صحيفة كورة سودانية الإلكترونية

الهلال وكاريكا جرح وجراح !!

20

بالعربي الكسيح
محمد الطيب الأمين

* من أدق تعابير الشاعر الجميل أزهري محمد على قوله : (يا دي الحبيبة الكل ما طايبتها فتحت على جرحك جرح) ..
* كل ما (تطايبها) وتكون معاها (سمن على العسل) تقوم تفتح على جرحك جرح ..
* يعني زولة تقدر تقول عليها (مُلكلكة) ..
* ترضيها بهنا تزعلك بهناك ..
* ونحن لن نجد تعبير أفضل من تعبير أزهري محمد على لنلخص به (راهن الهلال) ..
* وضع الهلال (الصداري) وإحساس الجمهور ومطاردة المريخ كلها أشياء ما كانت تحتمل أى تعادل جديد ..
* التعادل أمام الأهلي وقع علينا وقعت (الصاعقة) ..
* الهلال (طايبنا) بعروض جميلة ونتائج باهرة ولكنه منذ رحلت عطبرة بدأ التراجع ..
* تراجع على مستوى النتائج على الأقل ..
* وبالتأكيد هو تراجع مرفوض ولا يتوافق مع طموحات فريق يجلس على الصدارة وينشد تحقيق البطولة بفارق نقاط وسجل خالي من الخسارة ..
* تعادل الهلال أمام الأهلي يدخل في إطار التفريط غير المبرر ..
* وهو تفريط بالضرورة سنندم عليه كثيرا ..
* الأهلي فريق جيد ولكنه ليس مدهشا ..
* بل هنالك عيبوب كبيرة في وسط الأهلي وخط ظهره ..
* عيوب متعددة لم يستغلها الهلال بالشكل الأمثل ..
* الفوز على الأهلي أمس الأول ما كان يحتاج من الهلال لكثير عناء ..
* هو في متناول اليد ..
* الأهلي في آخر مباراة أمام المريخ خسر بالخمسة ..
* وهذا دليل على أنه فريق يعاني من ثقوب في خط ظهره ومحور إرتكازه ..
* الأهلي ممكن يكون (أسد) قدام حى الوادي والرابطة ومريخ كوستي ولكنه أمام الهلال طبيعي أن يتحول ويصبح (نعامة) ..
* يصبح نعامة لأسباب كثيرة منها .. المباراة في الجوهرة ، والهلال متصدر ، والأهلي ما الفريق البيقيف معانا ..
* نقول هذا مع التأكيد على أن كرة القدم (فوز ، تعادل خسارة) ..
* لكن كمان إحنا إتعادلنا في عطبرة يفترض ما نتعادل في أم درمان عشان حياتنا كلها ما تبقى تعادلات ..
* ولا ما كده ؟؟
* المهم ..
* مستوى الهلال يفرز عديد التساؤلات ..
* هل المشكلة في (العزيمة) أم في (الثقة) أم أن المشكلة مشكلة (تدريب) ؟
* أنا أعتقد أن خالد بخيت له دور كبير في النتيجة التى إنتهت عليها مباراة الأهلى الأخيرة ..
* نعم خالد بخيت أقرب منا للاعبين وهو أدرى بظروفهم ودرجة جاهزيتهم ولكن بعض العناصر كانت خصما على الهلال في مباراة أمس الأول ..
* الإصرار على إشراك محمد موسى واحد من أكبر علامات الإستفهام التى تحتاج لإجابة من الكوتش خالد بخيت ..
* محمد موسى حتى لو سجل هدف فهو يقدم في مستوى فني باهت يضعف به شخصية الهلال الهجومية بشكل كبير ..
* الكل تابع ولاء الدين بعد دخوله نشط جبهة الهلال بمساعدات كبيرة من الثعلب الذي حرك هو الآخر اللعب ..
* إستمرار محمد موسى ومشاركته أساسيا لأكثر من (70) دقيقة يبدو غير مبررا في ظل وجود ولاء وشلش ..
* أيضا إصرار خالد بخيت على إستمرار بشة لـ(90) دقيقة لا يبدو منطقيا ..
* قلناها من قبل .. بشة لاعب لا غنى عنه ولكن يمكن إستثماره وفق طاقته ووفق حاجة الهلال ..
* بشة لو نزل في الشوط الثاني بيفعل الكثير المثير ..
* وحتى لو شارك في الشوط الأول (مال على شرط يكمل المباراة) ..
* إتاحت الفرصة لأكبر عدد من الشباب يمكن أن يضيف للهلال أكثر ..
* ويبقى الأهم من هذا (إستشعار المسؤولية) و(الغيرة) ..
* الهلال أمام الأهلى لم يكن سيئا ولكنه في ذات الوقت لم يكن ممتازا ..
* إستشعار المسؤولية لم يكن بالقدر الكافي ..
* زمان الهلال لو إتعادل في مباراة بيجي المباراة البعديها (بفرتق) الخصم ..
* وهسه الهلال إتعادل في عطبرة وجا أم درمان يفترض يكون (غضبان) ويصالح الحبان بفوز عريض على الأهلى ..
* الفرق الكبيرة لا تنجرح مرتين ..
* كبرياء الكبير لازم يظهر ..
* إتعادلت في عطبرة تجي أم درمان تضرب بيد من حديد ..
* نأمل حقيقة ونتمنى أن يكون التعادل أمام الأهلى هو الأخير للهلال هذا العام ..
* تاني ما دايرين تعادل ..
* المتبقي من الدوري يحتاج لـ(مسايسة) وحنكة وخبرة ..
* وعندما نقول خبرة نذكر ونتذكر كاريكا ..
* كاريكا سجل هدف التعادل ولكنه أضاع أكثر من خمسة أهداف للهلال ..
* والله العظيم أنا أستغرب عندما أشاهد كاريكا في المباراة الواحدة ينفذ (7) ركنيات و(10) مخلافات ومع ذلك لا ينجح ولا في واحدة ..
* والمؤسف إنو الحاجة دي بتتكرر في كل مباراة ..
* كل مباراة كاريكا يصر على تنفيذ الركنيات والمخالفات بنفس الطريقة السيئة ..
* كاريكا إذا فشل في تطوير قدراته فيما يتعلق بالعكسيات عليه ببساطة أن يتوقف من تنفيذها ..
* يعني الموضوع ما خطير ..
* انت ما بتعرف خليها لزول بعرف ..
* الموضوع بسيط جدا ..
* الجهاز الفني نفسه يجب أن يكون له كلمة في موضوع تنفيذ كاريكا للركنيات والمخالفات ..
* سبعة ركنيات لو إتنفذت بقدم زول بعرف ممكن نسجل منها هدفين ..
* لكن لما زول ينفذ ليك بنفس الطريق يبقى ما في فايدة ..
* وانت لما تكون متأخر في النتيجة بتحتاج لأى فرصة ..
* نتمنى أن يبعد كاريكا من الركنيات والمخالفات فهو لا يعرف فنونها ..
* والمباريات المتبقية لا ولن تحتمل (شطحات كاريكا ونظرياته الخيالية) ..
* إحنا دايرين زول عملي ..
* عموما .. أصحوا وصحصحوا ..
* ونركب صافنات ونجيبة (دنقلاوية) وأصلو الزول بيموت والذكرى تفضل حية ..
* و..و..
* الكبير كبير ..

