المريخ يبدأ خطوات نقل مباراة القمة لإستاد الخرطوم ويواصل تحضيراته على الملعب العتيق

علي إدارة الهلال أن تصدر قراراً تاريخياً بمنع المرخرخ من اللعب في الجوهرة الزرقاء إبتداءاً من مباريات الدوري الممتاز هذا الموسم، ولازم يوروهم العين الحمراء عشان تاني مايقلوا ادبهم ويتطاولوا علي سيدهم الهلال !!
وهمة إنو النجيلة في الإستاد غير جيدة دي مامراقة ليكم، لعبتوا فيها مباراة الموزمبيقي ليه طيب؟ وقبل مباراة الموزمبيقي كان عندكم حوالي 3 أسابيع ومباريات دوري المجموعات متوقفة بسبب مباراة المنتخبات، ليه مامشيتوا صلحتوا النجيلة في الفترة دي؟ ولا خايفين الجماهير تكسر ليكم الحفرة في بعد ما تاخدوا الثلاثة حبات؟ بس النصيحة الهزيمة جوة الدار في الحفرة حاااااااااااااارة ونحنا متعودين نضربكم جوة إستادكم !
الظاهر إنو ناس المرخرخ عاوزين يلعبوا علي حكاية النجيل الصناعي ، والعورة ماعارفين إنو النجيلة الصناعية حايكون تأثيرها أكبر علي عواجيزهم المواسير، ولو كانوا مفتكرين إنو صدفة كاس صندوق دعم الطلاب ممكن تظبط تاني فمعناتها راحوا فيها، وإستاد الخرطوم شهد ضربة الهلال لفريق مازيمبي لمن كان بتلتل ، والهلال أفريقياً غير !!
لكمة أخيرة: بس يتخيل لي إنو الفكي بتاعهم لسه ممسكهم في حكاية إستاد الخرطوم دي ههههههههههه