*الايام دي ايام اوسكار
*في كلو مجال اوسكار
*اوسكار زي الاوسكار
*ويسجل التاريخ
*انها ايام اوسكار
*اوسكار ليل ونهار
*اوسكار في كلو مجال
*اوسكار بنات
*اوسكار جهال
*اوسكار شباب
*اوسكار رجال
*اوسكار ابطال
*واوسكار كونفدرالية
*وكان اوسكار اوسكارات الكونفدرالية
*اوسكار جمال
*من الله خلق الكورة وسماها التيوه
*عالميا
*محليا
*دافوريا
*او في الاحلام
*ماشفنا لاعب برتكب تلاته ضربات جزاء في مباراة واحدة
*واحدة ختت القون
*والاتنين اسكورات
*اوسكار جمال
*كمل حبر العالم
*قينيس يسجل
*عجائب الدنيا السبعة قالن خلوهو لي
*التاريخ يسجل
*وعمك قوقل احتار
*عمك قوقل زاتو عمل بحث
*لاعب ارتكب تلاتة ضربات جزاء في مباراة واحده
*لاعب ارتكب تلاته ضربات جزاء في مباراة واحدة
*النت زاتو احتار
*اتلفت علي عمك قوقل وقال
*ياعمك انت كبرت ولا شنو
*لاعب شنو البرتكب تلاته ضربات جزاء في مباراة واحده ده
*عمك قوقل قال ليهم
*لقيت تلاته ضربات جزاء في مسيرة نادي
*في تاريخ كامل للاعب معتزل
*في دوري كامل
*لكن في كورة واحدة
*يطرشني
*انه اوسكار جمال
*الغريبة جمال لما كان في المريخ
*كان مشتهر بصد ضربات الجزاء
*اسي بي قدرة قادر يافطومة
*اشتهر بارتكاب ضربات الجزاء
*الكسكتة مانفعت معاهو
*اسي كورة الرد ام شمسا بره دي
*لبسوهوا الكسكتة ياروشا
*الشمس حاره
*والزول ده بمرق ساااكت
*ماملتزم بالجدول
*في مروقو مخالف للمهنيين
*اقصد الفنيين
*الزول ده بمرق زي كلب البيت
*بس مايلقي الباب فاتح
*ويافكيك
*وناس الدمازين والجريف ديل
*طوالي خالين الباب فاتح
*وزولك يمرق
*المرقة الياها
*مايرجع الا شايل ضقلها يتلولح
*اللهم لاشماته
*فالحصة وطن
*والايام ايام اوسكار
*والاوسكار ناسو كتار
*وعلي ديلو
*سبعة لفات
*وكمبلت
*والرمة والحراس
*وسلوي ياسلوي
*وياوردة فتحي
*كلها العاب اوسكار
*ايها الناس
*ان تنصروا الله ينصركم
*اها
*نجي لي شمارات والي الخرتوم
*قلت لي شنو يا والينا!!!!
سلك كهربا
ننساك كيف والكلب قال غمدت لبدت برضك لعبة اوسكار
والي لقاء
سلك