حمل تطبيق كورة سودانية لتصفح أسرع وأسهل

 لزوارنا من السودان متجر موبايل1

http://www.1mobile.com/net.koorasudan.app-2451076.html

3,699 حملو التطبيق

لزوارنا من جميع انحاء العالم من متجر قوقل

https://play.google.com/store/apps/details?id=net.koorasudan.app

13230 حملو التطبيق

على متجر   mobogenie

 http://www.mobogenie.com/download-net.koorasudan.app-3573651.html

5000+ حملوا التطبيق

قد يعجبك أيضا
تعليق 1
  1. Abojeddo يقول

    الولولة بدت خلاص .. يازول ما تثبت الفنجطة لزومها شنو ؟؟؟ زمان … اسي مالك بقيت تولول … قلت لي كورتكم الجاية مع هلال الابيض ؟؟؟ مرة كدة مشيت الابيض جيت السوق شايل لي سمكة .. الابيض كلها ساكاني .. عارف وقتها لو شاورت نفسي كان بقيت والي !!!!!
    المهم أركز والفنجطة ما حبابها .. المشكلة ما هنا … المشكلة في التش !!! في كورة امس الملعب كله اتملأ بيض .. وما عارف ناس المازين واوتارا ديل ح يعملوا شنو ؟؟؟
    بالمناسبة يا حبيبنا ما وريتنا الاتحاد لي أجل ليكم كورة الاهلي يومين وهلال الابيض لأجل غير مسمى دون سائر الاندية ؟؟؟؟هههههههههههههههههههههه
    سؤال صعب شديد مش ؟؟؟ عشان الهلال يلقط انفاسو .. دجاجي يلقط الحب !!!!!!!!
    التش الرش التش الرش …….. بلوا راسكم يا زناطير

اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبولقراءة المزيد