صحيفة كورة سودانية الإلكترونية

النملة طلع ليها سنان

26

عن كثب

ادراك عبدالرحمن

جمعة مباركة

من سخرية القدر ان بنى الاحمر حالما شعروا بقليل من العافية اصبحوا يتلسنون على الاسياد وانسحابهم الجبان ليس ببعيد اغترو بوجود طيرى واسامة داؤؤد وبعض العناصر المحترفه الى نخبتهم ونسوا ان كوكبة الوطنى جندلها الازرق الوهاج العام الماضى بهدف بويا القاتل.. يعنى المريخ يساوى الوطنى والوطنى هو المريخ الفرق بس  نجمة فى الفنيلةومحمد ادم والتش  وبكرى والزجاجى ياهم الكشحهم شيبولا وبعدها كسير الكراسى اشتغل ..الهلال اتحدى المريخ وطبعا مريخ زمان كان بيجى مارق لانو هلال مريخ دى حساباتها براها ..المريخ زكرنى لمن الواحد يتشاكل مع زولا ماكن وفقروا مطوطة بحاول رغم عدم تكافؤ القدرات يثبت انو شجاع  ويقول للحجاز فكنى اكسروا ادشدشدو طبعا المهم ابدى شوية شجاعة وعارف لو الحجاز فكاهو ببكسوو بكسرو…لمن قرار الدواعى الامنية طلع قرارها ..قطمو سكتو ولا حتى قالوا لا..لا.. لازم نلعب ..ونتحدى..سكتوا ياعمك..رحم الله امرئ عرف قدر نفسه …اى زى زولا جارنا الراجل واقف لى بى عكاز مضبب ويكورك ليهو لو انت راجل ابقى مارق ..ماتبقى وليه..فكورك ليهو وليه وليه ماطالع….القوقو بعد سجل شوية لعيبة وحقهم ما اكتمل وهزيمتهم للجيش السورى المتضعضع رفعت معنوياتهم عنان السماء وتنتفخ اوداجهم اذا ماقيل ان الجيش كان ضعيفا…وبالفعل الاهلى مروى وضعهم فى قالبهم الطبيعى وهدية شانتير فى اواخر اللقاء وتغاضيه من فاول داخل الخط اثمن هدية…شكوى الهلال فى سلوك بكرى والزجاجى صحيحة لكنها اخذت طابع اخر وان كان الاهلى الاحق بالشكوى ولكن الشئ المحير سلوك الزجاجى تغير واصبح عصبجى قبلها فى لقاء حى العرب اساء للحكم وبعدها مباشرة لطم لاعب الاهلى ..لم يكن كذلك مطلقا فى الهلال عجبى..ماعلينا ..ولكن مذكرة الهلال فهمت خطاء لان الازرق تأذى من ايقاف اوتارا وبوى..وليس خوفا من لقاء هكركم ياساده .وخطابه للاتحاد  بمثابة تنبيه للمعاملة بالمثل وليس خوفا من اى دواعى ..الازرق جاهز لضربكم فى اى زمان ومكان انتو بس ابقو مارقين.ماشايفين ليكم جديد وجمال صاروخ السمؤال لليله داوشو..ومناوشو….

الازرق الوهاج

اصبح من الواضح ضعف الهلال فى الشوط الثانى والبدائل اصبحت بدلا من ان ترتقىبالاداء  وتزيد من الدفع اضحت توهن قوة الفريق بل تدخل فى عك كروى عجيب جوفيانى اى احتكاك يسقطه..سادومبا لازال يعوس بدون تركيز ..ولا ادرى لماذا تسرع المدرب باخراج بشه،وبوعاقله..لولا لطف الله لعادل الوطنى..الهلال يضم عناصر جيده ولكنها فى الشوط الثانى تتوه هذه البدائل وتلعب بطريقة مغايرة..

لقاء اليوم مع التبلديه شيق ومتين ونتمنى ان يحافظ الهلال على تماسكه طوال الشوطين.

قصاصات

المدرب ابراهومه مدرب فذ ولكن تدريبه لاهلى الخرطوم يحتاج لصبر ان وافق.

مباراة المريخ والجيش تحصيل حاصل فى تمهيدى اللقاء ولااعتقد ان الجيش الحمام لديه جديد

المذيع شابكنا قولدن بوى …قولدن بوى هههههه…وبنقوليك طيرى دواهو فارس عبدالله…

المريخ حول ابوبكر عبدالمجيد سومانا من هاوى الى محترف…مابحصل شيبوب..فى الفن والمتانه..

بدور ببكى

التصوير والنقل لسع محزن اسم اللاعب ما بتكتب لا فى النزول ولا فى الهدف والكورة بعد الاعاده امكن ماتتفهم

المذيع بذيع بسرعة بطريقة مزعجة يابوشيخ نحن شايفين ذع براحة..الاذاعة اصبحت ونسة..وتلطيف للاجواء..

شمهروووش اجمع

لبيك مولاى

الجماعة ناس القوقو شمو ريحة اباطهم..شابكننا قولدن بوى..وبرشا..

اليز انعكيس زواوويل مركاعه …عربية..

موههههههاهاهاهاهاهاهاهاها موووهاهاهاهاهاها

الترجمة

فقاعات صابونية..حدها البطوله العربية….

تحياتى

(يا أَيُّهَا الَّذِينَ آمَنُواْ اتَّقُواْ اللَّهَ وَكُونُواْ مَعَ الصَّادِقِينَ)

 

 

حمل تطبيق كورة سودانية لتصفح أسرع وأسهل 

لزوارنا من السودان متجر موبايل1

http://www.1mobile.com/net.koorasudan.app-2451076.html

2,456حملوh التطبيق               

لزوارنا من جميع انحاء العالم من متجر قوقل

https://play.google.com/store/apps/details?id=net.koorasudan.app 

17756 حملو التطبيق

على متجر apkpure

https://apkpure.com/ar/%D8%B5%D8%AD%D9%8A%D9%81%D8%A9-%D9%83%D9%88%D8%B1%D8%A9-%D8%B3%D9%88%D8%AF%D8%A7%D9%86%D9%8A%D8%A9/net.koorasudan.app

على متجر facequizz

http://www.facequizz.com/android/apk/1995361/

على متجر mobogenie

https://www.mobogenie.com/download-net.koorasudan.app-3573651.html

على متجر apk-dl

http://apk-dl.com/%D8%B5%D8%AD%D9%8A%D9%81%D8%A9-%D9%83%D9%88%D8%B1%D8%A9-%D8%B3%D9%88%D8%AF%D8%A7%D9%86%D9%8A%D8%A9

على متجر apkname

https://apkname.com/ar/net.koorasudan.app

 

قد يعجبك أيضا
اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبولقراءة المزيد