الوصيف في خدمة سيد البلد و(برا) البلد .. !!

في الصمت كلام
محمد عثمان بلل
الوصيف في خدمة سيد البلد و(برا) البلد .. !!

• هذه حقيقة.
• أصبح الوصيف في خدمة الهلال سيد البلد و(برا) البلد كما ذكر المعلق الاماراتي.
• كيف أصبح في خدمته .. سؤال جميل جداً.
• (الفيفا) قررت خصم (6) نقاط من الهلال.
• بالتالي اصبح المحافظة على لقب الممتاز في (كف عفريت).
• وهناك العديد من الاهلة (قنعوا) من لقب الدوري.
• ولكن.
• ظهر الوصيف في الوقت المناسب الذي اصبح في خدمة (سيد البلد) و(برا) البلد.
• أبت نفسه إلا ان يعوض الهلال فقدان تلك النقاط بالخسارة في مباراتين.
• حتي يتساوي معه في النقاط ويحتفظ (سيد البلد) و(برا) البلد بلقبه المحبب.
• وفي كلاسيكو الامارات وليس في الأمر (عجب).
• (عجب سيدو).
• اعاد الوصيف ذات الموقف بتتويج الهلال باللقب الجوي.
• وذلك بتسجيل الوصيف هدفين ليخرج الهلال فائزا في المباراة.
• (والله الزول الما تابع المباراة يقول بلل دا مجنون).
• الوصيف سجل هدفين .. واحد في شباك الهلال وواحد تاني في في شباكه.
• كدا فهمتو.
• على كل حال .. نشكر الوصيف على مجهوداته الكبير في تتويج سيد البلد و(برا البلد) بلقبي الممتاز وعام زايد.
• (والله زاتو ما عارفين نعمل ليكم شنو).
• (خجلتونا) عديل كدا.

(صمت اخير) ..
• لو قدرتي يوم سافرتي شوقي
• وحنين جريتو بالليل فوق ربابة
• تسافري ونحن مُشتاقين نشوفك
• وترحل كيف خُطاك ماجاتنا دٱبا..