صحيفة كورة سودانية الإلكترونية

انتوا المريخ ده بسجل تسجيل صوتي !

27

في السلك

بابكر سلك
انتوا المريخ ده بسجل تسجيل صوتي !

*تقول الانباء ان المريخ مفلس
*قام المريخ سجل طبنجة وكومر ومشنقة كمان
*فتقول الاخبار ان المريخ ماقادر يسدد حوافز اللاعبين
*وكأن اللاعبون قبل مباراة الابيض قبضوا جراد
*تلفح من الاخبار الانباء لتقول
*ان المريخ التكتح ماعندو
*يقوم المريخ يسجل ابا القاسم والمصراتي ويفاوض مهاجم
*تعود الاخبار لتقول
*ان المريخ لايملك جرجير كتير تحت السرير
*يقوم المريخ يفاوض تلاته اجانب دفعة واحدة
*تعاود الانباء اللفحي لتطل علينا بقولها
*خانات للاجانب مافي
*يقوم المريخ يوفق اوضاع مايكل كااااااش
*ويفاوض لازقيلا علي نفس النهج
*فتعود الاخبار القديمة بقولها
*اقرعوا الواقفات الجفلن خلهن
*يقوم المريخ يقرع امير والتكت
*واحتمال رمضان قبل الأوان
*وكاااااااااش
*كاش اجبر الواقفة الاخيرة الدايرة تجفل
*اجبرها علي الحوامة حول رفيقاتها
*مافي زول كلف نفسو يعقلها
*ولكنها توكلت وماجفلت
*ثم تنقل لنا الاخبار حجم الدمار الذي اصاب الملعب والمضمار
*يقوم المريخ يجيب شركة لافة النجيل زي الموكيت وشغاااااالة
*ايتها الانباء
*ايتها الاخبار
*اين الفلس اذن؟؟؟؟
*وبالامس تم نشر اخبار بعضها معمول بحب
*وبعضها لفائدة الخبر
*وبعضها لازم الفائدة
*قالت القبض علي دكتور خيري في مديونية مريخية
*زي كلامي وكلامكم ده
*اندفع مبلغ ازيد من أربعمائة مليون وخرج خيري
*بعض المصادر نقلت الينا خبر الافراج
*وبعضها عمل رايح
*رايح بحب
*فاذا عمل المريخ ده كلو
*يبقي المريخ مفلس كيف؟
*يعني المريخ ده بسجل لاعبين ولا تسجيل صوتي؟؟؟؟؟
*سؤال معمول بحب
*ايها الناس
*نكررها
*ليس من الضرورة ان تتحزب داخل المريخ
*بل ليس من المصلحة التحزب
*ولاكبير علي المريخ
*ولا كبير علي النقد علي مر التاريخ
*بس نفترض اختيار الناس العبارات اللائقة عند انتقاد الرموز او الكبار او حتي المجلس
*لاننا جميعا نقف علي ارض طاهرة تحملنا دون تمييز اسمها المريخ
*ايها الناس
*بلاغات حوض السباحة ماشة
*والدعاوي المدنية في ذلك الخصوص تمضي
*والمفاجآت مذهلة
*والتفاصيل مقرفه
*والمستندات تحدث عن نفسها
*ومن حق الجميع ان يعلموا بالحقائق بتفاصيلها
*ابقوا معنا
*والله يستر
*اليومين دي قالوا في موضة اختفاء ناس
*ايها الناس
*ناس محمد عبدالماجد
*ناس القوة الضاربة
*نسمع جعجعة ولانري طحينا
*اعتذار للبرازيليين
*صرف نظر عن المصريين
*اتنين الكشف الطبي قال مقردين
*فقط
*كل العرجاوات لي مراحهن
*جهزوا يا محمد للمحاولة رقم تسعين في موسم عشرين عشرين
*تشربوا مابترووا
*ورمضان السنة دي
*حاااااااااار
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*الغاز في الطلمبة بي مية خمسة وتلتين بتباع لينا
*وفي محلات الغاز البتلينا
*بي ميتين يا والينا
*عارفين كده ولا شن خبرتكم ياوالينا؟؟؟؟
سلك كهربا
ننساك كيف والكلب قال دحين تركيا مي علمانية؟؟؟
والي لقاء
سلك

قد يعجبك أيضا
اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبولقراءة المزيد