عن كثب
ادراك عبدالرحمن
المريخ..المتشرد الاحمر
المتشرد شخصية غامضة فى كتب الالغاز المغامرون الخمسه وابطالها تختخ،محب،عاطف، نو سه ،ولوزه والتى كنا نقراؤها بشغف للكاتب الفذ محمود سالم رحمه الله والذى توفى فى 2013وهو ايضا مؤلف مجموعة الشياطين ال13كنا مولعين حقيقة بقراءة الالغاز والمفتش سامى اضافة الى مجلات سوبرمان والوطواط وبونانزا مترجمة من بيروت لبنان..شخصية المتشرد كانت دائما تعطيك الاحساس بالجريمه والغموض فالمتشرد عرضة للمجرمين وغالبا مايكون سهل الانقياد..لان لمن لا دار له لاقرار له..اهلنا هكذابقولون عندما يكون لديك دار فلديك القرار ..وجعان او عريان ما زول بيك. دريان لانك فى بيتك..المريخ عمدة الاندية بلا كافى له ولا مأوى نعم هناك صراع غريب فى ادارة النادى ولكن من العار الا يكون له استاد سبحان الله مغير الاحوال من القلعة الحمراء الى القرعة الحمراء اصبح النادى الاحمر متشرد تارة يقرر اللعب بالسلام وتارة بالهلال ..لا وتارة يقرر اللعب فى جنوب افريقيا..قررات غريبة يامعشر المريخاب نحن بنى الازرق نعم نداده مطلقه ولكن الوطن يجمعنا توقعت ان يلعب المريخ كل مبارياته بالهلال …اكرر بالهلال وكفى..ويدفع كل التكاليف من ايجار وتأمين ووو خلافه..وهذا ليس بعيب المريخ لم يبخل باستاده لاحد وبدلا من التشرد وعناء السفر عليه ان يركز على امدرمان من العرضه الى العرضه..راحة من وعثاء السفر واستقرار اللعيبه وايضا فنيا سيلعب باطمئنان داخل الارض وبعيدا عن هواجس كرونا..
خسارة الهلال خارج الارض بهدف لم ترض طموح الاهله ورغم نقض الهدف القاتل الا ان الهلال يفتقد لاستراجية التهديف ..اذلاوجود لعرضيات قاتله ولا تصويب من خارج الخط شح فى التوغل والتواجد بكثافة داخل محور الخصم والصندوق ولكن الحق يقال الازرق يتقدم بخطى ثابته نحو الافضل صن داونز فيما عدا قبول هدية بوغبا لم يقدم شئ يذكر…الدفاع به ربكه قليله ويجب التركيز جيدا فى حالة التمرير للحارس او للخلف فاللعب بعيدا بالاطراف أأمن..ويمكن الانتصار على داونز بوافر من الاهداف فى الاياب ان شاء الله.
ارسل الاهلى انذارا قويا للمجموعة وذلك بهزيمته للهلال السعودى باربعة اهداف فى بطولة القارات ..احتكاك الاهلى باندية عالميه يسهل مهمته فى التأهل فهل تستطيع اندية القمة ايقاف شيخ الاندية الوعر وترويضه كما فعل الهلال فى موقعة المقبرة المشهورة ..وايضا تعادل بصعوبة مع المريخ فىالعام الماضى وليس ببعيد.. فى اخر دقيقة.. لا مستحيل تحت الشمس ..
نادى الهلال فى استقرار تام..فقط المريخ يشوبه الزهزه والمزازه الادارية لااقصد خشم الموس سودكال وحازم بل مجلس الاستاذ حازم يجب ان يكون حاسم الى تنتهى المنافسة..يجب تأجيل جميع لصراعات سواء مع الاتحاد او الهلال او الوزارة..استقرار الازرق سيقوده باذن الله للتأهل وكرة القدم لاتعرف الصعاب واذا انكربنا الاهلى بغادر باوسع الابواب…نتمنى ذلك،،وبالتوفيق للجميع.
بدور ببكى
البطولة الافريقيه بدون فار ..وحقيقة القصة ما فى الفار القصة حكامنا الافارقه..
الحكم شاف فى الفار بنلتى واااضحة وعاداللقطه..وعمل مربع فى الهواء
وجيييت صفر ضربه حره ..المشكله الحكام بتاعين افريقيا لو طارت غنمايه ..
ولو كان فى فار وشافها من جميع الزوايا ما كان حسب قون الهلال..الحل تجيب حكام لو طارت غنمايه..ايوا معامله بالمثل..طفح الكيل..
بكلوووووووييسسسسس
احضر احضر
شبيك لبيك مولاى
وين يازول كنت؟!!
مشغل الطرشه لى ناس المريخ ..زى ماشايف متشردين وخلافات والسايقه منوماتعرف!
المريخ ده مايخت كرعينو الا نحن نتأهل خليهم يتشاكلوا فى التوانى
امرك مولاى موووووهاااااااا ههههههاااااا الى استاد الهلال مووووهاهاها ..وداعا ايها المارد اقصد المتشرد الاحمر مووووووهاهاهاها
تحياتى
مدينة قينت..بلجيكا
اعلام الفول للضجيج العالي كدي هسي مقالك دا بصحن كامل ولا نص صحن عشان نقدر نجاوب عليك و نديك من المنقي خيار
شر البلية ما يضحك يامستعارخي. الزول ده بيكتب من بلجيكا وما محتاج لي فول ولا سنكيت وهي مصطلحات الكاهن الاعظم. الفول والسنكيت احتفظوا بيهم لشيخكم اليخماو وبقية الكهنة ياببغاوات😹😹😹.
غريبة كاتب هلالي يبدأ مقاله بالمريخ ويضع ناديه سندوتش في النص ويختم بالمريخ
يا اخوي البركة في قريشات السعودية الخلتك تصين الاستاد.
ثانيا خليك في ورقك قال بلجيكا قال سلم لي على كلوب بروج
العب هنا العب هناك شوف شغلتك اقصد بلجيكتك وتاني تك تك مش قلتا غنماية في مقاللك
اكتبو كلام محترم عشان الناس تقرأ وتستفيد
لكن كما قيل فاقد الشئ لا يعطيه وكل اناء بما فيه ينضح