الهلال يجتاز الخرطوم الوطني بهدف بوي .. ويدخل معركة القمة بفرصة الفوز

الفوز ده زاد الجقلبة وخلي كل فئران الدنيا تلعب وتجقلب في عب المرخرخين، خصوصاً إنهم كانوا متوقعين ومؤملين إنو الخرطوم الوطني يهزم الهلال عشان هم يلقوها باااااااااردة زي عوايدهم ويشيلوا الكاس فطيسة، بس ربك رب الخير شكلو عاوز يخلص منهم الجديد والقديم ويسكت الأبواق ونافخي الكير في الحفرة الحمراء، والدليل علي خوف المرخرخين وجقلبتهم هو تركيزهم علي الخرطوم الوطني أكثر من تركيزهم علي فريقهم الماشي بالدفرات التحكيمية، وكل أعمدة الكتاب الإعلاميين الصفراء أمبارح كانت واضحة فيها نبرة الجقلبة والتمنيات بهزيمة الهلال سيد البلد من الخرطوم الوطني، وبعد كدة يامرخرخين الشغل دخل اللحم الحي وشكلو رجفتكم حاتزيد، وأبو المستعار المؤمل في شكوي أهلي مدني وإنتزاع 6 نقاط من الهلال عشان خاطر مرخرخهم الليلة حايقع طابي ساكت، وبإذن الله نكمل عليهو ليلة سبت اليهود بمشيئة الله !!
نتوقع إنو من اليوم وحتي يوم السبت إنو كل إعلام المرخرخ يتوجه للضغط علي الحكام وتشديد الهجوم عليهم، أصلهم ياكافي البلا إتعودوا علي الدفرة وماعندهم ثقة في كوم المواسير المغطياهو الأيام وحاينكشف بإذن الله عماقريب، وهم عارفين الكلام ده أكتر من غيرهم……………..
لكمة أخيرة: الهلال لمن يزعل صعب يامرخرخين، وإنتوا عارفين الكلام ده زي جوع بطنكم !!