صحيفة كورة سودانية الإلكترونية

المزعلكم أكتر شنو .. صورة (هتلر) .. ولا الصاروخ المدمر

26

في الصمت كلام
محمد عثمان بلل
المزعلكم أكتر شنو .. صورة (هتلر) .. ولا الصاروخ المدمر

• معقولة ضربة القمة الزمان ديك لسه مؤثرة في العرضة جنوب الشقيقة .. دا ما كان صاروخ دا .. ليه كدا بس يا السمؤال تخلي الناس ديل لحدي يوم الليله يهضربوا كدا .. يااااخ حتي لو في منطقة ضربوها بصاروخ عديل كدا .. مش بحصل دمار وخسائر في الأرواح والممتلكات .. شفتوا ديل كان نسوا الموضوع وواصلوا حياتهم عادي .. لكن جماعتنا الطيبين ديل لسه الموضوع مؤثر معاهم بشدة .. (شدة وتفوق) ..
• ولا يمكن زعلانين من موضوع عمنا (هتلر) .. (هتلر سبب أذاي) .. الظريفين ديل قالوا الفيفا رسلت خطاب .. (حباب الفيفا والله) قالت لي ناس الإتحاد العام وتحديدا للبروفسير كمال شداد الرجل القوي والحازم أعملوا تحقيق عاجل في صورة (هتلر) دي والجابها دا داخل الإستاد أصلو ما تخلوه (والله دا وقعتوا سوداء عديل كدا) .. يا ربي ح يجي الإنتربول يستلموا ولا شنو .. ولا ح يمكن (الفيفا) عندو قوات خاصة تجي تسوق الناس دي ..
• بس كل الحكاية عايزين نعرف إنتوا المزعلكم أكتر شنو صورة عمنا (هتلر) .. ولا هدف السمؤال الذي لا يصد ولا يرد) .. وممكن ترسلوا الإجابات على العنوان التالي: .. (صاروخ السمؤال .. ولمسة شيبولا السحرية .. خلت الجماعة لافين صينية) دوت كوم.
• تبكوا بس.
• الهلال موجود أقنعوا من البطولات.
• عليكم الله لمن تلقوا خطاب (الفيفا) رسلوا لينا منو صورة.
• الهلال وبس.
(صمت اخير) ..
• المزعلكم أكتر شنو .. صورة (هتلر) .. ولا الصاروخ المدمر.

 

 

 

 

حمل تطبيق كورة سودانية لتصفح أسرع وأسهل

 

لزوارنا من السودان متجر موبايل1

            

http://www.1mobile.com/net.koorasudan.app-2451076.html

3,699 حملو التطبيق

 

لزوارنا من جميع انحاء العالم من متجر قوقل

 

https://play.google.com/store/apps/details

 

13230 حملو التطبيق

 

على متجر mobogenie

 

http://www.mobogenie.com/download-net.koorasudan.app-357365

5000+ حملوا التطبيق

 

 

 

 

 

قد يعجبك أيضا
5 تعليقات
  1. الكوز يقول

    المزعلنا أكتر هو الجقلبة والرعب العايشنها انتم ماتستاهلوها يا الحبايب
    انتظاركم لمعرفة حجم العاصفة (الفيفية)المدمّرة هو كالموت الممرحل

  2. رضوان يقول

    زمانه أقرأ مقال حسن فاروق عشان تعرف الفيفا رسل خطاب ولا ما رسل

  3. صهيب يقول

    الغريبة كمان ناس الصدى و ناشرها مركزين شديد في الموضوع ده, تذكرت أيام ذهاب ناشر الصدى لمتابعة شكوى كانو النيجيري ضد الهلال و الذي فضحه شطة على الهواء مباشرة , نتساءل نحن أيضا المزعلهم شنو؟

  4. العبد لله يقول

    المزعلنا انت بقيت صحفى كيف ؟ الموضوع ممنوع الاستفزازات العنصرية والهمجية فى الملاعب كان من المفترض تقوم بدورك الصحفى فى تثقيف جمهورك وليس اثارة العنصرية ثانيا الموضوع بخص المريخ وانت اصلا لاعب مع فريق اسرئيلى ؟

  5. عمر علي يقول

    الزول ده اكاد اجزم انو عوير .
    اولا قلناها لكم سابقا وقالها الكثير من المريخاب فوز الهلال مستحق ومافيهو شق ولاطق وهدف السمؤال جميل والمريخ لم يقدم شي في هذه المباراة نهائ.
    وده ماموضوع النقاش بس حبينا ندي الناس حقها
    بس كل العقلاء يعرفون لوائح الفيفا تجاه الشعارات
    واللافتات السياسيه ودونك يالجاهل لاعبكم مدثر كاريكا
    عندما رفع فانلته تضامنا مع الحبيبه فلسطين الكاف عاقبه
    بالإيقاف علي طول وكذلك ابوتريكه عندما كتب علي فنلته الداخليه تضامنا مع عزة عوقب فما بالك بهتلر والهولوكوست او المحرقه والتي باعتراف الاروبيون انفسم إنها من اكبر
    الكوارث عندهم .بعدين فتح تحقيق معناها تقصي
    الحقائق ومراجعة فديو المباراة وليس البحث عن المشجعين لان العقوبة ستطال النادي وليس الجمهور .ولا إنت مفتكر الفيفا حاترسل 999 لجمهور الهلال .
    وبغض النظر عن نتيجة المباراة حتي لو خسرها الهلال مثل هذه الافعال ممنوعة من كونغرس الرياضه وبلاش
    جهل منك .
    بالجد إنتو بتكتو ساي  

اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبولقراءة المزيد