الهلال يسخر من شكوي الرهيب في عدم قانونية شيبوب
سخرت بعثة الهلال الإدارية في الشكوي التي تقدم بها مريخ كوستي رسمياً في عدم قانونية مشاركة لاعب الفريق شرف الدين شيبوب في اللقاء الذي جمع الطرفين في إفتتاح الدورة الثانية لمنافسة الدوري الممتاز علي ملعب إستاد كوستي وذلك لعدم قانونية إنتقاله من المريخ العاصمي لشبيبة القيروان التونسي وبعد ذلك للهلال.
هههههههههههههه نكتة الموسم، المرخرخ الصغير بتاع يوسف أبوحميد بيتلقي التعليمات من الحفرة العتيقة في أمدرمان، والمسكين ماعارف المطرة صابة علي وين…..!!
بمستواكم بتاع الشلاليت وشغل التوصيات الشغالين بيها عشان تصفوا لعيبة الهلال حاتمشوا الدرجة الولي في كوستي، وناس المرخرخ الكبير ناس ماعندهم عشرة ولا ذمة، يبيعوكم بيع التمر في موقف كريمة ويقعدوا يعاينوا فيكم !!
بالمناسبة ياناس إتحاد اللقيمات، موضوع الشكاوي في عمنا الإمام باسكال الواوا حصل فيهو شنو؟ عملتوا طناش من الموضوع ولاشنو؟
لكمة أخيرة: ما كنا قايلين عملية شيبوب حارق الفشفاش والقلوب لسة خارطة بلي مع المرخرخين هههههههههههههه
هههههه هااااااااي. اذا كان كبيركم الذي علمكم السحر فشل في كسب الشكوي. عاوزين تكسبوها انتو. خموا وصروا.