مرافقا للمريخ تاهل الهلال السوداني لدور المجموعات من دوري ابطال افريقيا وذلك اثر فوزه علي نظيره ريفرز النيجيري بهدف احرزه اللاعب ياسر مزمل في شوط اللعب الاول في اللقاء الذي استضافه استاد السويس مساء اليوم ..وكان لقاء الذهاب انتهي بالتعادل الايجابي بهدف لكل ..وجاءت المباراة قوية وسريعة من الطرفين حيث سيطر الهلال علي مجريات شوط اللعب الاول ونجح في احراز هدف المباراة الوحيد عن طريق اللاعب ياسر مزمل الذي انفرد بالحارس ووضعها في اقصي شمال الحارس ..وفي الشوط الثاني حاول ريفرز النيجيري من تعديل النتيجة في صناعه العديدمن الهجمات ولكن دائما ما ينقص لاعبيه التركيز والخبرة
مبرووووك سيد أسياد البلد الهلال أبزرد التأهل لمجموعات الأبطال بجدارة أمام فريق خطير، وهو تأهل عادي للهلال وليس فيه مايثير الدهشة والخلعة، والمجموعات غير غريبة على الهلال وما جديد فيها…….
عاوزين صيدتنا في المجموعات عشان إن شاء الله نعيد شريط مجموعات دوري الأبطال في العام ٢٠٠٩…..
ود الشريف الشغلانة خلت الفار يلعب في عبه، وقال مابتمني المجموعات تلمهم مع الهلال سيد البلد 😆😆😆
مبروك ياابو صلاح. تستاهلوا التأهل وعقبال كأس الابطال الذي حرم منه الهلال بامر الحكام وخبث اولاد بمبة بشهادة المعلم فاروق جعفر.
والله الاسمو صلاح دا
كرونا تلحقك طافى النار
بالتوفيق لنادي الهلال والمريخ في المجموعات
ونتمنى ان تلعب داخل السودان
ونتمنى ادراج الفار في المجموعات
ويجب على الاندية المطالبة باعتماد الفار في المجموعات وترفع الطلب عبر الاتحاد من المريخ والهلال حتى لا يتطاول علينا امثال رضوان الغير جيد وامثاله من المرتشين