المريخ يتراجع عن تمديد معسكر تركيا ويغادر للدوحة في الثاني والعشرين من ديسمبر الحالي

الجماعة عرفوا غلطتهم من البداية من أول يوم وصلوا فيهو محل البرد اللافح، بس ماعاوزين يعترفوا بغلطهم ويضحكوا الهلالاب فيهم كعوايدهم، ونحنا إتوقعنا إنو يتراجعوا عن المعسكر بتاع تركيا، بس كانوا بيفتشوا ليهم في مراقة، عشان كدة دفروا كل الإعلام السالب وحركوا قواه بكامل عتادها في الأيام الماضية للكتابة والمطالبة بعدم إفساد العلاقة مع رابطة المرخرخ في قطر، حتي إذا ماتم الأمر خرج علينا البتاع الطوالي بخبر يفيد بأن اللجنة استجابة لدعوات الجميع وإكراماً لرابطة المرخرخ في قطر قررت أن تكتفي بالفترة المنقضية في تركيا والتوجه لقطر، وليس صحيحاً أن البرد أثر علي العواجيز والمواسير الغليدة في المعسكر كما أشيع !! وبكرة تشوفوا بعيونكم وتسمعوا بإضنينكم ههههههههههههه
لكمة أخيرة: الزول الإتسمسر في المعسكر وضرب ال 70 ألف دولار وصل لي مراده وشال قريشاته وبقي مارق، وبكرة كل الجماعة يطلعوا علينا بإنو سبب رخرخة المرخرخ هو المعسكر المشلهت بين تركيا وقطر زي الشلهتة بتاعة الإنقطاعة بين أثيوبيا والأمارات السنة الفاتت هو سبب هزائم المرخرخ بالخمسات والسبعات وطيرانه من تمهيدي التمهيدي في الأبطال الأفريقية، والطيران أمام بطل جيبوتي في البطولة العربية هههههههههههههههههه

ليه شحنة البططاين اتأخرت ولا شنو ؟؟؟؟ سنة يا الصقط !!!!