صحيفة كورة سودانية الإلكترونية

المريخ يسلم الاتحاد خطاب معاقبة سالمون وتراوري

24

سلم مجلس المريخ الاتحاد العام قرار مجلس الادارة أمس الأول بمعاقبة الثنائي المحترف جايسون سالمون ومحمد تراوري حيث طالب المريخ في خطابه الاتحاد العام بتوقيع أقسى العقوبات في حق الثنائي مع المطالبة برد الأموال التي حصلوا عليها من النادي؛ بسبب تغيبهما عن تدريبات الفريق، قرابة شهرين وفصل المريخ في الخطاب، مبررات إيقاف نشاط اللاعبين النيجيري والمالي، إلى جانب مطالبته برد الأموال التي حصلوا عليها، جراء تغييبهما عن أي نشاط للفريق منذ نهاية الدور الأول، من الموسم الماضي وكان نادي المريخ، حاول مرارًا إعادة اللاعبين من بلديهما لأجل معاودة نشاطهما مع الفريق، لكنهما رفضا، وأكد وكيل اللاعب النيجيري سالمون جابسون، أن اللاعب يطلب الحصول على باقي مستحقاته لدى المريخ.

قد يعجبك أيضا
4 تعليقات
  1. امين دياب محمد يقول

    دي بالغتو فيها عديييل
    ناس مطالبين بي قروشهم
    لا من ابو روف ولا من حي المساااالمه

    لعيبه محترفيين
    يعني مهنتهم لعب الكوووره
    لو ما دفعتو ليهم بلعبو ليكم كبف يعني
    ديل مابهمهم شعاااار
    بهمهم دولاااااااار
    قال ايه تم ابقافهم وتشديد العقوبه عليهم
    انتو من ناس تشديد العقوبه
    شفتو البرير عمل لي تراوري شنو
    فكاهو عكس الهواااا
    نسلفكم البرير لمدة شهر
    التسوي كربت تلقاههو في جلدها
    دي نتبجة تسجيل بواقي الهلال
    خمو
    وصرووووووو

    شددوووو العقوبه شديييييييييييد

  2. Hajjam يقول

    ههههههه هاااااااا…..وصيفنا حار بيهو الدليل…..عفيت منك ياترتوري…..مرمط الدلاقين فهم اهل لذلك………….

  3. salah يقول

    الني للنار، وإنتوا مابتقدروا تعملوا ليهم أي حاجة !!! ماتغشوا جماهيركم المسكينة وتخدروها في الفاضي ساي ، كلام تطالبوا الإتحاد بتوقيع أقسي العقوبات عليهم ده كلام عائم ساي، إنتوا موقفكم شنو؟ شطب وإسترداد قروشكم ولا إيقاف من مزاولة النشاط ولا الإتنين معاً ؟
    بالمناسبة، إنتوا أديتوهم قروشهم عشان تستردوها؟ هههههههههههههه

  4. ابو محمد يقول

    تراوري من زمن يستحق العقاب بس انتو دلعتوه كتير … سالمون عايزينو يلعب ليكم مجان .. دا أكل عيشو .. استحو

اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبولقراءة المزيد