*ملاحظ في قروبات الزعيم استنكار شديد لاعارة النعسان
*واذا لاحظنا شوية وبدقة بنجد معظم المستنكرين هم الذين استنكروا مرارا وتكرارا وجود النعسان في كشف المريخ ناهيك عن وجوده في التشكيلة
*ومن هنا يتضح لنا ان استنكار الاعارة كان لشئ في نفس يعقوب
*يعقوب جننا جن
*ونلاحظ ان البعض قد استنكر اعلان المجلس لاعارة هي في حقيقتها شطب
*واسأل اصحاب هذا الاستنكار الاخير
*لاقاكم زول جا السعودية معار؟؟؟
*السعودية مافيها اعارة
*والسعودية مافيها جنسية
*فيها تابعية لآل سعود
*والاعارة هي تابعية اللاعب للنادي المعير
*عشان كده مادايرين اعارة ولا تابعية الا لآل سعود
*ونلاحظ وجود توضيح في تلك القروبات من مدثر خيري حول شأن اعارة وشطب النعسان
*موضوعيا الكلام المنسوب لمدثر منطقي
*عشان اللاعب يمشي السعودية لازم يخلي طرفو من المريخ
*وعشان المريخ يضمن عودة اللاعب وقع معاهو عقد لسنتين تبدا بعد ستة اشهر
*هذا العقد صحيح ويوافق لوائح وقوانين الفيفا
*يبقي الشطب لما نختوا مع العقد الجديد بنطلع باعارة رغما عن انف لوائح السعودية
*ضف الي ذلك ان السنتين عمر العقد الجديد اطول من الفترة المتبقية في عقد النعسان القديم
*وازيدكم من الشعر بيت
*فيهن سنة بدون مقدم عقد
*سؤال لأل يعقوب
*بربكم هذه الصفقة مفيدة ام مضرة للمريخ؟؟؟
*ايها الناس
*ما كان لمدثر خيري ان يشرح ذلك الامر في القروبات
*فلقد تعلمنا ان الادارات ليست ملزمة بتوضيح جميع اعمالها بهذه الشفافية المطلقة
*كان علي مدثر ان يكون رده مقتضب ودبلوماسي
*مثلا يقول
*النعسان لاعب المريخ وسيعود في شهر كذا
*كده كفاية بدون تفاصيل
*ايها الناس
*ريشموند كيف؟؟؟؟
*ده حالتو بدون كفيل
*المهم
*الناس مشغولين بالاعداد للدورة التانية
*ومهمومين بنجاح الجدد وانصهارهم
*والنعسانية يتجادلون
*اعارة شطب
*شطب اعارة
*الناس في شنو والنعسانية في شنوووووو
*بالغت يا يعقوب
*لكن في معلومة
*اعارة الاجنبي للاندية السعودية ممكن
*بس اعارة لاعب من مواليد السعودية لنادي سعودي (ماممجن)
*والنعسان من مواليد السعودية
*لا اتولد في القولد ولا في امدرمان ولا في المسعودية
*كده اظن وقعت
*المهم
*الليلة العصر الصفر مخندق في موزمبيق
*فاذا نجحت خطة النقر ستنتهي المباراة تعادل
*ويقعدوا يبكوا الاتنين
*الدرون بطيرهم
*وعلي الرغم من وجود كردنة بموزمبيق
*الا ان الزمن الظاهر لم يسعف رجل البر والاحسان لانشاء مستشفي الولادة بموزمبيق
*غايتو كان اتوفق الا يخلي القروش مع سادومبا
*ومرض ام سادومبا ماسك لعيبة الهلال كلهم
*دي محنة شنو يا اخواني
*ولكني اتخيل نجاح كبير للدمازين
*الزول ده حايزيد اهدافو الافريقية الليلة
*ايها الناس
*ريشموند كيف؟؟؟
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*رغيفكم ان وجد لدينا
*لو جينا نحشي العيشة يا والينا
*الا يحشيها دكتور الاسنان الحشي ضرسا لينا
سلك كهربا
ننساك كيف والكلب قال زيفة مابتشبه الرغيفه
والي لقاء
سلك