المريخ يستدعي شيبوب للاعداد

دا أقنعو منو خلاص لاعب قرر بمحض إرادته وبكامل قواه العقلية والذهنية والبدنية ترككم وولى وجهه شطر الهلال العظيم….قال ما عايزكم عديل كدا لأن الفقر و المسغبة والفلس قد ضربت أطنابها بكل أوجه البيت الأحمر…القضية يا عبد التام ما عادت قضية ولاء وحب للشعار بقدر ماهى قضية تحسين وضع مادى وتأمين مستقبل له ولأفراد أسرته ونحن فى زمن الإحتراف ألم تكتبو كذلك يا مزمل عندما اختطف (سى عزو) بكرى المدينة ولا نسيت …شيبوب وبكرى ناس قروش ماناس ولاء للشعار ولا حاجة شعار شنو البنفع فى البرد القارس دا….أبو كسكتة زول قروش وعبدالتام زول كلام عشان كدا شيبوب أتخارج هههههه (رأيت الناس قد ذهبوا الى من عنده الذهب ومن لا عنده ذهب فعنه الناس قد ذهبوا) وفى رواية أخرى (رأيت الناس قد مالوا الى من عنده المال ومن لا عنده مال فعنه الناس قد مالوا )…..ما عندكم يا مزمز وشيبة وكابو وسلك وكمان عبد التام غير تجهزوا ملفاتكم وتمشو تشتكو ,,,, عندكم من أسامة عطا المنان مروراً بسمير فضل وحتى بلاتر فى محبسة أقصد لوزان…أركبو أعلى خيلكم…شيبون دا تانى تشمو قدحة (إذا هبت رياحك فاغتنمها فإن لكل عاصفة سكون) ونحن يا مزمز فى البيت الأزرق نغتنم هبوب رياح شيبوب ولن نترك لكم غير الندم والحسرة والنواح والردحى ولطم الخدود وشق الجيوب.