امريكا طلعت دفار غاز ساااي مقالات كورة في أبريل 9, 2020 64 مشاركة المقال في السلك بابكر سلكامريكا طلعت دفار غاز ساااي بسم الله الرحمن الرحيم*الصفوف امام مراكز بيع الغاز تشكل ارتفاع ملحوظ*شأنها شأن الدولار*يقولوا ليك قالوا الغاز الليلة بجي*تبدا الصفوف مع الركعة الاولي من الرقيبة*وفي مراكز اخري قبل الوضو زاتو*وفي بعض المراكز بدون وضو*تجي ستة تلقي روحك نمرة تلتمية وحته*ولكن الامل لايموت*قالوا الغاز جاي*وبعد مقيلة اليوم كلو*وفي تمام الخامسة والنصف*يدخل اليأس النفوس*وتبدا بعض الانابيب في الدردقة خارج الصف*ويبدا السب والتف*وفجاة*نسمع ضجيجا*واصوات تتعالي*وغبار يغطي الانابيب واسيادها ومركز توزيع الغاز*الدفار جا*يابتاع التوسان ارجع لينا ورا خلي الدفار يخش*كل الصف مع بعض*يابتاع التوسان ماتطلع ياخ*في زول بقيف في حته زي دي*ويشموا ليك بتاع التوسان*بتاع التوسان زاتو يشم ليك التوسان*دفار شايل اربعمية انبوبة*جامبو ياعمك*كل الناس ضمنت انابيبها مليانه*وفجاة*واحد بتاع شمارات يسال السواق*جبتوا كم؟*السواق يرد*تلتين انبوبة*صاحبنا يبحلق في السواق*ويخاطبه بلغة العيون*تلتين؟*تلتين لييه؟*وانا؟*انا نمرة تلتمية وتلتين*ما اشيل يعني؟*ما اشيل كيف وقاعد من ستة صباحا؟؟*اسي الابنصات دي كلها في تلتين انبوبة؟*الغبار الكندكنا ده في تلتين انبوبة؟؟؟*يابتاع التوسان اطلع*التوسان يطلع لي تلتين انبوبة؟؟؟*الجخ ده كلو في تلتين انبوبة؟؟؟؟*ايها الناس*دفار الغاز خذل الناس*اها*دفار الغاز ده بذكرني امريكا*مع اول كرونة اتضح انها جايبة تلتين انبوبة بس*كمامات مافيها*هبشة الكمامات*وضحت انو جخ امريكا طلع ديون فيفا سااااااي*اللهم*استرنا من الكورونا*ومن كضب المكرونة*واجعل بلدنا خالية من الديون*ونادينا خاليا من العيون*وما تفرتق ديمقراطيتنا ولا يحزنون*ايها الناس*اذا اقرب الاقربين ماسمع ببيع كاس السد الا بعد المؤتمر الصحفي زي حلاتنا*يبقي كلامنا صاح*ذلك العهد كان يفتقر للشفافية*لكن هل الامر ممكن يصل لدرجة اعضاء في مجلس بيع كاس السد يكونوا زي حلاتنا ماسمعوا بالبيع الا بعد المؤتمر الصحفي؟؟*انا غايتو مابصدق يكون في اعضاء مجلس مجرد استشارة ما استشاروهم*ده ماببقي عدم شفافية*ده ببقي اي مسمي تاني الا عدم شفافية*ايها الناس*ان تنصروا الله ينصركم*اها*نجي لي شمارات والي الخرتوم*للمعلومية*المعلوماتية شغااااله في الكورونه دي*بحمد الله مشينا وانجزنا يا واليناسلك كهرباننساك كيف والكلب قال اطلاق سراح الجوة للكورونا وإدخال البرة برغم الكورونا اجراءاتوالي لقاءسلك امريكا طلعت دفار غاز ساااي 64 مشاركة المقال