الهلال يحسم صفقة هداف أهلي الخرطوم رسمياً

كردنة ياتمساح ياعشاري يامعذبهم وياكايدهم !!
بالله لقط كل النجوم الفي الدوري الممتاز وحتي الدرجات الصغري كمان وجيبهم كلهم ولمهم في الجوهرة الزرقاء البتسر الناظرين وتجذب أنظار اللاعبين، وماتخلي للمرخرخين ولا لاعب حايم وخليهم يتوكروا مع ناس ضفر وراجي وعمو علاء الدين ونمر وعلي جعفر ، وكمان لو المرخرخين رصدوا ليهم لاعب صغير من الدرجات التانية من أبو 100 مليون وكان حريف، أقلعه منهم ضر وحسادة ولا أرفع سعرة ل 4 مليار وخلينا نسمع موسيقي الجعير والسكلبة بتاعة إعلامهم الضلالي السالب هههههههههههههههههههه
المرخرخين في الأساس مفلسين وعينهم طالعة، وبعد ما كانوا قافلين علي قروش الراجل الفلسطيني الراقد في المستشفي الحكومة قطعته معاهم ناشف وقفلتها ليهم طرشاء وجابت سوداكال وقطته في السجن وخلتهم يجعروا ويتلفتوا زي سواقين الركشات في إنتظار زول مقندل وعنده قروش عشان ينقذهم من وهدتهم، وما مشكلة لو كان حرامي ولابتاع غسيل أموال ولا نهاب، المهم جيبه مليان عشان يلغفوا ويبرطعوا في النعيم…………..
لكمة أخيرة: إلهي ما أعدلك !!